ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಬಾಂಬ್ ಸ್ಫೋಟ : 4 ಅಮೇರಿಕ ಯೋಧರು, 60 ಆಫ್ಘನ್ ರ ಸಾವು | ಜನತಾ ನ್ಯೂಸ್
ಕಾಬೂಲ್ : ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಸಂಭವಿಸಿದ ಸ್ಫೋಟಗಳಲ್ಲಿ ಕನಿಷ್ಠ 60 ಅಫ್ಘಾನಿಸ್ತಾನರು ಮತ್ತು 4 ಅಮೇರಿಕ ನೌಕಾಪಡೆ ಯೋಧರು ಸಾವನ್ನಪ್ಪಿದ್ದಾರೆ.
ಅಮೆರಿಕದ ನಿಯಂತ್ರಿತ ಸೌಲಭ್ಯವನ್ನು ಪ್ರವೇಶಿಸಲು ಯತ್ನಿಸುತ್ತಿದ್ದ ಜನಸಮೂಹದ ಮಧ್ಯೆ ಸಂಭವಿಸಿದ ಎರಡು ಭೀಕರ ಸ್ಫೋಟಗಳು ಭಾರಿ ಸಾವುನೋವು ಉಂಟುಮಾಡಿದೆ, ಎನ್ನಲಾಗಿದೆ.
ನಗರದ ವಿಮಾನ ನಿಲ್ದಾಣದಲ್ಲಿ ನಡೆದ ಭಯೋತ್ಪಾದಕ ಬಾಂಬ್ ದಾಳಿಯಲ್ಲಿ 4 ಯುಎಸ್ ನೌಕಾಪಡೆ ಯೋಧರು ಸಾವನ್ನಪ್ಪಿದ್ದಾರೆ ಮತ್ತು ಮೂವರು ಗಾಯಗೊಂಡಿದ್ದಾರೆ, ಎಂದು ಕಾಬೂಲ್ನಲ್ಲಿರುವ ಅಮೇರಿಕ ರಾಯಭಾರಿ ಅಲ್ಲಿನ ರಾಯಭಾರ ಕಚೇರಿಯ ಸಿಬ್ಬಂದಿಗೆ ತಿಳಿಸಿವುದಾಗಿ ವರದಿಯಾಗಿದೆ.
ಅಫ್ಘಾನಿಸ್ತಾನದ ಹಿರಿಯ ಆರೋಗ್ಯ ಅಧಿಕಾರಿಯೊಬ್ಬರು ಸ್ಥಳೀಯ ನಾಗರಿಕರ ಸಾವಿನ ಸಂಖ್ಯೆಯನ್ನು 60 ರಷ್ಟಿದ್ದಾರೆ, ಎಂದು ತಿಳಿಸಿದ್ದು ಇನ್ನೂ ಅನೇಕರು ತಮ್ಮ ಜೀವಕ್ಕಾಗಿ ಹೋರಾಡುತ್ತಿದ್ದಾರೆ, ಎಂದು ತಿಳಿಸಿದ್ದಾರೆ.
ಯಾವುದೇ ಗುಂಪು ತಕ್ಷಣದ ಜವಾಬ್ದಾರಿಯನ್ನು ಹೊತ್ತುಕೊಂಡಿಲ್ಲವಾದರೂ, ಪಾಶ್ಚಿಮಾತ್ಯ ಸರ್ಕಾರಗಳು ಗುರುವಾರ ಮುಂಜಾನೆ ಇಸ್ಲಾಮಿಕ್ ಸ್ಟೇಟ್ನ ಪ್ರಾದೇಶಿಕ ಅಂಗಸಂಸ್ಥೆಯಿಂದ ಸನ್ನಿಹಿತ ದಾಳಿಯ ಎಚ್ಚರಿಕೆ ನೀಡತ್ತು ಎನ್ನಲಾಗಿದೆ.