ಕಾಡಿನೊಳಗೆ 24 ಗಂಟೆಗಳ ಕಾಲ ಕಳೆದ 6 ವರ್ಷದ ಬಾಲಕಿ! | Janata news

ದಾವಣಗೆರೆ : ಆರು ವರ್ಷದ ಬಾಲಕಿಯೊಬ್ಬಳು ಕಾಡಿನಲ್ಲಿ 24 ಗಂಟೆಗಳ ಕಾಲ ಕಳೆದಿರುವ ಘಟನೆ ಹರಿಹರ ತಾಲೂಕಿನ ಮಲೇಬೆನ್ನೂರು ಸಮೀಪದ ಬಳಿಯ ಕೊಮಾರನಹಳ್ಳಿ ಅರಣ್ಯದಲ್ಲಿ ನಡೆದಿದೆ.

ಪಾಲಕರು ಮೆಕ್ಕೆಜೋಳದ ತೆನೆ ಮುರಿಯಲು ಹೋಗಿದ್ದ ವೇಳೆ ಅಟವಾಡುತ್ತಿದ್ದ ಬಾಲಕಿ ದಾರಿ ತಪ್ಪಿ ಕಾಡಿನೊಳಗೆ ತೆರಳಿದ್ದಳು. ವಾಪಸ್ಸಾಗುವ ದಾರಿ ತಿಳಿಯದೇ ಐದು ಕಿಲೋಮೀಟರ್​ನಷ್ಟು ಮುಂದೆ ತೆರಳಿದ ಬಾಲಕಿ ಕಾಡಿನಲ್ಲೇ ಅಳುತ್ತಾ ಕುಳಿತಿದ್ದಾಳೆ. ಜಮೀನ ಬಳಿ ಬಾಲಕಿ ಕಾಣದ್ದನ್ನು ಕಂಡು ಗಾಬರಿಗೊಳಗಾದ ಪೋಷಕರು ನಿರಂತರ ಹುಡುಕಾಟ ನಡೆಸಿದರು. ತಮ್ಮ ಮತ್ತು ಸುತ್ತಮುತ್ತಲಿನ ಜಮೀನಿನಲ್ಲಿ ಹುಡುಕಿದರೂ ಪತ್ತೆಯಾಗಿರಲಿಲ್ಲ.

ಅರಣ್ಯ ಇಲಾಖೆ ಸಿಬ್ಬಂದಿ ಬಾಲಕಿಯನ್ನು ವಾಪಸ್​ ಕರೆ ತರುವ ಮೂಲಕ ಪೋಷಕರ ಆತಂಕವನ್ನು ದೂರ ಮಾಡಿದ್ದಾರೆ. ಅದೃಷ್ಟವಶಾತ್ ಯಾವುದೇ ಕಾಡು ಪ್ರಾಣಿಗಳ ಕೈಗೆ ಸಿಗದೆ ಬಾಲಕಿ ಪಾರಾಗಿದ್ದಾರೆ.