ಬೆಂಗಳೂರು - ಮಂಗಳೂರು ಮಧ್ಯೆ "ವಿಸ್ಟಾಡೋಮ್" ಸಂಚಾರ ಶುರು! | ಜನತಾ ನ್ಯೂಸ್
ಬೆಂಗಳೂರು : ಪಶ್ಚಿಮ ಘಟ್ಟದ ಪ್ರಕೃತಿ ಸೌಂದರ್ಯ ಆಸ್ವಾದಿಸಲು ವಿಸ್ಟಾಡೋಮ್ ರೈಲು ಸಂಚಾರ ಆರಂಭವಾಗಿದೆ. ಮಂಗಳೂರು-ಬೆಂಗಳೂರು ಮಧ್ಯೆ ಹಗಲು ಹೊತ್ತು ಪಶ್ಚಿಮ ಘಟ್ಟದ ಪ್ರಕೃತಿ ಸೌಂದರ್ಯ ಆಸ್ವಾದಿಸಲು ಗಾಜಿನ ಛಾವಣಿ ಹೊಂದಿರುವ (ವಿಸ್ಟಾಡೋಮ್) ಬೋಗಿಯ ರೈಲು ಸಂಚಾರ ಆರಂಭಿಸಲಾಗಿದೆ.
ದಕ್ಷಿಣ ಕನ್ನಡ ಸಂಸದ ನಳಿನ್ ಕುಮಾರ್ ಕಟೀಲು ಭಾನುವಾರ ಮಂಗಳೂರು ಜಂಕ್ಷನ್ ರೈಲು ನಿಲ್ದಾಣದಲ್ಲಿ ಯಶವಂತಪುರ- ಮಂಗಳೂರು ನಡುವೆ ಸಂಚರಿಸುವ ವಿಸ್ಟಾಡೋಮ್ ಬೋಗಿಗಳ ರೈಲಿಗೆ ಹಸಿರು ನಿಶಾನೆ ತೋರಿಸಿದರು.
ವಿಶೇಷತೆ?
- ವಿಸ್ಟಾಡೋಮ್ ಬೋಗಿಯಲ್ಲಿನ ಆಸನಗಳು 360 ಡಿಗ್ರಿಯಷ್ಟು ತಿರುಗುತ್ತವೆ
- ಅಗಲವಾದ ದೊಡ್ಡ ಕಿಟಕಿ, ಓವೆನ್, ಫ್ರಿಜ್, ಜೈವಿಕ ಶೌಚಾಲಯ ಇರುತ್ತದೆ
- ರೈಲಿನೊಳಗೆ ಕುಳಿತು ಗಾಜಿನ ಛಾವಣಿಯಲ್ಲಿ ಪ್ರಕೃತಿ ಸೌಂದರ್ಯ ಸವಿಯಬಹುದು
- ಬೆಂಗಳೂರು-ಮಂಗಳೂರು ರೈಲಲ್ಲಿ 2 ಬೋಗಿ ಅಳವಡಿಕೆ, ಪ್ರತಿ ಬೋಗಿಯಲ್ಲಿ 44 ಸೀಟು
ಈ ರೈಲು ಪ್ರತಿದಿನ ಬೆಳಗ್ಗೆ 11.30ಕ್ಕೆ ಮಂಗಳೂರು ಜಂಕ್ಷನ್ನಿಂದ ಹೊರಟು ರಾತ್ರಿ 8.20ಕ್ಕೆ ಯಶವಂತಪುರ ತಲುಪಲಿದೆ.
ಭಾನುವಾರ ಮಾತ್ರ ಬೆಳಗ್ಗೆ 9.15ಕ್ಕೆ ಹೊರಟು ರಾತ್ರಿ 8.05ಕ್ಕೆ ಬೆಂಗಳೂರು ತಲುಪಲಿದೆ. ಟಿಕೆಟ್ ದರ 1395 ರು.