ಬಾಂಬರ್‌ಗಳನ್ನು ನಾವು ಕ್ಷಮಿಸುವುದಿಲ್ಲ. ಮರೆಯುವುದಿಲ್ಲ, ಭೇಟೆಯಾಡುತ್ತೇವೆ - ಅಮೇರಿಕ ಅಧ್ಯಕ್ಷ ಬಿಡನ್ | ಜನತಾ ನ್ಯೂಸ್
2686
ವಾಶಿಂಗ್ಟನ್ : ಅಫ್ಘಾನಿಸ್ತಾನದ ಕಾಬೂಲ್ ವಿಮಾನ ನಿಲ್ದಾಣದ ಹೊರಗೆ ಗುರುವಾರ ಸಂಭವಿಸಿದ ಮಾರಣಾಂತಿಕ ಸ್ಫೋಟಗಳ ನಂತರ ಅಮೇರಿಕ(ಯುಎಸ್) ಅಧ್ಯಕ್ಷ ಬಿಡೆನ್ ಸಾರ್ವಜನಿಕ ಹೇಳಿಕೆ ನೀಡಿದ್ದಾರೆ. ನಿನ್ನೆಯ ಭೀಕರ ದಾಳಿಯಲ್ಲಿ 60 ಆಫ್ಘನಿಗಳು ಮತ್ತು 12 ಯುಎಸ್ ಸೈನಿಕರನ್ನು ಕೊಂದಿದೆ. ದಾಳಿಗೆ ಕಾರಣರಾದವರನ್ನು ಯುಎಸ್ "ಹಿಂಬಾಲಿಸುತ್ತದೆ" ಎಂದು ಬಿಡೆನ್ ಹೇಳಿದರು.
ಅಫ್ಘಾನಿಸ್ತಾನದಿಂದ ಸೈನ್ಯವನ್ನು ಹಿಂತೆಗೆದುಕೊಳ್ಳುವ ನಿರ್ಧಾರಕ್ಕೆ ತಾನು ಬದ್ಧನಾಗಿದ್ದೇನೆ ಮತ್ತು ಆಗಸ್ಟ್ 31 ರೊಳಗೆ ಹಿಂತೆಗೆದುಕೊಳ್ಳುವ ಕಾಲಾವಧಿಯು ಜಾರಿಯಲ್ಲಿದೆ, ಎಂದು ಅವರು ಹೇಳಿದರು.
ನಾವು ಅಮೆರಿಕದ ನಾಗರಿಕರನ್ನು ಅಫ್ಘಾನಿಸ್ತಾನದಿಂದ ರಕ್ಷಿಸುತ್ತೇವೆ. ನಾವು ನಮ್ಮ ಅಫ್ಘಾನ್ ಮಿತ್ರರನ್ನು ಹೊರ ಕರೆತರುತ್ತೇವೆ ಮತ್ತು ನಮ್ಮ ಮಿಷನ್ ಮುಂದುವರಿಯುತ್ತದೆ, ಎಂದು ವೈಟ್ ಹೌಸ್ ನಿಂದ ಜೋ ಬಿಡೆನ್ ಹೇಳಿದ್ದಾರೆ.
"ನಿನ್ನೆಯ ಕಾಬೂಲ್ ವಿಮಾನ ನಿಲ್ದಾಣ ಬಳಿಯ ಬಾಂಬ್ ದಾಳಿಯ ಕುರಿತು ಮಾತನಾಡಿದ್ದು, ಬಾಂಬರ್‌ಗಳನ್ನು ನಾವು ಕ್ಷಮಿಸುವುದಿಲ್ಲ. ನಾವು ಮರೆಯುವುದಿಲ್ಲ. ನಾವು ನಿಮ್ಮನ್ನು ಬೇಟೆಯಾಡಿ ದಂಡಸುತ್ತೇವೆ", ಎಂದು ಎಚ್ಚರಿಕೆ ರವಾನಿಸಿದ್ದಾರೆ.
"ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಇಲ್ಲಿಯವರೆಗೆ ನಡೆದ ದಾಳಿಯಲ್ಲಿ ತಾಲಿಬಾನ್ ಮತ್ತು ಇಸ್ಲಾಮಿಕ್ ಸ್ಟೇಟ್ ನಡುವೆ ಯಾವುದೇ ಒಡಂಬಡಿಕೆಯ ಪುರಾವೆಗಳಿಲ್ಲ", ಎಂದು ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಹೇಳಿದ್ದಾರೆ.
