ಬಾಲಕೋಟ್ ಸರ್ಜಿಕಲ್ ಸ್ಟ್ರೈಕ್ ವಾರ್ಷಿಕೋತ್ಸವಕ್ಕಾಗಿ ಅದೇ ರೀತಿ ದಾಳಿ ನಡೆಸಿದ ವಾಯುಪಡೆ | Janata news
1682
ನವದೆಹಲಿ : ಪಾಕಿಸ್ತಾನದ ಬಾಲಕೋಟ್ ನಲ್ಲಿನ ಭಯೋತ್ಪಾದಕರ ಶಿಬಿರದ ಮೇಲಿನ ಕಾರ್ಯಾಚರಣೆಯ ಎರಡನೇ ವಾರ್ಷಿಕೋತ್ಸವವನ್ನು ಗುರುತಿಸುವ ಸಲುವಾಗಿ ನಡೆಸಿದ ಅಭ್ಯಾಸದ ಗುರಿಯ ವಿರುದ್ಧ ಭಾರತೀಯ ವಾಯುಪಡೆಯು ದೀರ್ಘ ಶ್ರೇಣಿಯ ನಿಖರ ದಾಳಿಯನ್ನು ನಡೆಸಿತು. ಬಾಲಕೋಟ್ ನಲ್ಲಿ ಕಾರ್ಯಾಚರಣೆಗಳನ್ನು ನಡೆಸಿದ ಅದೇ ಸ್ಕ್ವಾಡ್ರನ್ ಸದಸ್ಯರು ಈ ಅಭ್ಯಾಸದ ದಾಳಿಯನ್ನು ಕೈಗೊಂಡಿದ್ದಾರೆ.
ಫೆಬ್ರವರಿ 2019 ಪುಲ್ವಾಮಾ ಭಯೋತ್ಪಾದಕ ದಾಳಿಯ ಹಿನ್ನೆಲೆಯಲ್ಲಿ, ಭಾರತ ಕೈಗೊಂಡ ಅಭೂತಪೂರ್ವ, ಶಾಂತಿ ಸಮಯದ ಗಡಿಯಾಚೆಗಿನ ದಾಳಿಯ ಸ್ಮರಣಾರ್ಥದ ಅಭ್ಯಾಸದಲ್ಲಿ, ಸ್ವತಃ ಭಾರತೀಯ ವಾಯುಪಡೆಯ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಆರ್‌ಕೆಎಸ್.ಭದೌರಿಯಾ ಶನಿವಾರ ಮಧ್ಯ ಭಾರತದ ಪ್ರಧಾನ ವಾಯುನೆಲದಿಂದ ಬಹು-ವಿಮಾನ ರಚನೆಯಲ್ಲಿ ಹಾರಿದ್ದಾರೆ.
ಭದೌರಿಯಾ ಅವರು 2019ರ ಫೆಬ್ರವರಿ 26ರಂದು ಪಾಕಿಸ್ತಾನದ ಬಾಲಕೋಟ್ ನಲ್ಲಿದ್ದ ಜೈಶ್-ಎ-ಮೊಹಮ್ಮದ್(ಜೆಎಂ) ಶಿಬಿರಗಳ ಮೇಲೆ ಬಾಂಬ್ ದಾಳಿ ನಡೆಸಲು ಬಳಸಿದ ಮಿರಾಜ್2000 ವಿಮಾನವನ್ನು ಹಾರಿಸಿದ್ದಾರೆ. ಐಎಎಫ್ ಮುಖ್ಯಸ್ಥರು ಕಾರ್ಯಾಚರಣೆಯ ಭಾಗವಾಗಿದ್ದ ಸ್ಕ್ವಾಡ್ರನ್ ಪೈಲಟ್‌ಗಳೊಂದಿಗೆ ಹಾರಿದ್ದಾರೆ. ಐದು ವಿಮಾನಗಳ ರಚನೆಯು ಮಿರಾಜ್2000 ಮತ್ತು ಸುಖೋಯ್-30ಎಂಕೆಐ ಯುದ್ಧ ವಿಮಾನಗಳನ್ನು ಒಳಗೊಂಡಿತ್ತು.
To mark the 2nd anniversary of #BalakotOperations, the participating Squadrons carried out a long range precision strike exercise against a practice target. 1/2#NowhereToHide pic.twitter.com/LQTvPv7wQf
— Indian Air Force (@IAF_MCC) February 27, 2021
