ಕರೋನ ವೈರಸ್ ಮೂಲದ ಕುರಿತು ಚೀನಾ ಹೆಚ್ಚಿನ ಮಾಹಿತಿಯನ್ನು ಹಂಚಿಕೊಳ್ಳಬೇಕು - ಡಬ್ಲೂಎಚ್ಓ | ಜನತಾ ನ್ಯೂಸ್
1635
ವಾಶಿಂಗ್ಟನ್ : ಸಾರ್ಸ್-ಕೋವ್-2 ಕರೋನವೈರಸ್‌ನ ಮೂಲಕ್ಕೆ ಸಂಬಂಧಿಸಿದ ಡೇಟಾ ಮತ್ತು ಮಾಹಿತಿಯೊಂದಿಗೆ ಚೀನಾ ಹೆಚ್ಚು ಮುಂದಕ್ಕೆ ಬರಬೇಕು, ಎಂದು ವಿಶ್ವ ಆರೋಗ್ಯ ಸಂಸ್ಥೆ(ಡಬ್ಲೂಎಚ್ಓ) ಸೋಮವಾರ ಹೇಳಿದೆ. ಡಬ್ಲೂಎಚ್ಓ ಮುಖ್ಯಸ್ಥರಾದ ಟೆಡ್ರೊಸ್ ಅಧಾನಮ್ ಘೆಬ್ರೆಯೆಸಸ್ ಈ ಕುರಿತು ಸುದ್ಧಿಘೋಷ್ಠಿಯಲ್ಲಿ ಮಾತನಾಡಿದ್ದಾರೆ.
ಡಬ್ಲೂಎಚ್ಓ ನ ಪ್ರಸ್ತುತ 2005 ರ ಅಂತರರಾಷ್ಟ್ರೀಯ ಆರೋಗ್ಯ ನಿಯಮಗಳ ಅಡಿಯಲ್ಲಿ ನಿಯಮಗಳು ಅಥವಾ ಕಟ್ಟುಪಾಡುಗಳ ಕೊರತೆಯಿಂದಾಗಿ ಕೋವಿಡ್-19 ಸಾಂಕ್ರಾಮಿಕ ಸಮಯದಲ್ಲಿ "ಅನೇಕ ವೈಫಲ್ಯಗಳು" ಸಂಭವಿಸಿವೆ ಎಂದು ಡಬ್ಲೂಎಚ್ಓ ಮುಖ್ಯಸ್ಥರಾದ ಟೆಡ್ರೊಸ್ ಅಧಾನಮ್ ಘೆಬ್ರೆಯೆಸಸ್ ಹೇಳಿದರು ಎಂದು ರುಟರ್ಸ್ ವರದಿಮಾಡಿದೆ.
"ನಾವು ಮೂಲವನ್ನು ತಿಳಿಯುವವರೆಗೂ ನಾವು ಮುಂದುವರಿಯಬೇಕಾಗಿದೆ, ನಾವು ಗಟ್ಟಿಯಾಗಿ ತಳ್ಳಬೇಕಾಗಿದೆ ಏಕೆಂದರೆ ಭವಿಷ್ಯವನ್ನು ಉತ್ತಮವಾಗಿ ಮಾಡಲು ಈ ಬಾರಿ ಏನಾಯಿತು ಎಂಬುದನ್ನು ನಾವು ಕಲಿಯಬೇಕು" ಎಂದು ಟೆಡ್ರೊಸ್ ಜಿನೀವಾ ಪತ್ರಕರ್ತರಿಗೆ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಚೀನಾದ ವುಹಾನ್ ವೈರಸ್ ಎಂದೇ ಪ್ರಸಿದ್ಧಿ ಪಡೆದಿದ್ದ, ಕರೋನಾ ವೈರಸ್ ಹುಟ್ಟಿಗೆ ಚೀನಾ ಕಾರಣ ಎಂಬುದು ಜಗಜ್ಜಾಹೀರು ಆಗಿದ್ದರೂ ಡಬ್ಲೂಎಚ್ಓ ಈ ನಿಟ್ಟಿನಲ್ಲಿ ಹೇಳಿಕೆ ನೀಡುತ್ತಿರುವುದು ಬಹುಶಃ ಇದೇ ಮೊದಲು ಎನ್ನಬಹುದಾಗಿದೆ. ಅಮೇರಿಕಾ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕರೋನಾ ವೈರಸ್ ಗೆ ಚೀನಾ ನೇರ ಕಾರಣ ಹಾಗೂ ತಮ್ಮ ಬಳಿ ಈ ಕುರಿತು ಸಾಕ್ಷ್ಯಾಧಾರಗಳಿವೆ ಎಂದು ಹೇಳಿದ್ದರು ಹಾಗೂ ಡಬ್ಲೂಎಚ್ಓ ನಿರ್ಲಕ್ಷ್ಯವನ್ನು ಎತ್ತಿ ತೋರುವ ಪ್ರಯತ್ನ ಮಾಡಿದ್ದರು.
