ಹೊಸ ಚಿತ್ರಕ್ಕೆ ಹೊಸ ಹೇರ್ ಸ್ಟೈಲ್ ನಲ್ಲಿ ಪವರ್ ಸ್ಟಾರ್ | janata.news
688
ಬೆಂಗಳೂರು : ಪವರ್ ಸ್ಟಾರ್ ಪುನಿತ್ ರಾಜಕುಮಾರ ಮತ್ತು ಪವನ್ ಒಡೆಯರ್ ಸೇರಿ ಮಾಡಿರುವ ಸೂಪರ್ ಹಿಟ್ ಚಿತ್ರ ರಣವಿಕ್ರಮ ಚಿತ್ರದ ಬಳಿಕ, ಈ ಜೋಡಿ ಒಟ್ಟಾಗಿ ಮಾಡುತ್ತಿರುವುದು ಈಗ ಹಳೆ ಸುದ್ದಿನೇ ಸರಿ. ಆದರೆ ಚಿತ್ರಮಂದಿರವನ್ನು ಪವರ್ ಹೌಸ್ ಆಗಿ ಬದಲಾಯಿಸುವ ಈ ಚಿತ್ರಕ್ಕಾಗಿ ಪವರ್ ಸ್ಟಾರ್ ಪುನೀತ್ ಅವರ ಹೊಸ ಹೇರ್ ಸ್ಟೈಲ್ ನ ಸ್ಟೈಲಿಶ್ ಲುಕ್ ಈಗ ಅಂತರ್ಜಾಲದಲ್ಲಿ ಟ್ರೆಂಡ್ ಆಗ್ತಿದೆ. ಇತ್ತೀಚೆಗೆ ಜಾಸ್ತಿ ಸದ್ದಿಲ್ಲದೇ ಮುಹೂರ್ತ ನೆರವೇರಿಸಿ ಕೊಂಡಿರುವ ಇನ್ನೂ ಹೆಸರಿಡದ ಈ ಸಿನಿಮಾದ ಚಿತ್ರೀಕರಣ ಕೂಡ ಇದೇ ತಿಂಗಳಲ್ಲಿ ಪ್ರಾರಂಭಿಸಲಿದೆಯಂತೆ.
ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಈ ಚಿತ್ರಕ್ಕೆ ಈಗಾಗಲೇ, ಪಂಜು ಅಥವಾ ಅಧಿಪತಿ ಎಂಬ ಎರಡು ಹೆಸರುಗಳಲ್ಲೊಂದು ಎಂದು ಸುದ್ದಿ ಹರಿದಾದುತ್ತಿದ್ದರೂ, ಶೀರ್ಷಿಕೆ ಇನ್ನೂ ಅಂತಿಮವಾಗಿಲ್ಲ ಹಾಗೂ ಬೇರ್ಯಾವುದೋ ಹೆಸರು ಎಂಬ ಬಗ್ಗೆ ಕೂಡ ಚಿತ್ರತಂಡ ಬಹಿರಂಗಪಡಿಸಿಲ್ಲ. ಜನತಾ.ನ್ಯೂಸ್ ಗೆ ಸುದ್ದಿ ತಿಳಿದ ಹಾಗೆ, ಈ ಚಿತ್ರದ ಶೀರ್ಷಿಕೆಯನ್ನು ಮಾರ್ಚ್ 17ರಂದು ಪುನೀತ್ ಅವರ ಹುಟ್ಟುಹಬ್ಬಕ್ಕೆ ಚಿತ್ರತಂಡ ಬಿಡುಗಡೆ ಮಾಡಲಿದೆಯಂತೆ.
ಶಕ್ತಿಧಾಮ ಉದ್ಘಾಟನೆ
ನಿನ್ನೆಯಷ್ಟೇ ಮಹಿಳಾ ದಿನಾಚರಣೆಯಂದು ಪಾರ್ವತಮ್ಮ ರಾಜಕುಮಾರರವರ ಬಹುದಿನದ ಕನಸಾದ, ಶಕ್ತಿಧಾಮ ಹೆಣ್ಣು ಮಕ್ಕಳ ಹಾಗೂ ಮಹಿಳೆಯರ ಪುನರ್ವಸತಿ ಮತ್ತು ಅಭಿವೃದ್ಧಿ ಕೇಂದ್ರದ ಕೌಶಲ್ಯ ಭವನ ಮತ್ತು ವಸತಿ ಗೃಹ ಉದ್ಘಾಟನೆಯಾಯಿತು. ಉದ್ಘಾಟನೆಗೆ ಮೈಸೂರಿಗೆ ಆಗಮಿಸಿದ ಪವರ್ ಸ್ಟಾರ್ ಚಾಮುಂಡಿ ಬೆಟ್ಟವನ್ನು ಬರಿಗಾಲಲ್ಲಿ ಮೆಟ್ಟಿಲ ಹತ್ತಿ ತಾಯಿ ಚಾಮುಂಡೇಶ್ವರಿಗೆ ವಿಶೇಷ ಪೂಜೆ ಸಲ್ಲಿಸಿದರು. ಶಕ್ತಿಧಾಮದ ಉದ್ಘಾಟನೆಯನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ನೆರವೇರಿಸಿಸಿದರು. ಹ್ಯಾಟ್ರಿಕ್ ಹಿರೋ ಶಿವರಾಜಕುಮಾರ್, ಸಚಿವರಾದ ಉಮಾಶ್ರೀ ಹಾಗೂ ಇನ್ನಿತರರು ಪಾಲ್ಗೊಂಡಿದ್ದರು.
