ಒಲಂಪಿಕ್ಸ್2020 : 65ಕೆಜಿ ಕುಸ್ತಿಯಲ್ಲಿ ಸೆಮಿಫೈನಲ್ ಪ್ರವೇಶಿಸಿದ ಭಜರಂಗ್ ಪುನಿಯಾ | ಜನತಾ ನ್ಯೂಸ್
ಟೋಕಿಯೋ : ಒಲಂಪಿಕ್ಸ್2020ರಲ್ಲಿ ಭಾರತದ ಪದಕದ ಭರವಸೆಯಾಗಿರುವ, 2ನೇ ಶ್ರೇಯಾಂಕಿತ ಕುಸ್ತಿಪಟು ಭಜರಂಗ್ ಪುನಿಯಾ ಅವರು ಇಂದು ಶುಕ್ರವಾರ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಇರಾನ್ನ ಮೊರ್ಟೆಜಾ ಘಿಯಾಸಿ ವಿರುದ್ಧ 2-1 ಪಾಯಿಂಟ್ ಗಳ ಅಂತರದಿಂದ ಜಯ ಸಾಧಿಸಿ 65 ಕೆಜಿ ಸೆಮಿಫೈನಲ್ಗೆ ಪ್ರವೇಶಿಸಿದರು.
ಸೆಮಿಫೈನಲ್ ನಲ್ಲಿ ಗೆದ್ದರೆ, ಭಜರಂಗ್ ಕುಸ್ತಿ ಫೈನಲ್ ತಲುಪಿಡ ಭಾರತೀಯರ ಪೈಕಿ ಮೂರನೇ ಭಾರತೀಯ ಕುಸ್ತಿಪಟುವಾಗಲಿದ್ದಾರೆ. ನಿನ್ನೆ, ಟೋಕಿಯೊ ಒಲಿಂಪಿಕ್ಸ್2020ನಲ್ಲಿ ರವಿಕುಮಾರ್ ದಹಿಯಾ ಮತ್ತು ಅದಕ್ಕೂ ಮೊದಲು 2012ರ ಲಂಡನ್ ಕ್ರೀಡಾಕೂಟದಲ್ಲಿ ಸುಶೀಲ್ ಕುಮಾರ್ ಫೈನಲ್ ತಲುಪಿದ್ದರು.
ಭಜರಂಗ್ ಈಗ ಸೆಮಿಫೈನಲ್ ನಲ್ಲಿ ಮಧ್ಯಾಹ್ನ ಸುಮಾರು 2.50 ಗಂಟೆಗೆ, 2016 ರಿಯೋ ಒಲಿಂಪಿಕ್ ಕ್ರೀಡಾಕೂಟದಲ್ಲಿ 57ಕೆಜಿ ವಿಭಾಗದ ಕಂಚಿನ ಪದಕ ವಿಜೇತ ಮತ್ತು ಮೂರು ಬಾರಿ ವಿಶ್ವ ಚಾಂಪಿಯನ್ ಯಾಗಿದ್ದ ಅಜರ್ಬೈಜಾನ್ ನ ಹಾಜಿ ಅಲಿಯೇವ್ ಅವರೊಂದಿಗೆ ಸೆಣಸಲಿದ್ದಾರೆ.
ಒಂದು ಸಮಯದಲ್ಲಿ, ಭಜರಂಗ್ ಅವರು ಎದುರಾಳಿ ಜೊತೆಗಿನ ಸೆಣಸಾಟದಲ್ಲಿ 0-1 ಹಿನ್ನಡೆಯಲ್ಲಿದ್ದರು. ಆದರೆ ಪಂದ್ಯದ ಕೊನೆಯ ಕ್ಷಣಗಳಲ್ಲಿ ನಿರ್ಣಾಯಕ ಎರಡು ಪಾಯಿಂಟ್ಗಳನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.