60 ಕ್ಕೂ ಹೆಚ್ಚು ಮಂಗಗಳಿಗೆ ವಿಷಪ್ರಾಶನ ಮಾಡಿ, ಗೋಣಿಚೀಲದಲ್ಲಿ ಕಟ್ಟಿ ಎಸೆದ ದುಷ್ಕರ್ಮಿಗಳು | ಜನತಾ ನ್ಯೂಸ್
1302
ಸಕಲೇಶಪುರ : ಘನಘೋರ ದುಷ್ಕೃತ್ಯದಲ್ಲಿ, ಸುಮಾರು 60 ಕ್ಕೂ ಹೆಚ್ಚು ಮಂಗಗಳಿಗೆ ವಿಷಪೂರಿತ ಆಹಾರ ನೀಡಿ, ದೊಡ್ಡದಾದ ಚೀಲಗಳಲ್ಲಿ ಕಟ್ಟಿ ಹಾಸನ ಜಿಲ್ಲೆಯ ಸಕಲೇಶಪುರ ಮತ್ತು ಬೇಗೂರ್ ಅಡ್ಡರಸ್ತೆಯಲ್ಲಿ ಎಸೆಯಲಾಯಿತು.
ಮಾನವಕುಲಕ್ಕೆ ದೊಡ್ಡ ಕಳಂಕ ಎಂಬಂತೆ ನಡೆದುಕೊಂಡಿರುವ ದುಷ್ಕರ್ಮಿಗಳು, ಈ ಮುಖ ಜೀವಿಗಳ ಜೀವದೊಂದಿಗೆ ಚೆಲ್ಲಾಟವಾಡಿದ್ದಾರೆ.
ದೊಡ್ಡದಾದ ಗೋಣಿಚೀಲದಲ್ಲಿ ತುಂಬಿಸಿ ಕಟ್ಟಿ ಸಕಲೇಶಪುರ ಮತ್ತು ಬೇಗೂರ್ ಅಡ್ಡರಸ್ತೆಯಲ್ಲಿ ಎಸೆಯಲಾದ ಸುಮಾರು 60 ಕ್ಕೂ ಹೆಚ್ಚು ಮಂಗಗಳನ್ನು ದಾರಿಯಲ್ಲಿ ಹೋಗುವವರು ಪ್ರಾಣಿಗಳ ಚೀರಾಟ ಕೇಳಿ ಪತ್ತೆಹಚ್ಚಿದ್ದಾರೆ. ಈ ಪೈಕಿ ಕೇವಲ 14ಮಂಗಗಳ ಜೀವ ಉಳಿಸಲು ಸಾಧ್ಯವಾಗಿದೆ, ಎನ್ನಲಾಗಿದೆ.
ಈ ಕುರಿತು ಹೇಳಿರುವ ಪಶುಪಾಲನಾ ಮತ್ತು ಪಶುವೈದ್ಯ ಸೇವಾ ಇಲಾಖೆ, ಕೋತಿಗಳ ಸಾವಿನ ಬಗ್ಗೆ ತಿಳಿದುಕೊಳ್ಳಲು ನಾವು ಎಎಚ್ & ವಿಎಸ್ನಲ್ಲಿ ತೀವ್ರ ದುಃಖಿತರಾಗಿದ್ದೇವೆ. ಹಾಸನ ಜಿಲ್ಲೆಯ ನಮ್ಮ ಅಧಿಕಾರಿಗಳು ಅರಣ್ಯ ಮತ್ತು ಪೊಲೀಸ್ ಇಲಾಖೆಯೊಂದಿಗೆ ಸಹಕರಿಸಿದರು. ಒಂದು ಕೋತಿಗೆ ಚಿಕಿತ್ಸೆ ನೀಡಿ ಪುನರ್ವಸತಿಗಾಗಿ ಅರಣ್ಯ ಇಲಾಖೆಗೆ ಒಪ್ಪಿಸಲಾಯಿತು, ಎಂದು ಇಲಾಖೆಯ ಅಧಿಕೃತಖಾತೆಯಿಂದ ಟ್ವೀಟ್ ಮಾಡಿದೆ.
