ಪೈಪೋಟಿ ಗೆದ್ದ ಕರ್ನಾಟಕ : ಬೆಂಗಳೂರಿನಲ್ಲಿ ಟೆಸ್ಲಾ ಕಾರ್ ಕಂಪನಿ ನೋಂದಣಿ | Janata news

ಬೆಂಗಳೂರು : ಅಮೆರಿಕದ ಎಲೆಕ್ಟ್ರಿಕ್ ಕಾರು ತಯಾರಕ ಟೆಸ್ಲಾ ಕಂಪನಿಯು ದೇಶದ ಆಟೋಮೊಬೈಲ್ ಮಾರುಕಟ್ಟೆಗೆ ಪ್ರವೇಶಿಸಲು ಸಜ್ಜಾಗಿದೆ, ಎಂಬ ಸೂಚನೆಗಳ ಮಧ್ಯೆ ತನ್ನ ಭಾರತೀಯ ಘಟಕವನ್ನು ನೋಂದಾಯಿಸಿದೆ.

ಮಾಹಿತಿಯ ಪ್ರಕಾರ, ಸಂಸ್ಥೆಯು ಟೆಸ್ಲಾ ಇಂಡಿಯಾ ಮೋಟಾರ್ಸ್ ಮತ್ತು ಎನರ್ಜಿ ಪ್ರೈವೇಟ್ ಲಿಮಿಟೆಡ್ ಹೆಸರಿನಲ್ಲಿ ಕಂಪನಿಯನ್ನು ಬೆಂಗಳೂರಿನಲ್ಲಿ ನೋಂದಾಯಿಸಿದೆ.

ಜಗತ್ತಿನ ಎರಡನೇ ಅತಿದೊಡ್ಡ ಶ್ರೀಮಂತ ಎಲೋನ್ ಮಸ್ಕ್ಸ್ ಒಡೆತನದ ಟೆಲ್ಸಾ ತನ್ನ ಎಲೆಕ್ಟ್ರಿಕ್ ವಾಹನಗಳ ತಯಾರಿಕೆಯನ್ನು ಕರ್ನಾಟಕದಲ್ಲಿ ತೆರೆಯಲಿದ್ದು ಅದರ ಜೊತೆಗೆ ಆರ್ & ಡಿ ಘಟಕವನ್ನೂ ತೆರೆಯುವ ಸಾದ್ಯತೆಗಳಿವೆ.

ಕಳೆದ ತಿಂಗಳು ಡಿಸೆಂಬರ್ ನಲ್ಲಿ, ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು, 2021ರಲ್ಲಿ ಟೆಸ್ಲಾ ತನ್ನ ಕಾರ್ಯಾಚರಣೆಯನ್ನು ದೇಶದಲ್ಲಿ ಪ್ರಾರಂಭಿಸಲು ಸಜ್ಜಾಗಿದ್ದು, ಬೇಡಿಕೆಯ ಆಧಾರದ ಮೇಲೆ ಉತ್ಪಾದನಾ ಘಟಕವನ್ನು ಸ್ಥಾಪಿಸುವ ಬಗ್ಗೆಯೂ ಗಮನಹರಿಸಲಿದೆ, ಎಂದಿದ್ದರು.

ಸದ್ಯದ ಮಟ್ಟಿಗೆ ಐಶಾರಾಮಿ ಎಲೆಕ್ಟ್ರಿಕ್ ಕಾರ್ ಹಾಗೂ ಜಗತ್ತಿನ ನಂಬರ್ ಒನ್ ಕಾರ್ ಉತ್ಪಾದಕ ಕಂಪನಿ ಎಂದೇ ಹೇಳಲಾದ ಟೆಸ್ಲಾ ಭಾರತದಲ್ಲಿ ತಮ್ಮ ಉದ್ಯಮ ಆರಂಭಿಸಲು ಕರ್ನಾಟಕ ರಾಜ್ಯವನ್ನು ಆಯ್ದುಕೊಂಡಿರುವುದು ಹೆಮ್ಮೆಯ ವಿಷ್ಯ ವಾಗಿದ್ದು, ಸಾಕಷ್ಟು ಉದ್ಯೋಗ ಸೃಷ್ಟಿಸುವ ನಿರೀಕ್ಷೆಯಿದೆ.