ಕ್ರಿಕೆಟ್ ಆಟಗಾರರ ಆಹಾರಕ್ರಮದಲ್ಲಿ ಹಲಾಲ್ ಮಾಂಸಕ್ಕೆ ಮಾತ್ರ ಅವಕಾಶ : ಇಸ್ಲಾಮೀಕರಣಗೊಂಡಿದೆ ಬಿಸಿಸಿಐ? | ಜನತಾ ನ್ಯೂಸ್
2946
ನವದೆಹಲಿ : ಭಾರತೀಯ ಕ್ರಿಕೆಟ್ ಆಟಗಾರರಿಗೆ "ಹಲಾಲ್" ಆಹಾರಕ್ರಮವನ್ನು ಅನುಸರಿಸಲು ಕೇಳಲಾಗಿದೆ, ಎಂದು ವರದಿಗಳು ಹೊರಬಿಳುತ್ತಿದ್ದಂತೆ ಜನರ ಭಾರಿ ಆಕ್ರೋಶಕ್ಕೆ ಕಾರಣವಾಗಿದೆ.
ಭಾರತ ಕ್ರಿಕೆಟ್ ತಂಡಕ್ಕೆ ಹೊಸದಾಗಿ ನೇಮಕಗೊಂಡ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಮತ್ತು ಟಿ20 ನಾಯಕ ರೋಹಿತ್ ಶರ್ಮಾ ಹೊಸ ಜೋಡಿ ತಮ್ಮ ಮೊದಲ ಸರಣಿಯನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ.
ರವಿವಾರ ನಡೆದ ಮೂರನೇ ಪಂದ್ಯದಲ್ಲಿ, ನಾಯಕ ರೋಹಿತ್ ಮತ್ತೊಂದು ಮುಂದಾಳತ್ವ ವಹಿಸಿ ಅರ್ಧಶತಕವನ್ನು ಗಳಿಸಿದರು, ಹರ್ಷಲ್ ಪಟೇಲ್ ಮತ್ತು ದೀಪಕ್ ಚಹರ್ ಅವರ ಬೆಂಬಲ ತಂಡವು ಭವ್ಯವಾದ ಮೊತ್ತವನ್ನು ತಲುಪಲು ನೆರವಾಯಿತು. ಅತಿಥಿ ತಂಡ ಭಾರತೀಯ ಬೌಲರ್‌ಗಳನ್ನು ತೀವ್ರವಾಗಿ ಎದುರಿಸಿದರು ಆದರೆ ಭಾರತದ ಗುಣಮಟ್ಟದ ಬೌಲಿಂಗ್ ಒತ್ತಡವನ್ನು ಹೆಚ್ಚಿಸುವಲ್ಲಿ ಯಶಸ್ವಿಯಾಗಿದ್ದು ಮತ್ತು ಅಂತಿಮವಾಗಿ ಅವರು 73 ರನ್‌ಗಳ ಅಂತರದಲ್ಲಿ ಗೆಲುವನ್ನು ಖಾತ್ರಿ ಪಡಿಸಿದೆ.
ಇದೆಲ್ಲದರ ನಡುವೆ ಮತ್ತೊಂದು ಆಘಾತಕಾರಿ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಭಾರತೀಯ ಆಟಗಾರರಿಗೆ ಇಸ್ಲಾಮಿಕ್ ಮಾದರಿಯ "ಹಲಾಲ್" ಕಟ್ಟುನಿಟ್ಟಾದ ಆಹಾರಕ್ರಮವನ್ನು ಅನುಸರಿಸಲು ಕೇಳಲಾಗಿದ್ದು, ಎಂದು ವರದಿಗಳು ಹೊರಬಿಳುತ್ತಿದ್ದಂತೆ ಸಾಮಾಜಿಕ ಮಾಧ್ಯಮ ಗಳಲ್ಲಿ ಜನರ ಭಾರಿ ಆಕ್ರೋಶ ವ್ಯಕ್ತವಾಗಿದೆ.
ಕಟ್ಟುನಿಟ್ಟಾದ ಆಹಾರಕ್ರಮಗಳಲ್ಲಿ, ಆಟಗಾರರ ಕೊಬ್ಬು ನಿಯಂತ್ರಿಸುವ ನಿಟ್ಟಿನಲ್ಲಿ ಯಾವುದೇ ರೂಪದಲ್ಲಿ ಹಂದಿ ಅಥವಾ ಗೋಮಾಂಸವನ್ನು ತಿನ್ನಲು ಅನುಮತಿಸುವುದಿಲ್ಲ. ಆದರೆ, ಆಟಗಾರರಿಗೆ ಕೇವಲ "ಹಲಾಲ್" ಮಾಂಸವನ್ನು ಸೇವಿಸಲು ಅನುಮತಿಸಲಾಗಿದೆ ಮತ್ತು ಬೇರೇ ಯಾವುದೇ ರೀತಿಯ ಮಾಂಸಕ್ಕೆ ಅನುಮತಿ ನೀಡಿಲ್ಲ, ಈ ಸಂಗತಿ ಹೆಚ್ಚಿನ ಅಭಿಮಾನಿಗಳನ್ನು ಕೆರಳಿಸಿದೆ.
"ಭಾರತೀಯ ಕ್ರಿಕೆಟ್ ತಂಡದ ಹೊಸ ಆಹಾರಕ್ರಮದ ಪ್ರಕಾರ, ಆಟಗಾರರು ತಮ್ಮನ್ನು ತಾವು ಸದೃಢವಾಗಿ ಮತ್ತು ಆರೋಗ್ಯಕರವಾಗಿ ಇರಿಸಿಕೊಳ್ಳಲು ಯಾವುದೇ ರೂಪದಲ್ಲಿ ಮತ್ತು ವಿವಿಧ ರೂಪದಲ್ಲಿ ಹಂದಿಮಾಂಸ ಮತ್ತು ಗೋಮಾಂಸವನ್ನು ತಿನ್ನಲು ಅನುಮತಿಸಲಾಗುವುದಿಲ್ಲ. ಯಾರಾದರೂ ಮಾಂಸವನ್ನು ಹೊಂದಲು ಬಯಸಿದರೆ ಅದು ಹಲಾಲ್ ರೂಪದಲ್ಲಿ ಮಾತ್ರ ಇರಬೇಕು, ಆಟಗಾರರು ಇತರೆ ಯಾವುದೇ ರೀತಿಯ ಮಾಂಸವನ್ನು ತಿನ್ನಲು ಸಾಧ್ಯವಿಲ್ಲ", ಎಂದು ಸ್ಪೋರ್ಟ್ಸ್ ಟಾಕ್ ವರದಿ ಮಾಡಿದೆ.
ಸಾಮಾನ್ಯವಾಗಿ, ಪ್ರಾಣಿಯನ್ನು ಕಡಿಯುವಾಗ "ಹಲಾಲ್" ಮತ್ತು "ಜಟ್ಕಾ" ಎಂಬ ಎರಡು ವಿಧಾನಗಳಿವೆ. "ಹಲಾಲ್" ವಿಧಾನವೆಂದರೆ ಪ್ರಾಣಿಯ ಕುತ್ತಿಗೆಯನ್ನು ಅರ್ಧ ಕತ್ತರಿಸಿ ರಕ್ತಸ್ರಾವದಿಂದ ಒದ್ದಾಡಿ ಸಾಯುವಂತೆ ಮಾಡುವುದು. ಆದರೆ, "ಜಟ್ಕಾ" ಎಂದು ಕರೆಯಲ್ಪಡುವ ಇನ್ನೊಂದು ವಿಧಾನವೆಂದರೆ ಪ್ರಾಣಿಯನ್ನು ಒಂದೇ ಪ್ರಹಾರದಲ್ಲಿ ವಧೆ ಮಾಡುವುದು.
ಈಗ, "ಹಲಾಲ್" ಮಾಂಸವನ್ನು ತಿನ್ನುವುದನ್ನು ಹಿಂದೂ ಧರ್ಮ ಮತ್ತು ಸಿಖ್ ಧರ್ಮದಲ್ಲಿ ನಿಷೇಧಿಸಲಾಗಿದೆ, ಆದರೆ ಮುಸ್ಲಿಮರು ಹಲಾಲ್ ಮಾಂಸವನ್ನು ಮಾತ್ರ ತಿನ್ನುತ್ತಾರೆ ಮತ್ತು ಅವರಿಗೆ ಯಾವುದೇ ರೀತಿಯ ಮಾಂಸವನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.
