ರೇವ್ ಪಾರ್ಟಿ ಮತ್ತು ಡ್ರಗ್ಸ್ : ಬಾಲಿವುಡ್ ನಟ ಶಾರುಖ್ ಖಾನ್ ಅವರ ಪುತ್ರ ಸೇರಿ 8 ಬಂಧನ | ಜನತಾ ನ್ಯೂಸ್

ಬೆಂಗಳೂರು : ಬಾಲಿವುಡ್ ನಟ ಶಾರುಖ್ ಖಾನ್ ಅವರ ಪುತ್ರ ಆರ್ಯನ್ ಖಾನ್ ನನ್ನು ಮುಂಬೈ ಸಮೀಪದ ಕ್ರೂಸ್ ನಲ್ಲಿ ನಡೆಯುತ್ತಿದ್ದ ನಿಷೇಧಿತ ರೇವ್ ಪಾರ್ಟಿಯಿಂದ ಬಂಧಿಸಲಾಗಿದೆ.

ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ) ಶನಿವಾರ ಕ್ರೂಸ್ ಹಡಗಿನ ಮೇಲೆ ದಾಳಿ ನಡೆಸಿ ಡ್ರಗ್ಸ್ ಪಾರ್ಟಿಯನ್ನು ಭೇದಿಸಿದ ನಂತರ ಮೂವರನ್ನು ಬಂಧಿಸಲಾಗಿದೆ. ಪ್ರಕರಣದಲ್ಲಿ ಎಂಟು ಬಂಧಿತರನ್ನು ಭಾನುವಾರ ಮುಂಬೈನಲ್ಲಿ ವೈದ್ಯಕೀಯ ಪರೀಕ್ಷೆಗಾಗಿ ಕರೆದೊಯ್ಯಲಾಗಿತ್ತು.

ನಿನ್ನೆ ರಾತ್ರಿ ಮುಂಬೈ ಕರಾವಳಿಯಲ್ಲಿ ಕ್ರೂಸ್ ಹಡಗಿನಲ್ಲಿ ಮಾದಕದ್ರವ್ಯವನ್ನು ವಶಪಡಿಸಿಕೊಂಡ ಎಂಟು ಜನರನ್ನು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್ಸಿಬಿ) ಭಾನುವಾರ ಬಂಧಿಸಿದೆ. ಮುಂಬೈಯಿಂದ ಹೊರಟ ಕಾರ್ಡೆಲಿಯಾ ಕ್ರೂಸ್ ಮೇಲೆ ದಾಳಿ ನಡೆಸಿದ ಎನ್ ಸಿಬಿ ತಂಡ ಕೊಕೇನ್, ಹಶಿಶ್ ಮತ್ತು ಎಂಡಿ ಮುಂತಾದ ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡರು.

ಏಜೆನ್ಸಿಯ ಮುಂಬಯಿ ವಲಯ ನಿರ್ದೇಶಕ ಸಮೀರ್ ವಾಂಖೇಡೆಗೆ ಸುಳಿವು ಸಿಕ್ಕಿತು, ನಂತರ ಅವರು ಮತ್ತು ತಂಡವು ಪ್ರಯಾಣಿಕರಂತೆ ನಟಿಸಿ ಹಡಗನ್ನು ಹತ್ತಿದರು. ಹಡಗು ಮುಂಬೈ ತೀರವನ್ನು ಬಿಟ್ಟು ಸಮುದ್ರದ ಮಧ್ಯದಲ್ಲಿದ್ದಾಗ, ಅಲ್ಲಿ ಪಾರ್ಟಿ ಶುರುವಾಯಿತು ಅಲ್ಲಿ ಡ್ರಗ್ಸ್ ಸೇವಿಸಲಾಯಿತು, ಎಂದು ಮೂಲಗಳು ತಿಳಿಸಿವೆ.