ಕೇಂದ್ರ ಗೃಹ ಕಾರ್ಯದರ್ಶಿಗೆ ಮಹಾರಾಷ್ಟ್ರ ಪೊಲೀಸ ವರ್ಗಾವಣೆ, ಪೋಸ್ಟಿಂಗ್ ದಂಧೆಗಳ ವರದಿ ಹಸ್ತಾಂತರಿಸಿದ ಪಡ್ನವೀಸ್ | Janata news
ನವದೆಹಲಿ : ಇಂದು ನಡೆದ ಅತ್ಯಂತ ರೋಚಕ ಘಟನೆಯಾದ ಮಹಾರಾಷ್ಟ್ರದ ಮಾಜಿ ಸಿಎಂ ಹಾಗೂ ಬಿಜೆಪಿ ಮುಖಂಡ ದೇವೇಂದ್ರ ಫಡ್ನವೀಸ್ ಅವರ ಪತ್ರಿಕಾಗೋಷ್ಠಿಯ ಬಳಿಕ, ಅವರು ಇಂದು ಸಂಜೆ ಕೇಂದ್ರ ಗೃಹ ಸಚಿವಾಲಯಕ್ಕೆ ತಮ್ಮ ಬಳಿ ಇರುವ ಉದ್ಭವ್ ಠಾಕ್ರೆ ಸರ್ಕಾರದ ಪೋಲಿಸ್ ವರ್ಗಾವಣೆ ಹಾಗೂ ಪೋಸ್ಟಿಂಗ್ ಕುರಿತಾದ ರಾಜ್ಯ ಗುಪ್ತಚರದಳದ ವರದಿಯೊಂದಿಗೆ ಆಗಮಿಸಿದ್ದಾರೆ.
6.3 ಜಿಬಿ ಕಾಲ್ ರೆಕಾರ್ಡಿಂಗ್ ಡೇಟಾ ಮತ್ತು ಐಪಿಎಸ್ ಮತ್ತು ಮಹಾರಾಷ್ಟ್ರ ಪೊಲೀಸರ ಐಪಿಎಸ್ ಅಲ್ಲದ ಅಧಿಕಾರಿಗಳ ವರ್ಗಾವಣೆ ಪೋಸ್ಟಿಂಗ್ ದಂಧೆಗಳಿಗೆ ಸಂಬಂಧಿಸಿದ ಕೆಲವು ದಾಖಲೆಗಳನ್ನು ಹಸ್ತಾಂತರಿಸಲು ಮತ್ತು ಭೇಟಿ ಮಾಡಲು ಅವರು ಕೇಂದ್ರ ಗೃಹ ಕಾರ್ಯದರ್ಶಿಯವರ ಸಮಯ ಕೋರಿದ್ದರು, ಎನ್ನಲಾಗಿದೆ.
ಭೇಟಿಯ ಬಳಿಕ ಮದ್ಯಮಗಳೊಂದಿಗೆ ಮಾತನಾಡಿದ ಪಡ್ನವೀಸ್ ಅವರು, ನಾನು ಎಲ್ಲಾ ಪುರಾವೆಗಳನ್ನು ಮೊಹರು ಹಾಕಿದ ಲಕೋಟೆಯಲ್ಲಿ ಕೇಂದ್ರ ಗೃಹ ಕಾರ್ಯದರ್ಶಿಯವರಿಗೆ ನೀಡಿದ್ದೇನೆ. ಹಾಗೂ ನಾನು ಸಿಬಿಐ ವಿಚಾರಣೆಗೆ ಒತ್ತಾಯಿಸಿದ್ದೇನೆ. ಅವರು ಅದನ್ನು ಪರಿಶೀಲಿಸುತ್ತೇವೆ ಮತ್ತು ಸರ್ಕಾರ ಸೂಕ್ತ ಕ್ರಮ ತೆಗೆದುಕೊಳ್ಳುತ್ತದೆ, ಎಂದು ಅವರು ನನಗೆ ಭರವಸೆ ನೀಡಿದರು. ಈ ವಿಷಯವನ್ನು ಚಾಪೆ ಅಡಿಯಲ್ಲಿ ಏಕೆ ತೂರಲಾಯಿತು? ರಾಜ್ಯ ಸರ್ಕಾರ ಏಕೆ ಏನನ್ನೂ ಮಾಡಲಿಲ್ಲ? ಅವರು ಯಾರನ್ನು ರಕ್ಷಿಸಲು ಬಯಸಿದ್ದರು?, ಎಂದು ದೇವೇಂದ್ರ ಫಡ್ನವಿಸ್ ಪ್ರಶ್ನಿಸಿದ್ದಾರೆ.