ಭಾರತೀಯ ವಾಯುಪಡೆಯ ಮಿಗ್-21 ವಿಮಾನ ಅಪಘಾತ : ಪೈಲಟ್ ಗಾಗಿ ಹುಡುಕಾಟ | ಜನತಾ ನ್ಯೂಸ್
ಜೈಪುರ : ಇಂದು ರಾತ್ರಿ ಮತ್ತೊಮ್ಮೆ ಭಾರತೀಯ ವಾಯುಪಡೆಯ ಮಿಗ್-21 ವಿಮಾನ ಅಪಘಾತಕ್ಕೆ ಈಡಾಗಿದೆ. ಕೆಲವೇ ತಿಂಗಳ ಹಿಂದೆ ಈ ವರ್ಷದ ಮೇ 20ರ ರಾತ್ರಿ ಕೂಡ ಒಂದು ಮಿಗ್-21 ವಿಮಾನ ಪಂಜಾಬ್ ನಲ್ಲಿ ಅಪಘಾತಕ್ಕೆ ಈಡಾಗಿ ಪೈಲೆಟ್ ಹುತಾತ್ಮರಾಗಿದ್ದರು.
ಇಂದು ಶುಕ್ರವಾರ ರಾತ್ರಿ ರಾಜಸ್ಥಾನದ ಜೈಸಲ್ಮೇರ್ನಲ್ಲಿ ಭಾರತೀಯ ವಾಯುಪಡೆಯ ಮಿಗ್-21 ವಿಮಾನವು ತರಬೇತಿಯ ಸಮಯದಲ್ಲಿ ಪತನಗೊಂಡಿದೆ.
ಸ್ಯಾಮ್ ಪೊಲೀಸ್ ಠಾಣೆ ವ್ಯಾಪ್ತಿಯ ಡೆಸರ್ಟ್ ನ್ಯಾಷನಲ್ ಪಾರ್ಕ್ ಪ್ರದೇಶದಲ್ಲಿ ವಿಮಾನ ಪತನಗೊಂಡಿದೆ ಎಂದು ಜೈಸಲ್ಮೇರ್ ಎಸ್ಪಿ ಅಜಯ್ ಸಿಂಗ್ ಪಿಟಿಐಗೆ ತಿಳಿಸಿದ್ದಾರೆ.
ಇಂದು ಸಂಜೆ, ರಾತ್ರಿ 8:30 ರ ಸುಮಾರಿಗೆ, ಐಎಎಫ್ನ ಮಿಗ್ -21 ವಿಮಾನವು ಪಶ್ಚಿಮ ವಲಯದಲ್ಲಿ ತರಬೇತಿಯ ಸಮಯದಲ್ಲಿ ಹಾರುವ ಅಪಘಾತಕ್ಕೆ ಒಳಗಾಯಿತು. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗಿದೆ. ತನಿಖೆಗೆ ಆದೇಶಿಸಲಾಗುತ್ತಿದೆ, ಎಂದು ಭಾರತೀಯ ವಾಯುಪಡೆ(ಐಎಎಫ್) ಪ್ರಕಟಿಸಿದೆ.