ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊ ಪಾಕಿಸ್ತಾನಿ/ಖಲಿಸ್ತಾನಿ ಏಜೆಂಟ್ : ಪೋಸ್ಟ್ ಹಂಚಿಕೊಂಡ ಕಂಗನಾ | Janata news

ನವದೆಹಲಿ : ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ವಿರುದ್ಧ ವಾಗ್ದಾಳಿ ನಡೆಸಿದರು ಮತ್ತು ಜಸ್ಟಿನ್ ಬೇರೆ ಯಾರೂ ಅಲ್ಲ ಪಾಕಿಸ್ತಾನಿ ಅಥವಾ ಖಲಿಸ್ತಾನಿ ಏಜೆಂಟ್ ಎಂದು ಬರೆದ ಪೋಸ್ಟ್ ಅನ್ನು ಹಂಚಿಕೊಂಡಿರುವ, ಪ್ರಸಿದ್ಧ ನಟಿ ಕಂಗನಾ ರಣಾವತ್ ಅವರು, ಏನು ನಾಚಿಕೆಗೇಡಿನ ದಿನ .... ಜಸ್ಟಿನ್ ಟ್ರುಡೊ ಇದಕ್ಕೆ ನೀವು ಉತ್ತರಿಸಬೇಕು, ಎಂದು ಟ್ವಿಟ್ಟರ್ ನಲ್ಲಿ ಬರೆದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಕೆನಡಾದಲ್ಲಿ, ಬಲೂಚಿಸ್ತಾನ್ ಮಾನವ ಹಕ್ಕುಗಳ ಕಾರ್ಯಕರ್ತೆ ಕರೀಮಾ ಬಲೂಚ್ ನಿಗೂಡ ಸಾವಿನ ಕುರಿತಾದ ಮದ್ಯಮವೊಂದರ ವರದಿಯನ್ನು ಹಂಚಿಕೊಂಡ ಮೂಲ ಪೋಸ್ಟ್(ಇನ್ಫರ್ನೋ) ಒಂದರಲ್ಲಿ, ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊ ವಿರುದ್ಧ ವಾಗ್ದಾಳಿ ನಡೆಸಿ, ಜಸ್ಟಿನ್ ಟ್ರುಡೊ ಬೇರೆ ಯಾರೂ ಅಲ್ಲ ಐಎಸ್‌ಐ(ಪಾಕಿಸ್ತಾನಿ) / ಖಲಿಸ್ತಾನಿ ಏಜೆಂಟ್, ಎಂದು ಬರೆದಿತ್ತು.

ಮಾನವ ಹಕ್ಕುಗಳ ಕಾರ್ಯಕರ್ತೆ ಮತ್ತು ಬಲೂಚ್ ವಿದ್ಯಾರ್ಥಿ ಸಂಘಟನೆಯ ಮಾಜಿ ಅಧ್ಯಕ್ಷೆ - ಆಜಾದ್, ಕರಿಮಾ ಬಲೂಚ್ ಅವರು ಕೆನಡಾದ ಟೊರೊಂಟೊದಲ್ಲಿ ಭಾನುವಾರ ಶವವಾಗಿ ಪತ್ತೆಯಾಗಿದ್ದಾರೆ, ಎಂದು ವರದಿಯಾಗಿದೆ. ಪಾಕಿಸ್ತಾನದ ಸೈನ್ಯದ ದಬ್ಬಾಳಿಕೆಯನ್ನು ಮತ್ತು ಅದರ ಪ್ರಸಿದ್ಧ ಗುಡಾಚಾರಕ ಸೇವೆ ಐಎಸ್‌ಐ ಅನ್ನು ಕರೀಮಾ ಬಹಿರಂಗಪಡಿಸುತ್ತಿದ್ದರು ಈ ಸಾವಿನ ವಿಷಯ ವಿಶ್ವಾದ್ಯಂತ ಖಂಡನೆಗೆ ಕಾರಣವಾಗಿದೆ.

ಪಾಕಿಸ್ತಾನ ಸರ್ಕಾರ ಮತ್ತು ಸೇನೆಗಳ ಬಲೂಚ್ ಜನರು ಮತ್ತು ಜನರ ಕಷ್ಟದ ಕುರಿತು ಬರೆಯುವ ಪತ್ರಕರ್ತರ ಮೇಲೆ ಮಾಡುವ ಕ್ರೌರ್ಯವನ್ನು ಬಹಿರಂಗಪಡಿಸುತ್ತಿದ್ದ ಕರಿಮಾ ಅವರನ್ನು ಐಎಸ್ಐ ಹೊರತುಪಡಿಸಿ ಬೇರೆ ಯಾರೂ ಕೊಲ್ಲಲು ಸಾಧ್ಯವಿಲ್ಲ, ಎಂದು ಅನೇಕ ಮಾಧ್ಯಮ ವರದಿಗಳು ಸೂಚಿಸಿವೆ.

ಪಾಕಿಸ್ತಾನ ಸರ್ಕಾರದ ಬಗ್ಗೆ ತೀವ್ರ ಟೀಕಿಸುತ್ತಿದ್ದ 35 ವರ್ಷದ ಕರಿಮಾ ಭಾನುವಾರ ನಾಪತ್ತೆಯಾಗಿದ್ದು, ಕೊನೆಯ ಬಾರಿಗೆ ಮಧ್ಯಾಹ್ನ 3 ಗಂಟೆಗೆ ಬೇ ಸ್ಟ್ರೀಟ್ ಮತ್ತು ಕ್ವೀನ್ಸ್ ಕ್ವೇ ವೆಸ್ಟ್ ಪ್ರದೇಶದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಳಿಕ ಟೊರೊಂಟೊ ಪೊಲೀಸರು ಸಾರ್ವಜನಿಕ ನೆರವಿನೊಂದಿಗೆ ಶೋಧ ನಡೆಸಿದ್ದು, ಕರೀಮಾ ಶವ ಪತ್ತೆಯಾಗಿದೆ ಎಂದು ಬಲೂಚ್ ಅವರ ಕುಟುಂಬ ದೃಡಪಡಿಸಿದ್ದಾರೆ.

2016ರಲ್ಲಿ ಕೆನಡಾದಲ್ಲಿ ಆಶ್ರಯ ಪಡೆದಿದ್ದ ಕರೀಮಾ ಅವರು, ಪಾಕಿಸ್ತಾನ ಬಲೂಚಿಸ್ತಾನದ ಜನರ ಮೇಲೆ ನಡೆಸುತ್ತಿರುವ ದೌರ್ಜನ್ಯವನ್ನು ತೀವ್ರವಾಗಿ ಟೀಕಿಸಿದರು. ವಿಶ್ವಸಂಸ್ಥೆಯಲ್ಲಿ 2018ರಲ್ಲಿ ನಡೆದ ಮಾನವ ಹಕ್ಕುಗಳ ಮಂಡಳಿಯ 39ನೇ ಅಧಿವೇಶನದಲ್ಲಿ ಪಾಕಿಸ್ತಾನದಲ್ಲಿ ಲಿಂಗ ಅಸಮಾನತೆಯ ವಿಷಯವನ್ನೂ ಸಹ ಅವರು ಎತ್ತಿದ್ದರು.

What a shameful day .... @JustinTrudeau you are answerable for this ... https://t.co/g4CAa2a6Ln

— Kangana Ranaut (@KanganaTeam) December 22, 2020