ಮೋದಿ, ಮೋದಿ ಘೋಷಣೆ ಪಾಕಿಸ್ತಾನದ ಸಂಸತ್ತಿನಾದ್ಯಂತ : ಪ್ರತಿಪಕ್ಷಗಳಿಂದ ಖಾನ್ ಸರ್ಕಾರಕ್ಕೆ ಭಾರಿ ಮುಜುಗರ | Janata news
1148
ಇಸ್ಲಾಮಾಬಾದ್ : ಇಮ್ರಾನ್ ಖಾನ್ ಸರ್ಕಾರಕ್ಕೆ ಉಂಟಾದ ಮತ್ತೊಂದು ದೊಡ್ಡ ಮುಜುಗರದ ಪ್ರಸಂಗದಲ್ಲಿ, ಪಾಕಿಸ್ತಾನದ ಸಂಸತ್ತಿನಾದ್ಯಂತ ಮೋದಿ, ಮೋದಿ ಘೋಷ ವಾಕ್ಯಗಳು ಪ್ರತಿಧ್ವನಿಸಿದೆ. ಈ ಮೂಲಕ ಪ್ರತಿಪಕ್ಷಗಳ ಸದಸ್ಯರು, ಪಾಕ್ ವಿದೇಶಾಂಗ ಸಚಿವ ಷಾ ಮಹಮೂದ್ ಖುರೇಷಿ ಯವರನ್ನು ಕೆರಳಿಸಿ ಕೋಪದಿಂದ ಕೆಂಡವನ್ನಾಗಿಸಿದ್ದಾರೆ.
ಪಾಕ್ ರಾಷ್ಟ್ರೀಯ ಅಸೆಂಬ್ಲಿಯಲ್ಲಿ ಬುಧವಾರ ಪಾಕಿಸ್ತಾನದ ವಿದೇಶಾಂಗ ಸಚಿವರು ಫ್ರೆಂಚ್ ಉತ್ಪನ್ನಗಳನ್ನು ಬಹಿಷ್ಕರಿಸುವ ಕುರಿತು ಮಾತನಾಡುತ್ತಿದ್ದಾಗ, ಬಲೂಚಿಸ್ತಾನ್ ಸಂಸದರು ಉತ್ತಮ ಆಡಳಿತಕ್ಕಾಗಿ ಭಾರತದ ಪ್ರಧಾನಿ ನರೇಂದ್ರ ಮೋದಿಯವರನ್ನು ಶ್ಲಾಘಿಸಿದ್ದಾರೆ. ಇದಲ್ಲದೇ, ಅವರು ಪಾಕ್ ಸಂಸತ್ತಿನಲ್ಲಿ ಆಜಾದಿ ಘೋಷಣೆಗಳನ್ನು ಕೂಡ ಎತ್ತಿದರು.
ನಿರ್ಣಯದ ಕುರಿತು ಮಾತನಾಡಿದ ಖುರೇಷಿ ಅವರು ನಂತರ ಬಲೂಚಿಸ್ತಾನ್ ಚಳವಳಿಯ ಬಗ್ಗೆ ಮತ್ತು ಆಜಾದಿಯ ಘೋಷಣೆಗಳನ್ನು ಹೇಗೆ ಎತ್ತಲಾಯಿತು, ಎಂಬ ಬಗ್ಗೆ ಮಾತನಾಡಲು ಪ್ರಾರಂಭಿಸಿದರು. ಈ ಸಂದರ್ಭದಲ್ಲಿ ವಿರೋಧ ಪಕ್ಷದ ಸದಸ್ಯರು ಅವರ ಭಾಷಣವನ್ನು ಪದೇ ಪದೇ ಅಡ್ಡಿಪಡಿಸಿದ್ದಾರೆ.
ವಿರೋಧ ಪಕ್ಷದ ನಾಯಕರನ್ನು ಸುಳ್ಳು ಪ್ರಕರಣಗಳಲ್ಲಿ ಸಿಲುಕಿಸುತ್ತಿರುವ ಹಾಗೂ ಕೋವಿಡ್-19 ಸೇರಿದಂತೆ ಇತರೇ ಸಂದರ್ಭಗಳಲ್ಲಿ ದುರಾಡಳಿತದ ಆರೋಪ ಎದುರಿಸುತ್ತಿರುವ ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ಬಗ್ಗೆ ದೇಶದಲ್ಲಿ ಅಸಹನೆ ಕೋಪ ಹೆಚ್ಚುತ್ತಿದೆ, ಎಂದು ಈ ಘಟನೆ ಸಾಕ್ಷಿಯಾಗಿದೆ.
ಪಿಎಂಎಲ್-ಎನ್ ನ ಖವಾಜಾ ಆಸಿಫ್ ಅವರನ್ನು ಬೊಟ್ಟುಮಾಡಿ ಸೂಚಿಸಿದ ವಿದೇಶಾಂಗ ಸಚಿವ ಖುರೇಷಿ, ಭಾರತದ ಪ್ರಧಾನಿ ನರೇಂದ್ರ ಮೋದಿಯವರ ಆತ್ಮವನ್ನು ಅವರೊಳಗೆ ಹೊಕ್ಕಂತೆ ಕಾಣಿಸಿಸುತ್ತಿದೆ, ಎಂದು ಟೀಕಿಸಿದ್ದಾರೆ.
ಅಲ್ಲದೇ, ಸಚಿವ ಖುರೇಷಿ ವಿರೋಧಪಕ್ಷವನ್ನು ಟೀಕಿಸುತ್ತಾ, ಭಾರತದ ನಿರೂಪಣೆಯನ್ನು ಮೆಲುಕು ಹಾಕುತ್ತಾರೆ ಮತ್ತು ರಾಷ್ಟ್ರೀಯ ಸಂಸ್ಥೆಗಳನ್ನು ವಿವಾದಾಸ್ಪದ ವನ್ನಾಗಿ ಮಾಡಿದ್ದಾರೆ, ಎಂದು ಪ್ರತಿಪಕ್ಷಗಳ ಮೇಲೆ ಆರೋಪ ಹೊರಿಸಿದ್ದಾರೆ. ಹಾಗೂ, ಬಲೂಚಿಸ್ತಾನದ ಸ್ವಾತಂತ್ರ್ಯಕ್ಕಾಗಿ ಘೋಷಣೆಗಳನ್ನು ನಿಮ್ಮ ವೇದಿಕೆಯಿಂದ ಎತ್ತಿದ್ದಕ್ಕೆ ನೀವು ನಾಚಿಕೆಪಡಬೇಕು, ಎಂದು ಅವರು ವಿರೋಧ ಪಕ್ಷಗಳನ್ನು ಉದ್ದೇಶಿಸಿ ಹೇಳಿದರು.
