ಕೋವಿಡ್ ಲಸಿಕೆಗಾಗಿ ಕಾಂಗ್ರೆಸ್ ನೀಡುವ 100 ಕೋಟಿ ಯಾರ ಅಪ್ಪನದು? | ಜನತಾ ನ್ಯೂಸ್

ಮಂಗಳೂರು : ಕೋವಿಡ್ ಲಸಿಕೆಗಾಗಿ ಕಾಂಗ್ರೆಸ್ ನೀಡುವ 100 ಕೋಟಿ ಹಣ ಯಾರ ಅಪ್ಪನ ಮನೆ ದುಡ್ಡು?" ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್ ಕುಮಾರ್ ಕಟೀಲ್ ಕಿಡಿಕಾರಿದ್ದಾರೆ.

ಕಾಂಗ್ರೇಸ್ ದೇಶದಲ್ಲಿ ಲಸಿಕೆ ತಯಾರಾದ ಸಂದರ್ಭದಲ್ಲಿ ಜನರು ಲಸಿಕೆಯನ್ನು ಹಾಕಿಸಿಕೊಳ್ಳದಂತೆ ಮಾಡಿತ್ತು. ಲಸಿಕೆ ಹಾಕಿಸಿಕೊಂಡವರಿಗೆ ಷಂಡತನ ಸೇರಿದಂತೆ ಹಲವು ರೀತಿಯ ತೊಂದರೆಗಳು ಆಗುತ್ತವೆ ಎಂದು ದೇಶದ ಜನರ ದಾರಿತಪ್ಪಿಸುವ ಕೆಲಸ ಮಾಡಿದೆ.

ರಾಹುಲ್ ಗಾಂಧಿ ಸೇರಿದಂತೆ ಸಿದ್ಧರಾಮಯ್ಯರ ತನಕ ಎಲ್ಲರೂ ಲಸಿಕೆ ಬಗ್ಗೆ ಇಲ್ಲಸಲ್ಲದ ಆರೋಪಗಳನ್ನು ಮಾಡುವ ಮೂಲಕ ಜನ ಸಾಮಾನ್ಯರು ಲಸಿಕೆಯಿಂದ ದೂರ ಉಳಿಯುವಂತೆ ಮಾಡಿದರು. ಇದರಿಂದಾಗಿ ದೇಶದಲ್ಲಿ ಸಾವಿರಾರು ಜನ ಸಾಯುವಂತಾಗಿದ್ದು, ಈ ಸಾವಿಗೆ ಕಾಂಗ್ರೆಸ್ ಪಕ್ಷವೇ ಹೊಣೆ.

ಕೊರೋನಾ ಎರಡನೇ ಅಲೆ ಭಾರೀ ದೊಡ್ಡ ಪ್ರಮಾಣದಲ್ಲಿ ಹರಡುತ್ತಿರುವ ಈ ಸಂದರ್ಭದಲ್ಲಿ ಜನ ಸಾಮಾನ್ಯರಿಗೆ ಉಚಿತವಾಗಿ ಕೊರೋನಾ ಲಸಿಕೆ ನೀಡಲು ಸಾಧ್ಯವಿಲ್ಲ ಎಂದು ಕೇಂದ್ರ ಸರ್ಕಾರ ಈ ಹಿಂದೆಯೇ ಸ್ಪಷ್ಟಪಡಿಸಿತ್ತು. ಹೀಗಾಗಿ ಕಾಂಗ್ರೆಸ್​ ಪಕ್ಷ ಲಸಿಕೆ ನೀಡುವುದಕ್ಕಾಗಿ ಕೇಂದ್ರ ಸರ್ಕಾರಕ್ಕೆ 100 ಕೋಟಿ ಹಣವನ್ನು ನೀಡಿದೆ.

ಸರ್ಕಾರ ಎಂಎಲ್​ಎ, ಎಂಪಿ ಗಳಿಗೆ ನೀಡುವ ಅನುದಾನವನ್ನು ತಾವೇ ನೀಡುವಂತೆ ಷೋಕಿ ಮಾಡುತ್ತಿರುವ ಕಾಂಗ್ರೆಸ್ ಪಕ್ಷದ ನಾಯಕರ ನಿಜ ಬಣ್ಣ ಜನರ ಮುಂದೆ ಬಯಲಾಗಿದೆ. ಬಿಜೆಪಿ ಪಕ್ಷ ಈ ಹಿಂದೆಯೇ ಪ್ರತಿಯೊಬ್ಬ ಎಂಪಿ ತನ್ನ ಅನುದಾನದಲ್ಲಿ 2.50 ಕೋಟಿಯನ್ನು ಕೊರೋನಾಕ್ಕೆ ಮೀಸಲಿಡಬೇಕು ಹಾಗೂ ಎಲ್ಲಾ ಎಂಎಲ್ಎ ಗಳೂ ತಮ್ಮ ಅನುದಾನವನ್ನು ಕೋವಿಡ್ ಗಾಗಿ ಮೀಸಲಿಡಬೇಕು ಎನ್ನುವ ಆದೇಶವನ್ನು ನೀಡಿದೆ.

ಕಾಂಗ್ರೆಸ್ ಪಕ್ಷ ಸರಕಾರದ ಹಣವನ್ನು ಕೊಡುವ ಬದಲು, ಹಿಂದೆ ಭ್ರಷ್ಟಾಚಾರ ಮಾಡಿ ಕೂಡಿಟ್ಟ ಹಣವನ್ನು ಜನರಿಗಾಗಿ ಖರ್ಚು ಮಾಡಲಿ. ಇಲ್ಲವೇ ಚಂದಾ ಎತ್ತಿಯಾದರೂ, ಹಣ ಕ್ರೋಡೀಕರಿಸಿ ಜನರಿಗೆ ನೀಡಲಿ ಎಂದು ಕಾಂಗ್ರೆಸ್ ವಿರುದ್ಧ ನಳೀನ್ ಕುಮಾರ್ ಕಟೀಲ್ ವಾಗ್ದಾಳಿ ನಡೆಸಿದರು.

ಈ ಬಗ್ಗೆ ಕಿಡಿಕಾರಿರುವ ನಳೀನ್ ಕುಮಾರ್ ಕಟೀಲ್, "ಇದೀಗ ರಾಜ್ಯದ ಕಾಂಗ್ರೆಸ್ ಅಧ್ಯಕ್ಷರು ಲಸಿಕೆ ಖರೀದಿಗೆ 100 ಕೋಟಿ ರೂಪಾಯಿಗಳನ್ನು ನೀಡುವುದಾಗಿ ಹೇಳಿಕೆಗಳನ್ನು ಕೊಡುತ್ತಿದ್ದು, 100 ಕೋಟಿ ನಿಮ್ಮ ಅಪ್ಪನ ಹಣವೇ?" ಎಂದು ಆಕ್ರೋಶ ಹೊರಹಾಕಿದ್ದಾರೆ.