ಈ ವಾರ ಬಿಗ್ ಬಾಸ್ ಮನೆಯಿಂದ ಹೊರ ಬಂದಿದ್ದು ಯಾರು ಗೊತ್ತಾ? | Filmz news
: ಬಿಗ್ ಬಾಸ್ ಮನೆಯಿಂದ ಹಿರಿಯ ನಟ ಶಂಕರ್ ಅಶ್ವತ್ಥ್ ಮನೆಯಿಂದ ಹೊರ ಬಿದ್ದಿದ್ದಾರೆ ಎಂಬ ಮಾಹಿತಿ ದೊರೆತಿದೆ.
ಬಿಗ್ ಬಾಸ್ ಸೀಸನ್-8ರಲ್ಲಿ ಎಲಿಮಿನೇಟ್ ಆದ ಐದನೇ ಸ್ಪರ್ಧಿಯಾಗಿದ್ದಾರೆ ಶಂಕರ್ ಅಶ್ವತ್ಥ್. ಈ ಹಿಂದೆ ಮೊದಲ ವಾರದಲ್ಲಿ ಟಿಕ್ ಟಾಕ್ ಸ್ಟಾರ್ ಧನುಶ್ರೀ, ಎರಡನೇ ವಾರದಲ್ಲಿ ನಿರ್ಮಲಾ ಚೆನ್ನಪ್ಪ, ಮೂರನೇ ವಾರದಲ್ಲಿ ಗೀತಾ ಭಾರತಿ ಭಟ್ ಹಾಗೂ ನಾಲ್ಕನೇ ವಾರದಿಂದ ಚಂದ್ರಕಲಾ ಮೋಹನ್ ಎಲಿಮಿನೇಟ್ ಆಗಿದ್ದರು. ಐದನೇ ವಾರದಲ್ಲಿ ಹಿರಿಯ ನಟ ಶಂಕರ್ ಅಶ್ವತ್ಥ್ ಅವರು ಬಿಗ್ ಬಾಸ್ ಮನೆಯಿಂದ ಹೊರ ಬಿದ್ದಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿದೆ.
ಈ ವಾರ ನಾಮಿನೇಷನ್ನಲ್ಲಿ ಶಂಕರ್ ಹೆಸರು ಇತ್ತು. ಅವರ ಪರ್ಫಾರ್ಮೆನ್ಸ್ ಕೂಡ ಕಳಪೆ ಆಗಿತ್ತು. ಪರಿಣಾಮವಾಗಿ ಬಿಗ್ ಬಾಸ್ನಲ್ಲಿ ಅವರ ಪಯಣ ಅಂತ್ಯವಾಗಿದೆ ಎನ್ನಲಾಗಿದೆ.
ಟಾಸ್ಕ್ವೊಂದರಲ್ಲಿ ದಿವ್ಯಾ ಸುರೇಶ್ ಮತ್ತು ವೈಷ್ಣವಿ ನಡುವೆ ಪೈಪೋಟಿ ನಡೆಯುತ್ತಿತ್ತು. ಸ್ವಿಮಿಂಗ್ ಪೂಲ್ನಲ್ಲಿ ಇಬ್ಬರೂ ನಿಂತುಕೊಂಡಿರುವಾಗ ಆ ಆಟವನ್ನು ನಿಲ್ಲಿಸಲು ಶಂಕರ್ ಅಶ್ವತ್ಥ್ ಪೂಲ್ಗೆ ಹಾರಿದರು. ಅವರ ಈ ವರ್ತನೆಯಿಂದ ಇಡಿ ಮನೆಯವರಿಗೆ ಬೇಸರ ತಂದಿತ್ತು.
ಶನಿವಾರದ ಎಪಿಸೋಡ್ನಲ್ಲಿ ಚರ್ಚೆ ಆಯಿತು, ಕಿಚ್ಚ ಸುದೀಪ್ ಕೂಡ ಈ ಬಗ್ಗೆ ಮಾತನಾಡಿದರು, ಆದರೂ ಜೋರು ಧ್ವನಿಯಲ್ಲಿ ಶಂಕರ್ ಸಮರ್ಥನೆ ಮಾಡಿಕೊಳ್ಳಲು ಪ್ರಯತ್ನಿಸಿದರು.
ಈ ವಾರದ ನಾಮಿನೇಷನ್ ನಲ್ಲಿ ಪ್ರಶಾಂತ್, ನಿಧಿ, ಶುಭಾ, ಶಮಂತ್, ಶಂಕರ್ ಅಶ್ವತ್ಥ್, ಅರವಿಂದ್ ನಾಮಿನೇಟ್ ಆಗಿದ್ದರು.