ಚಿತ್ರದುರ್ಗದಲ್ಲಿ ಸಂಪೂರ್ಣ ಸ್ವದೇಶಿ ನಿರ್ಮಿತ ರುಸ್ತಂ-2 ಡ್ರೋನ್ ಪರಿಕ್ಷಾರ್ತ ಹಾರಾಟ ಯಶಸ್ವಿ | Janata news
1699
ಚಿತ್ರದುರ್ಗ : ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ(ಡಿಆರ್‌ಡಿಒ) ನಿನ್ನೆ ಶುಕ್ರವಾರ ಸಂಪೂರ್ಣವಾಗಿ ಸ್ವದೇಶಿ ನಿರ್ಮಿತ, ಮಧ್ಯಮ ಎತ್ತರದಲ್ಲಿ, ದೂರದ ಹಾರಾಟ ನಡೆಸಲು ಸಕ್ಷಮತೆ ಹೊಂದಿರುವ, ರುಸ್ತಂ-2 ಡ್ರೋನ್ ಅನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ.
ರಾಜ್ಯದ ಚಿತ್ರದುರ್ಗದಲ್ಲಿ ಪರಿಕ್ಷಿಸಲ್ಪಟ್ಟ ರುಸ್ತಂ-2 ಡ್ರೋನ್ 16000 ಅಡಿ ಎತ್ತರದಲ್ಲಿ ಸುಮಾರು ಎಂಟು ಗಂಟೆಗಳ ಕಾಲ ನಿರಂತರವಾಗಿ ಹಾರಾಟವನ್ನು ನಡೆಸಿದೆ.
ಚಿತ್ರದುರ್ಗ ಜಿಲ್ಲೆಯ ಚಲ್ಲಕೆರೆ ಏರೋನಾಟಿಕಲ್ ಟೆಸ್ಟ್ ವ್ಯಾಪಿಯಲ್ಲಿ ಎಂಟು ಗಂಟೆಗಳ ಪರೀಕ್ಷಾ ಹಾರಾಟದ ನಂತರ ರುಸ್ತಂ-2 ಒಂದು ಗಂಟೆ ಇಂಧನವನ್ನು ಉಳಿಸಿದೆ ಮತ್ತು ಪರೀಕ್ಷಾ ಹಾರಾಟದ ಗುರಿಯನ್ನು ಅನ್ನು ಸಾಧಿಸಿದೆ, ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪರಿಕ್ಷೆಯಲ್ಲಿರುವ ಈ ಮೂಲಮಾದರಿಯು 2020ರ ಅಂತ್ಯದ ವೇಳೆಗೆ 26000 ಅಡಿ ಎತ್ತರ ಮತ್ತು 18 ಗಂಟೆಗಳ ಹಾರಾಟದ ಸಕ್ಷಮತೆ ಸಾಧಿಸುವ ನಿರೀಕ್ಷೆಯಿದೆ ಎನ್ನಲಾಗಿದೆ.
ಸಿಂಥೆಟಿಕ್ ಅಪರ್ಚರ್ ರೇಡಾರ್, ಎಲೆಕ್ಟ್ರಾನಿಕ್ ಇಂಟೆಲಿಜೆನ್ಸ್ ಸಿಸ್ಟಮ್ಸ್ ಮತ್ತು ಸಾಂದರ್ಭಿಕ ಜಾಗೃತಿ ವ್ಯವಸ್ಥೆಗಳು ಸೇರಿದಂತೆ ಮಿಷನ್ ಉದ್ದೇಶಗಳಿಗೆ ಅನುಗುಣವಾಗಿ ಸಿಡಿತಲೆಗಳ ವಿಭಿನ್ನ ಸಂಯೋಜನೆಗಳನ್ನು ಸಾಗಿಸಲು ರುಸ್ತಂ-2 ಸಮರ್ಥವಾಗಿದೆ. ಇದು ನೈಜ ಸಮಯದ ಆಧಾರದ ಮೇಲೆ ಯುದ್ಧ ಭೂಮಿಯಲ್ಲಿನ ಪರಿಸ್ಥಿತಿಗೆ ಉಪಗ್ರಹ ಸಂವಹನ ಸಂಪರ್ಕವನ್ನು ಹೊಂದಿದೆ.
