ಜಮ್ಮು ಮತ್ತು ಕಾಶ್ಮೀರ : ಎನ್ಕೌಂಟರ್ ನಲ್ಲಿ 2 ಉಗ್ರರು ತಟಸ್ಥ, 1 ಸೆರೆ, ಅಪಾರ ಶಸ್ತ್ರಾಸ್ತ್ರ ವಶ | Janata news
ಪೂಂಚ್ : ಪೂಂಚ್ನ ಪೋಶಾನಾ ಪ್ರದೇಶದಲ್ಲಿ ಗುಂಡು ಹಾರಿಸಲ್ಪಟ್ಟ ಲಷ್ಕರ್-ಎ-ತೊಯ್ಬಾ(ಎಲ್ಇಟಿ) ಉಗ್ರಗಾಮಿ ಸಂಘಟನೆಯ ಇಬ್ಬರು ಪಾಕಿಸ್ತಾನಿ ಭಯೋತ್ಪಾದಕರನ್ನು ತಟಸ್ಥಗೊಳಿಸುವಲ್ಲಿ ಭಾರತೀಯ ಪಡೆಯ ಯೋಧರು ಯಶಸ್ವಿಯಾಗಿದ್ದು, ಇನ್ನೊಬ್ಬ ಸಹಚರನನ್ನು ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಬಂಧಿಸಿದ್ದಾರೆ. ಈ ಮೃತ ಉಗ್ರರಿಂದ ಶಸ್ತ್ರಾಸ್ತ್ರಗಳ ಭಂಡಾರವನ್ನು ವಶಪಡಿಸಿಕೊಂಡಿರುವುದಾಗಿ ಸೇನಾ ಮೂಲಗಳು ತಿಳಿಸಿವೆ.
ಗುಂಡಿನ ಕಾಳಗದಲ್ಲಿ ಕೊಲ್ಲಲ್ಪಟ್ಟ ಭಯೋತ್ಪಾದಕರನ್ನು ಪಾಕ್ ಮೂಲದ ಸಾಜಿದ್ ಮತ್ತು ಬಿಲಾಲ್, ಎಂದು ಗುರುತಿಸಲಾಗಿದೆ.
ಪೂಂಚ್ನ ದುರ್ಗನ್ ಪೋಶಾನಾ ಪ್ರದೇಶದಲ್ಲಿ ನಡೆದಿರುವ ಎನ್ಕೌಂಟರ್ನಲ್ಲಿ ಇಬ್ಬರು ಪಾಕಿಸ್ತಾನದ ಭಯೋತ್ಪಾದಕರು ತಟಸ್ಥಗೊಳಿಸಿದ್ದಾರೆ ಮತ್ತು ಓರ್ವ ಸಹಚರನನ್ನು ಬಂಧಿಸಲಾಗಿದೆ, ಎಂದು ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಅಧಿಕಾರಿಗಳ ಪ್ರಕಾರ, ಭಯೋತ್ಪಾದಕರು ಸುಮಾರು ಮೂರು ದಿನಗಳ ಹಿಂದೆಯೇ ನಿಯಂತ್ರಣ ರೇಖೆ( ಎಲ್ಒಸಿ) ದಿಂದ ಈ ಭಾಗಕ್ಕೆ ನುಸುಳಿದ್ದಾರೆಂದು ನಂಬಲಾಗಿದೆ ಮತ್ತು ದಕ್ಷಿಣ ಕಾಶ್ಮೀರದ ಶೋಪಿಯಾನ್ ಜಿಲ್ಲೆಗೆ ತೆರಳುತ್ತಿದ್ದಾಗ ಅವರನ್ನು ಮೊಘಲ್ ರಸ್ತೆಯ ಹಿಮದಿಂದ ಆವೃತ ಪ್ರದೇಶದಲ್ಲಿ ನಿನ್ನೆ ಭಾನುವಾರ ಮಧ್ಯಾಹ್ನ ತಡೆದಾಗ ಉಗ್ರರು ಗುಂಡಿನ ದಾಳಿ ನಡೆಸಿದ್ದಾರೆ. ಇದಕ್ಕೆ ನಡೆಸಿದ ಪ್ರತಿದಾಳಿಯಲ್ಲಿ ಇಬ್ಬರು ಪಾಕಿಸ್ತಾನಿ ಭಯೋತ್ಪಾದಕರು ಕೊಲ್ಲಲ್ಪಟ್ಟಿದ್ದಾರೆ.
ಭಯೋತ್ಪಾದಕರ ಬಳಿಯಿದ್ದ ಎರಡು ಎಕೆ 47 ರೈಫಲ್ಸ್, 7 ಮ್ಯಾಗ, ಒಂದು ಯುಬಿಜಿಎಲ್, ಹ್ಯಾಂಡ್ ಗ್ರಾನೈಟ್ ಗಳು ಮತ್ತು ಒಂದು ತುರಾಯ ಸ್ಯಾಟ್ಫೋನ್ ವಶಪಡಿಸಿಕೊಳ್ಳಲಾಗಿದೆ.