ಲಂಡನ್ನಿಂದ ವಾಪಸ್ ಬಂದಿರುವ ನಟಿ ಹರ್ಷಿಕಾ ಪೂಣಚ್ಚ ಸ್ಪಷ್ಟನೆ! | Filmz news
: ಬ್ರಿಟನ್ನಲ್ಲಿ ಹೊಸ ರೂಪದ ಕೊರೋನಾ ವೈರಸ್ ಪತ್ತೆಯಾಗಿರುವ ಕಾರಣ ಬ್ರಿಟನ್ನಿಂದ ಬರುವ ವಿಮಾನಗಳನ್ನು ಡಿಸೆಂಬರ್ 31ರವರೆಗೂ ನಿರ್ಬಂಧಿಸಲಾಗಿದೆ. ಚಿತ್ರೀಕರಣಕ್ಕೆಂದು ಲಂಡನ್ನಲ್ಲಿದ್ದ ಹರ್ಷಿಕಾ ಪೂಣಚ್ಚ ಈಗ ತಾನೇ ಬೆಂಗಳೂರಿಗೆ ವಾಪಸ್ ಬಂದಿದ್ದಾರೆ.
ಚಿತ್ರೀಕರಣದಲ್ಲಿ ಭಾಗಿಯಾಗುತ್ತಿರುವ ಹರ್ಷಿಕಾ ಯಾಕೆ ಕ್ವಾರಂಟೈನ್ ಅಗಿಲ್ಲ? ಲಂಡನ್ನಲ್ಲಿಯೇ ಸೋಂಕು ಹೆಚ್ಚಿರುವುದು ಎಂದು ಪ್ರಶ್ನೆಸುತ್ತಿದ್ದ ನೆಟ್ಟಿಗರಿಗೆ ಸ್ವತಃ ಹರ್ಷಿಕಾ ಸ್ಪಷ್ಟನೆ ನೀಡಿದ್ದಾರೆ.
ಎಲ್ಲರಿಗೂ ನಮಸ್ಕಾರ... ನನಗೆ ನಿಜವಾಗಿಯೂ ಅರ್ಥವಾಗುತ್ತಿಲ್ಲ ಏನಾಯ್ತು ಅಂತ. ನಾನು ಲಂಡನ್ಗೆ ಹೋಗಿದ್ದು ನಿಜ. ಆದರೆ, ಎರಡು ವಾರಗಳ ಹಿಂದೆಯೇ ನಾನು ವಾಪಸ್ ಬಂದಿದ್ದೇನೆ. ಲಂಡನ್ ನನಗೆ ತುಂಬ ಇಷ್ಟವಾದ ಜಾಗ. ಹಾಗಾಗಿ, ಲಂಡನ್ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಾಕುತ್ತಿರುತ್ತೇನೆ. ಆದರೆ, ನಾನು ಇನ್ನು ಅಲ್ಲಿಯೇ ಇದ್ದೇನೆ ಎಂಬ ನ್ಯೂಸ್ ಹರಿದಾಡುತ್ತಿದೆ. ಯಾಕೆ ಈ ಥರ ಸುದ್ದಿ ಆಗುತ್ತಿದೆಯೋ ನನಗಂತೂ ಗೊತ್ತಿಲ್ಲ. ವಾರದ ಹಿಂದಷ್ಟೇ ಒಂದು ಫೋಟೋಶೂಟ್ ಕೂಡ ಮಾಡಿಸಿದ್ದೇನೆ. ಸದ್ಯ ನಾನು ಬೆಂಗಳೂರಲ್ಲೇ ಇದ್ದೇನೆ. ನಾನು ಸುರಕ್ಷಿತವಾಗಿದ್ದೇನೆ ಎಂದು ಹರ್ಷಿಕಾ ಹೇಳಿಕೊಂಡಿದ್ದಾರೆ.