ಬಾಂಗ್ಲಾದೇಶದ ಗಡಿ ಬಳಿ 13ಕೋಟಿ ರೂಪಾಯಿ ಮೌಲ್ಯದ ಡ್ರಗ್ಸ್ ವಶಕ್ಕೆ ಪಡೆದ ಬಿಎಸ್ಎಫ್ | ಜನತಾ ನ್ಯೂಸ್

ನವದೆಹಲಿ : ಭಾರತೀಯ ಗಡಿ ರಕ್ಷಣಾ ಪಡೆ(ಬಿಎಸ್ಎಫ್) ಇಂದು ಬಾಂಗ್ಲಾದೇಶದ ಗಡಿಯ ಸಮೀಪ ಸುಮಾರು 13ಕೋಟಿ ರೂಪಾಯಿ ಮೌಲ್ಯದ ಸಿಂಥೆಟಿಕ್ ಡ್ರಗ್ಸ್ ಗಳಾದ ಯಾಬಾ ಮಾತ್ರೆಗಳನ್ನು ವಶಪಡಿಸಿಕೊಳ್ಳುವಲ್ಲಿ ಸಫಲವಾಗಿದೆ.

ಬಾಂಗ್ಲಾದೇಶದ ಗಡಿಗೆ ಸಮೀಪವಿರುವ ಅಸ್ಸಾಂನ ಕರೀಂಗಂಜ್ ಪ್ರದೇಶದಲ್ಲಿ ಅಸ್ಸಾಂ ರಾಜ್ಯ ಪೊಲೀಸರೊಂದಿಗೆ ಬಿಎಸ್ಎಫ್ ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ, ಸುಮಾರು 13ಕೋಟಿ ರೂಪಾಯಿ ಮೌಲ್ಯದ 2.60 ಲಕ್ಷ ಸಿಂಥೆಟಿಕ್ ಡ್ರಗ್ಸ್ ಗಳಾದ ಯಾಬಾ ಮಾತ್ರೆಗಳನ್ನು ವಶಕ್ಕೆ ಪಡೆದಿದ್ದು, ಒಬ್ಬ ಭಾರತೀಯನನ್ನು ಬಂಧಿಸಲಾಗಿದೆ, ಎಂದು ಮೂಲಗಳಿಂದ ತಿಳಿದುಬಂದಿದೆ.