ಪ್ರೀತಿಯಲ್ಲಿ ಮೋಸ ಹೋಗಿದ್ದ ಯುವತಿಯ ಮಗು ಮಾರಾಟ ಮಾಡಿದ್ದ ವೈದ್ಯನ ವಿರುದ್ಧ ಎಫ್ಐಆರ್! | Janata news
ಚಿಕ್ಕಮಗಳೂರು : ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಪುಟ್ಟ ಮಗುವನ್ನು ಮಾರಾಟ ಮಾಡಿದ ಆರೋಪದ ಮೇಲೆ ವೈದ್ಯ ಹಾಗೂ ದಾದಿಯರು ಸೇರಿದಂತೆ ನಾಲ್ವರ ಮೇಲೆ ಎಫ್ ಐ ಆರ್ ದಾಖಲಾಗಿದೆ.
ಪ್ರೀತಿಸಿ ಮೋಸ ಹೋಗಿದ್ದ ತೀರ್ಥಹಳ್ಳಿ ಮೂಲದ ಯುವತಿಯು ಗರ್ಭ ಧರಿಸಿದ್ದು, ಆ ಯುವತಿಗೆ ಹೆರಿಗೆ ಮಾಡಿಸಿ ಆಕೆಯನ್ನು ಬೆದರಿಸಿ ವೈದ್ಯ ಮಗುವನ್ನು ತಮಿಳುನಾಡು ಮೂಲದ ದಂಪತಿಗೆ 50ಸಾವಿರ ರೂ.ಗೆ ಮಾರಾಟ ಮಾಡಿದ್ದ.
ತಮಿಳುನಾಡು ಮೂಲದ, ಶೃಂಗೇರಿಯಲ್ಲಿ ವಾಸವಿದ್ದ ದಂಪತಿಯಿಂದ 50 ಸಾವಿರ ರೂಪಾಯಿ ಹಣ ಪಡೆದು ಮಗು ಮಾರಾಟ ಮಾಡಿದ್ದ ಎನ್ನಲಾಗಿದೆ. ಎಂಟು ತಿಂಗಳ ಬಳಿಕ ಪ್ರಕರಣ ಬಯಲಿಗೆ ಬಂದಿದೆ.
ಕೊಪ್ಪ ಸರ್ಕಾರಿ ಆಸ್ಪತ್ರೆಯಲ್ಲಿ ಮಗು ಮಾರಾಟ ಮಾಡಿರುವ ಪ್ರಕರಣ ನಡೆದಿದ್ದು, ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞ ಬಾಲಕೃಷ್ಣ ದಾದಿಯರಾದ ಶೋಭಾ, ರೇಷ್ಮಾ ಮತ್ತು ಮಗುವನ್ನು ತೆಗೆದುಕೊಂಡಿದ್ದ ಮಹಿಳೆ ಪ್ರೇಮಲತಾ ವಿರುದ್ಧ ಎಫ್ಐಆರ್ ದಾಖಲಿಸಿದ್ದಾರೆ.
ಪ್ರಕರಣ ಸಂಬಂಧ ಕೊಪ್ಪ ಪೊಲೀಸ್ ಠಾಣೆಯಲ್ಲಿ ಎಫ್ ಐ ಆರ್ ದಾಖಲಿಸಲಾಗಿದೆ.