ಕೋವಿಡ್19 ಲಸಿಕೆ ಕಳುಹಿಸಿದ ಭಾರತಕ್ಕೆ ದನ್ಯವಾದ ಹೇಳುವ ಬಿಲ್ ಬೋರ್ಡ್ ಕೆನಡಾದಲ್ಲಿ ತಲೆ ಎತ್ತಿದೆ | Janata news
ಟೊರೊಂಟೊ : ಕೋವಿಡ್19 ಸೋಂಕಿನಿಂದ ತೀವ್ರವಾಗಿ ಬಳಲಿದ ಕೆನಡಾಕ್ಕೆ ಕೋವಿಶೀಲ್ಡ್ ಡೋಸ್ ಅನ್ನು ಕಳುಹಿಸಿದ ಆಪತ್ಬಾಂಧವ ಭಾರತಕ್ಕೆ ಧನ್ಯವಾದ ಹೇಳಲು ಕೆನಡಾ ಮುಂದಾಗಿದೆ ಎನ್ನಲಾಗಿದೆ. ಈ ಕುರಿತು, ಪ್ರಧಾನಿ ನರೇಂದ್ರ ಮೋದಿಯವರ ಚಿತ್ರಗಳನ್ನು ಹೊಂದಿರುವ ಬಿಲ್ಬೋರ್ಡ್ ಗಳನ್ನು ಗ್ರೇಟರ್ ಟೊರೊಂಟೊ ಪ್ರದೇಶದಲ್ಲಿ ಪ್ರದರ್ಶಿಸಲಾಗಿದೆ.
ಕೆನಡಾಕ್ಕೆ ಕೋವಿಡ್ ಲಸಿಕೆಗಳನ್ನು ಒದಗಿಸಿದ್ದಕ್ಕಾಗಿ ಭಾರತ ಮತ್ತು ಪಿಎಂ ಮೋದಿ ಅವರಿಗೆ ಧನ್ಯವಾದಗಳು, ಎಂದು ಗ್ರೇಟರ್ ಟೊರೊಂಟೊದಲ್ಲಿ ಹಾಕಲಾಗಿರುವ ಜಾಹೀರಾತು ಫಲಕಗಳಲ್ಲಿ ಪ್ರಕಟಿಸಲಾಗಿದೆ. ಅಲ್ಲದೇ, ಕೆನಡಾ-ಭಾರತ ಸ್ನೇಹ ದೀರ್ಘಕಾಲ ಬದುಕಲಿ ಎಂದು ಹಾರೈಸಲಾಗಿದೆ.
ಇದಕ್ಕೂ ಮೊದಲು ಮಾರ್ಚ್ 4ರಂದು ಭಾರತವು 5,00,000 ಡೋಸ್ ಕೋವಿಶೀಲ್ಡ್ ಅನ್ನು ಕೆನಡಾಕ್ಕೆ ರವಾನಿಸಿದೆ. ಕಳೆದ ತಿಂಗಳುವಷ್ಟೇ, ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ತಮ್ಮ ಭಾರತೀಯ ಪ್ರತಿರೂಪ ಪ್ರಧಾನಿ ನರೇಂದ್ರ ಮೋದಿನರೇಂದ್ರ ಮೋದಿಯವರ ಲಸಿಕೆಗಳನ್ನು ಕೋರಿದ್ದರು. ಹಾಗೂ ಭಾರತಕ್ಕೆ ವಿಶ್ವವನ್ನು ರಕ್ಷಿಸುವ ಸಾಮರ್ಥ್ಯ ಹೊಂದಿರುವುದಾಗಿಯೂ ಹೇಳಿದ್ದರು.
ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದ ಪ್ರಧಾನಿ ಮೋದಿ ಯವರು, ಈಗಾಗಲೇ ಇತರ ಹಲವು ದೇಶಗಳಿಗೆ ಸಹಾಯ ಮಾಡಿದಂತೆಯೇ, ಕೆನಡಾದ ವ್ಯಾಕ್ಸಿನೇಷನ್ ಪ್ರಯತ್ನಗಳಿಗೆ ಬೆಂಬಲ ನೀಡಲು ನವದೆಹಲಿ ತನ್ನ ಕೈಲಾದಷ್ಟು ಪ್ರಯತ್ನ ಮಾಡಲಿದೆ, ಎಂದು ಪ್ರಧಾನಿ ಮೋದಿ ಟ್ರೂಡೊಗೆ ಭರವಸೆ ನೀಡಿದ್ದರು.
ಇದಕ್ಕೂ ಮೊದಲು, ದೆಹಲಿಯಲ್ಲಿ ಪ್ರತಿಭಟನೆಗೆ ಮುಂದಾಗಿದ್ದ ಪಂಜಾಬ್ ರೈತರನ್ನು ಬೆಂಬಲಿಸಿ ಹೇಳಿಕೆ ನೀಡಲು ಆರಂಭಿಸಿದ್ದರು. ಇದಕ್ಕೆ ಭಾರತದ ವಿದೇಶಾಂಗಸಚಿವಾಲಯ ತೀಕ್ಷ್ಣವಾಗಿ ಎಚ್ಚರಿಕೆ ನೀಡಿತ್ತು.