ಟಿಬೆಟ್ ಪರವಾಗಿ ಚೀನಾ ವಿರುದ್ಧ ಟ್ರಂಪ್ ಆಡಳಿತದ ನಿಲುವನ್ನೇ ಮುಂದುವರೆಸಿದ ಬಿಡೆನ್ ಸರ್ಕಾರ | Janata news
1264
ವಾಷಿಂಗ್ಟನ್ : ಅಮೇರಿಕಾದ ನೂತನ ಅಧ್ಯಕ್ಷ ಬಿಡೆನ್ ಆಡಳಿತವು ಚೀನಾಕ್ಕೆ ಟಿಬೆಟ್ ಕುರಿತಾಗಿ ನೀಡಿದ ಮೊದಲ ನೇರ ಸಂದೇಶದಲ್ಲಿ, ದಲೈ ಲಾಮಾ ಅವರ ಉತ್ತರಾಧಿಕಾರದಲ್ಲಿ ಯಾವುದೇ ಪಾತ್ರವನ್ನು ಹೊಂದಿರಬಾರದು, ಎಂದು ಬೀಜಿಂಗ್‌ಗೆ ನೆನಪಿಸಿದೆ, ಹೀಗಾಗಿ ಟಿಬೆಟಿಯನ್ ವಿಷಯದ ಬಗ್ಗೆ ಹಿಂದಿನ ಟ್ರಂಪ್ ಆಡಳಿತವು ತೆಗೆದುಕೊಂಡ ಕಠಿಣ ನಿಲುವನ್ನು ಮುಂದುವರೆಸಿದಂತಾಗಿದೆ.
ಯುಎಸ್ ಸ್ಟೇಟ್ಸ್ ಡಿಪಾರ್ಟ್ಮೆಂಟ್ ವಕ್ತಾರ ನೆಡ್ ಪ್ರೈಸ್, ಟ್ರಂಪ್ ಸರ್ಕಾರದ ನಿಲುವನ್ನು ಪುನರುಚ್ಚರಿಸಿದ್ದು, ಟಿಬೆಟ್ ಪ್ರಕ್ರಿಯೆಯಲ್ಲಿ ಚೀನಾದ ಅಡಚಣೆಯು ಅತಿರೇಕದ ನಿಂದನೆ, ಎಂದು ಹೇಳಿದ್ದಾರೆ.
2020 ರ ಡಿಸೆಂಬರ್‌ನಲ್ಲಿ ಯುಎಸ್ ಕಾಂಗ್ರೆಸ್ 2020ರ ಟಿಬೆಟಿಯನ್ ನೀತಿ ಮತ್ತು ಬೆಂಬಲ ಕಾಯ್ದೆಯನ್ನು(ಟಿಪಿಎಸ್‌ಎ) ಅಂಗೀಕರಿಸಿತು ಮತ್ತು ದಲೈ ಲಾಮಾ ಉತ್ತರಾಧಿಕಾರಿ ವ್ಯವಸ್ಥೆಯಲ್ಲಿ ಅಮೆರಿಕದ ನಿಲುವನ್ನು ಅಧಿಕೃತವಾಗಿ ದೃಡಿಕರಿಸುವ ಕಾನೂನನ್ನು ರೂಪಿಸಲು ಡೊನಾಲ್ಡ್ ಟ್ರಂಪ್ ಸಹಿ ಹಾಕಿದ್ದರು.
ಪ್ರಸ್ತುತ ದಲೈ ಲಾಮಾ ಅವರ ಅಧಿಕಾರವು ಮುಂದಿನ ದಲೈ ಲಾಮಾ ಅವರ ಉತ್ತರಧಾಯಿತ್ವದ ಪ್ರಕ್ರಿಯೆಯಲ್ಲಿ ಏಕೈಕ ನಿರ್ಣಾಯಕ ಅಂಶವಾಗಿದೆ ಮತ್ತು ಮಧ್ಯಪ್ರವೇಶಿಸಿದರೆ ಗಂಭೀರ ನಿರ್ಬಂಧಗಳ ಬಗ್ಗೆ ಚೀನಾಕ್ಕೆ ಎಚ್ಚರಿಕೆ ನೀಡಿದೆ, ಎಂದು ಈ ಕಾಯ್ದೆ ಹೇಳುತ್ತದೆ. ಟಿಬೆಟಿಯನ್ ರಾಜಧಾನಿ ಲಾಸಾದಲ್ಲಿ ಯುಎಸ್ ಕಾನ್ಸುಲೇಟ್ ಅನ್ನು ಸ್ಥಾಪಿಸಲು ಈ ಕಾಯಿದೆಯು ಒತ್ತಾಯಿಸಿದೆ.
