ಬೆಂಗಳೂರು ಸಂಚಾರಿ ಪೋಲಿಸ್ ರಿಂದ ಟೊವಿಂಗ್ ಕಾರ್ಯಾಚರಣೆಯಲ್ಲಿ ಭಾರಿ ಲೂಟಿ : ಫ್ಯಾಕ್ಟ್ ಚೆಕ್ | ಜನತಾ ನ್ಯೂಸ್

ಬೆಂಗಳೂರು : ಬೆಂಗಳೂರು ನಗರ ಸಂಚಾರಿ ಪೋಲಿಸ್ ವಿಭಾಗದಲ್ಲಿ ಟೊವಿಂಗ್ ಕಾರ್ಯಾಚರಣೆ ಮೂಲಕ ಭಾರಿ ಭ್ರಷ್ಟಾಚಾರ ನಡೆಯುತ್ತಿರುವ ಬಗ್ಗೆ ಖಾಸಗಿ ಟಿವಿಯಲ್ಲಿ ವರದಿಯಾಗಿರುವ ವೀಡಿಯೊ ತುಣುಕೊಂದು, ಇತ್ತೀಚಿಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಬಗ್ಗೆ ಬೆಂಗಳೂರು ಸಂಚಾರಿ ಪೋಲಿಸ್ ವಿಭಾಗ ಸ್ಪಷ್ಟನೆಯನ್ನು ನೀಡಿದ್ದು, ಇದು ಹಳೆಯ ವೀಡಿಯೊ ಆಗಿದ್ದು ಕಳೆದ 3 ತಿಂಗಳಿಂದ ಯಾವುದೇ ಟೊವಿಂಗ್ ಕಾರ್ಯಾಚರಣೆ ನಡೆದಿಲ್ಲ, ಎಂದಿದ್ದಾರೆ.

ಬೆಂಗಳೂರು ಪಶ್ಚಿಮ ಸಂಚಾರಿ ಪೋಲಿಸ್ ವಿಭಾಗದ ಡಿಸಿಪಿ ಕುಲದೀಪ್ ಕುಮಾರ್ ಜೈನ ಅವರು, ಬೆಂ.ನಗರ ಸಂ.ಪೊ.ಸಂಬಂಧಿತ ವಾಹನಗಳ Towing ಕಾರ್ಯಾಚರಣೆಯ ಹಳೆವೀಡಿಯೋ ತುಣುಕುಗಳು ಪ್ರಸ್ತುತವಾಗಿ ಸಾಮಾಜಿಕಜಾಲತಾಣ ವಿಭಾಗಗಳಲ್ಲಿ ಹರಿದಾಡುತ್ತಿದ್ದು, ಪ್ರಸ್ತುತ ಪರಿಸ್ಥಿತಿಯಲ್ಲಿ 2021 ಏಪ್ರಿಲ್, 2ನೇ ಲಾಕ್ಡೌನ್ ನಂತರ ಬೆಂ.ನಗರ ಸಂ.ವಿಭಾಗದಲ್ಲಿ Towing ಕಾರ್ಯಾಚರಣೆ ನಡೆಸುತ್ತಿರುವುದಿಲ್ಲವೆಂದು ಸಾರ್ವಜನಿಕರಿಗೆ ಮಾಹಿತಿಯನ್ನು ತಿಳಿಸಲಾಗಿದೆ, ಎಂದು ಟ್ವೀಟ್ ಮಾಡಿದ್ದಾರೆ.

ಫ್ಯಾಕ್ಟ್ ಚೆಕ್
ಅಕ್ರಮಗಳ ವಿರುದ್ಧ ರಹಸ್ಯ ಕಾರ್ಯಾಚರಣೆಗಳನ್ನು ಮಾಡುತ್ತ, ತಮ್ಮ ಸಾಮಾಜಿಕ ಕಳಕಳಿ ಮೆರೆಯುತ್ತ ರಾಜ್ಯಾದ್ಯಂತ ಮನೆಮಾತಾಗಿರುವ ವಿಜಯಲಕ್ಷಿ ಶಿಬುರೂರು ಅವರು ಈ ವೀಡಿಯೊ ದಲ್ಲಿ ವರದಿ ಮಾಡುತ್ತಿರುವ ಕನ್ನಡದ ಖಾಸಗಿ ಸುದ್ಧಿವಾಹಿನಿಯಲ್ಲಿ 2019 ಸೆಪ್ಟೆಂಬರ್ ನಿಂದ ಕೆಲಸ ಮಾಡುತ್ತಿಲ್ಲ, ಎನ್ನಲಾಗಿದ್ದು, ಸಧ್ಯಕ್ಕೆ ತಮ್ಮದೇ ವಿಜಯ ಟೈಮ್ಸ್ ನಲ್ಲಿ ತೊಡಗಿಕೊಂಡಿರುತ್ತಾರೆ, ಎನ್ನಲಾಗಿದೆ. ಹಾಗೂ ಇದೇ ವೀಡಿಯೊ ಈ ಹಿಂದೆ ಅನೇಕ ಭಾರಿ ಹರಿದಾಡಿದೆ. ಆದ್ದರಿಂದ, ಈ ವೀಡಿಯೊ ಬಹುತೇಕ 2019 ಸೆಪ್ಟೆಂಬರ್ ಕ್ಕಿಂತಲೂ ಹಳೆಯದಾಗಿರುವ ಸಾದ್ಯತೆಗಳಿವೆ.