18 ಗಂಟೆಗಳಲ್ಲಿ 25.54 ಕಿ.ಮೀ ರಾಷ್ಟೀಯ ಹೆದ್ದಾರಿ ಡಾಂಬರಿಕರಣ : ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್ ನಲ್ಲಿ ದಾಖಲು | Janata news

ವಿಜಯಪುರ : ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ(ಎನ್‌ಎಚ್‌ಎಐ) ಇತ್ತೀಚೆಗೆ ಸೋಲಾಪುರ-ವಿಜಯಪುರ ರಾಷ್ಟೀಯ ಹೆದ್ದಾರಿಯ 4-ಲೇನಿಂಗ್ ಕೆಲಸದ ಅಡಿಯಲ್ಲಿ, 18 ಗಂಟೆಗಳಲ್ಲಿ 25.54 ಕಿ.ಮೀ ಉದ್ದದ ಸಿಂಗಲ್ ಲೇನ್(ಒಂದು ಬದಿಯ) ಡಾಂಬರಿಕರಣ ಕೆಲಸವನ್ನು ಪೂರ್ಣಗೊಳಿಸಿದ್ದು, ಇದನ್ನು ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್ ನಲ್ಲಿ ದಾಖಲಿಸಲಾಗುವುದು.

ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತೀನ್ ಗಡ್ಕರಿ ಅವರು ಈ ಕುರಿತು ಮಾಹಿತಿಯನ್ನು ತಮ್ಮ ಸಾಮಾಜಿಕ ಮಾದ್ಯಮದ ಖಾತೆಯಲ್ಲಿ ಹಂಚಿಕೊಂಡಿದ್ದು, ಇದಕ್ಕಾಗಿ ಗುತ್ತಿಗೆದಾರ ಕಂಪನಿಯ 500 ಉದ್ಯೋಗಿಗಳು ಶ್ರಮಿಸಿದ್ದಾರೆ. ಆ ನೌಕರರು ಸೇರಿದಂತೆ ಯೋಜನಾ ನಿರ್ದೇಶಕರು, ಅಧಿಕಾರಿಗಳು, ಗುತ್ತಿಗೆದಾರ ಕಂಪನಿ ಪ್ರತಿನಿಧಿಗಳು ಮತ್ತು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಯೋಜನಾ ಅಧಿಕಾರಿಗಳನ್ನು ನಾನು ಅಭಿನಂದಿಸುತ್ತೇನೆ, ಎಂದಿದ್ದಾರೆ.

ಪ್ರಸ್ತುತ ಸೋಲಾಪುರ- ವಿಜಯಪುರ ಹೆದ್ದಾರಿಯ 110 ಕಿ.ಮೀ ಪ್ರಗತಿಯಲ್ಲಿದೆ, ಇದು ಅಕ್ಟೋಬರ್ 2021 ರೊಳಗೆ ಪೂರ್ಣಗೊಳ್ಳಲಿದೆ.