ಅಮೇರಿಕದಲ್ಲಿ ಮಹಾತ್ಮಾ ಗಾಂಧಿ ಪ್ರತಿಮೆಯನ್ನು ಅಪವಿತ್ರಗೊಳಿಸಿದ ಕೃಷಿ ಕಾನೂನು ಪ್ರತಿಭಟನಾಕಾರರು | Janata news

ವಾಶಿಂಗ್ಟನ್ : ಅಮೇರಿಕಾದ ಭಾರತೀಯ ರಾಯಭಾರ ಕಚೇರಿಯ ಎದುರಿನ ಮಹಾತ್ಮಾ ಗಾಂಧಿ ಮೆಮೋರಿಯಲ್ ಪ್ಲಾಜಾ ಮುಂದಿರುವ ಮಹಾತ್ಮಾ ಗಾಂಧಿ ಪ್ರತಿಮೆಯನ್ನು ಭಾರತೀಯ ಫಾರ್ಮ್ ಮಸೂದೆಗಳ ವಿರುದ್ಧದ ಪ್ರತಿಭಟನಾಕಾರರು ಧ್ವಂಸಗೊಳಿಸಿರುವ ಅತಿರೇಕದ ಮತ್ತು ನಾಚಿಕೆಗೇಡಿನ ಸಂಗತಿ ವರದಿಯಾಗಿದೆ.

ಅಮೇರಿಕ ಭಾರತೀಯ ರಾಯಭಾರ ಕಚೇರಿಯು ಮಹಾತ್ಮ ಗಾಂಧಿ ಪ್ರತಿಮೆಯನ್ನು ಪ್ರತಿಭಟನಾಕಾರರು ಅಪವಿತ್ರಗೊಳಿಸಿದ ಕೃತ್ಯವನ್ನು ಬಲವಾಗಿ ಖಂಡಿಸುಸಿದೆ ಮತ್ತು ಭಾರತವು ಅಮೆರಿಕದ ಕಾನೂನು ಜಾರಿ ಸಂಸ್ಥೆಗಳೊಂದಿಗೆ ತೀವ್ರ ಪ್ರತಿಭಟನೆ ನಡೆಸಿದೆ ಮತ್ತು ಈ ವಿಷಯವನ್ನು ಡಿಪಾರ್ಟ್ಮೆಂಟ್ ಆಫ್ ಸ್ಟೇಟ್ ಗೆ ವಿಷಯವನ್ನು ಕೊಂಡೊಯ್ದಿದೆ.

ವಾಷಿಂಗ್ಟನ್‌ನ ಭಾರತೀಯ ರಾಯಭಾರ ಕಚೇರಿಯ ಮುಂಭಾಗದಲ್ಲಿರುವ ಮಹಾತ್ಮಾ ಗಾಂಧಿ ಪ್ರತಿಮೆಯನ್ನು ಪ್ರತಿಭಟನಾಕಾರರು ಅಪವಿತ್ರಗೊಳಿಸುವಾಗ, ಖಲಿಸ್ತಾನ್ ಧ್ವಜಗಳನ್ನು ಸ್ಥಳದಲ್ಲಿಯೇ ಕಂಡುಬಂದಿದೆ.

ಈ ತಿಂಗಳ ಆರಂಭದಲ್ಲಿ ಲಂಡನ್‌ನ ಭಾರತೀಯ ಹೈಕಮಿಷನ್‌ನ ಹೊರಗೆ ನಡೆದ ಪ್ರತಿಭಟನೆಯಲ್ಲಿ ಪ್ರತಿಭಟನಾಕಾರರು ಭಾರತ ವಿರೋಧಿ ಮತ್ತು ರೈತ ಪರ ಘೋಷಣೆಗಳನ್ನು ಎತ್ತಿದ ಸಂದರ್ಭದಲ್ಲೂ ಖಲಿಸ್ತಾನ್ ಧ್ವಜಗಳು ಕಂಡುಬಂದಿದ್ದವು.

ಅದರಲ್ಲೂ ನವದೆಹಲಿಯಲ್ಲಿ ನಡೆಯುತ್ತಿರುವ ಪಂಜಾಬ್ ರೈತರ ಪ್ರತಿಭಟನೆಯಲ್ಲೂ ಪ್ರತಿಭಟನಾಕಾರರಿಂದ ಅಲ್ಲಲ್ಲಿ ಖಲಿಸ್ತಾನ್ ಪರ ಘೋಷಣೆಗಳು ಪದೇಪದೇ ಕೇಳಿ ಬರುತ್ತಿರುವ ಆತಂಕಕಾರಿ ಬೆಳವಣಿಗೆ ನಡೆಯುತ್ತಿದೆ.