100ಕೋಟಿ ಲಸಿಕಾಕರಣ ಇತಿಹಾಸ ಬರೆದ ಭಾರತ : ಅಭಿನಂದನೆ ಸಲ್ಲಿಸಿದ ಡಬ್ಲ್ಯುಎಚ್‌ಒ | ಜನತಾ ನ್ಯೂಸ್
2209
ಬೆಂಗಳೂರು : ಭಾರತ ಇಂದು ಒಂದು ಶತಕೋಟಿಗೂ ಹೆಚ್ಚು ಕೋವಿಡ್-19 ವ್ಯಾಕ್ಸಿನೇಷನ್ ಮೈಲಿಗಲ್ಲು ಸಾಧಿಸಿದ್ದು, ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಭಾರತೀಯರನ್ನು ವಿಶ್ವ ಆರೋಗ್ಯ ಸಂಸ್ಥೆ ಅಭಿನಂದಿಸಿದೆ. ಇದಕ್ಕೂ ಮೊದಲು ಪ್ರಧಾನಿ ಮೋದಿ
ಯವರು 100ಕೋಟಿ ಲಸಿಕಾಕರಣಕ್ಕಾಗಿ ತಾವು ಪ್ರತಿಯೊಬ್ಬ ಭಾರತವಾಸಿಗೆ ಶುಭಾಶಯ ಕೋರುವುದಾಗಿ, ಹೇಳಿದ್ದರು.
ಸರ್ಕಾರದ ಅಂಕಿಅಂಶಗಳು ಭಾರತದಲ್ಲಿ ಮುಕ್ಕಾಲು ಪಾಲು ವಯಸ್ಕರು ಮೊದಲ ಲಸಿಕೆಯನ್ನು ಪಡೆದಿದ್ದಾರೆ ಮತ್ತು ಸುಮಾರು 30 ಪ್ರತಿಶತದಷ್ಟು ಜನರು ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡಿದ್ದಾರೆ, ಎಂದು ತೋರಿಸುತ್ತದೆ.
"ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ವಿಜ್ಞಾನಿಗಳು, ಆರೋಗ್ಯ ಕಾರ್ಯಕರ್ತರು ಮತ್ತು ಭಾರತದ ಜನರು, ಕೋವಿಡ್-19 ನಿಂದ ದುರ್ಬಲ ಜನಸಂಖ್ಯೆಯನ್ನು ರಕ್ಷಿಸಲು ಮತ್ತು ಲಸಿಕಾಕರಣ ಗುರಿಗಳನ್ನು ಸಾಧಿಸಿರುವ ನಿಮ್ಮ ಪ್ರಯತ್ನಕ್ಕೆ ಅಭಿನಂದನೆಗಳು", ಎಂದು ಡಬ್ಲ್ಯುಎಚ್‌ಒ ಮಹಾನಿರ್ದೇಶಕ ಟೆಡ್ರೊಸ್ ಅಧನಾಮ್ ಘೆಬ್ರೆಯೆಸಸ್ ಟ್ವೀಟ್ ಮಾಡಿದ್ದಾರೆ.
"ಭಾರತದ ಇತಿಹಾಸ ಬರೆದಿದೆ. ನಾವು ಭಾರತೀಯ ವಿಜ್ಞಾನ, ಉದ್ಯಮ ಮತ್ತು 130 ಕೋಟಿ ಭಾರತೀಯರ ಸಾಮೂಹಿಕ ಮನೋಭಾವದ ವಿಜಯವನ್ನು ನೋಡುತ್ತಿದ್ದೇವೆ. 100 ಕೋಟಿ ಲಸಿಕೆಗಳನ್ನು ದಾಟಿದ ಭಾರತಕ್ಕೆ ಅಭಿನಂದನೆಗಳು. ನಮ್ಮ ವೈದ್ಯರು, ದಾದಿಯರು ಮತ್ತು ಈ ಸಾಧನೆ ಮಾಡಲು ಶ್ರಮಿಸಿದ ಎಲ್ಲರಿಗೂ ಧನ್ಯವಾದಗಳು", ಎಂದು ಪ್ರಧಾನಿ ಮೋದಿಯವರ ಮಾಡಿದ್ದ ಟ್ವೀಟ್ ನ್ನು ಡಬ್ಲ್ಯುಎಚ್‌ಒ ಮಹಾನಿರ್ದೇಶಕರು ರಿಟ್ವೀಟ್ ಮಾಡಿದ್ದಾರೆ.
ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಟ್ವೀಟ್ ಮಾಡಿದ್ದಾರೆ, "ಭಾರತಕ್ಕೆ ಅಭಿನಂದನೆಗಳು! ಇದು ದೂರದೃಷ್ಟಿಯುಳ್ಳ ಪ್ರಧಾನಿ ಮೋದಿಯವರ ಸಮರ್ಥ ನಾಯಕತ್ವದ ಫಲಿತಾಂಶ", ಎಂದು ಬರೆದಿದ್ದಾರೆ.
