ಸೀಬರ್ಡ್ ಪ್ರಾಜೆಕ್ಟ್ ನ ಮಹಾನಿರ್ದೇಶಕ ವೈಸ್ ಅಡ್ಮಿರಲ್ ಶ್ರೀಕಾಂತ್ ಕೋವಿಡ್-19 ಗೆ ಬಲಿ | Janata news
1786
ನವದೆಹಲಿ : ಭಾರತೀಯ ನೌಕಾಪಡೆಯ ಹಿರಿಯ ಅತ್ಯಂತ ಜಲಾಂತರ್ಗಾಮಿ ವೈಸ್ ಅಡ್ಮಿರಲ್ ಶ್ರೀಕಾಂತ್ ಕೋವಿಡ್-19 ನಿಂದ ಉಂಟಾದ ಅರೋಗ್ಯ ಸಮಸ್ಥೆಯಿಂದ ಇಂದು ನವದೆಹಲಿಯಲ್ಲಿ ಕೊನೆಯುಸಿರೆಳೆದಿದ್ದಾರೆ.
ನೌಕಾಪಡೆಯಲ್ಲಿ, ಗ್ರೇ ಡಾಲ್ಫಿನ್, ಎಂದೇ ಜನಪ್ರಿಯವಾಗಿರುವ ಅವರು ಪ್ರಸ್ತುತ ಸೀಬರ್ಡ್ ಪ್ರಾಜೆಕ್ಟ್(ಕಾರವಾರ ನೌಕಾನೆಲೆ)ನಲ್ಲಿ ಡೈರೆಕ್ಟರ್ ಜನರಲ್(ಡಿಜಿ) ಆಗಿ ಸೇವೆ ಸಲ್ಲಿಸುತ್ತಿದ್ದರು.
ಸೀಬರ್ಡ್ ಪ್ರಾಜೆಕ್ಟ್ ನ ಮಹಾನಿರ್ದೇಶಕರಾಗುವ ಮೊದಲು ಅವರು ದೇಶದ ಜಲಾಂತರ್ಗಾಮಿ ಪರಮಾಣು ಯೋಜನೆಯಾದ, ನ್ಯೂಕ್ಲಿಯರ್ ಸೇಫ್ಟಿ & ಕಮಾಂಡೆಂಟ್ ಆಫ್ ಎನ್‌ಡಿಸಿ ನ ಇನ್ಸ್‌ಪೆಕ್ಟರ್ ಜನರಲ್ ಆಗಿ ನೇಮಕರಾಗಿ ಸೇವೆ ಸಲ್ಲಿಸಿದ್ದರು.
ರಕ್ಷಣಾ ಮಂತ್ರಿ ರಾಜನಾಥ್ ಸಿಂಗ್ ಅವರು ಈ ಕುರಿತು ದುಃಖ ವ್ಯಕ್ತಪಡಿಸಿದ್ದು, ಡಿ.ಜಿ. ಸೀಬರ್ಡ್, ವೈಸ್ ಅಡ್ಮಿರಲ್ ಶ್ರೀಕಾಂತ್ ಅವರ ಅಕಾಲಿಕ ಮತ್ತು ಹಠಾತ್ ನಿಧನದ ಬಗ್ಗೆ ತೀವ್ರ ನೋವು ತಂದಿದೆ. ರಕ್ಷಣಾ ಸಚಿವಾಲಯ ಮತ್ತು ಭಾರತೀಯ ನೌಕಾಪಡೆ ಯಾವಾಗಲೂ ಅವರ ನಕ್ಷತ್ರಿಕ ಕೊಡುಗೆಗಳನ್ನು ಮತ್ತು ರಾಷ್ಟ್ರಕ್ಕೆ ನೀಡಿದ ಗಮನಾರ್ಹ ಸೇವೆಯನ್ನು ನೆನಪಿಸಿಕೊಳ್ಳುತ್ತವೆ. ಅವರ ದುಃಖಿತ ಕುಟುಂಬ ಮತ್ತು ಸ್ನೇಹಿತರಿಗೆ ನನ್ನ ಆಳವಾದ ಸಂತಾಪ. ಓಂ ಶಾಂತಿ!, ಎಂದು ತಮ್ಮ ಸಾಮಾಜಿಕ ಮದ್ಯಮ ಖಾತೆಯಿಂದ ತಿಳಿಸಿದ್ದಾರೆ.
