ಜರ್ಮನಿಯಲ್ಲಿ ಖಾಲಿಸ್ತಾನಿ ಉಗ್ರ ಮುಲ್ತಾನಿ ಬಂಧನ : ಮೋದಿ ಸರ್ಕಾರದ ರಾಜತಾಂತ್ರಿಕತೆಯ ಪರಾಕಾಷ್ಠೆ | ಜನತಾ ನ್ಯೂಸ್
2006
ನವದೆಹಲಿ : ಪ್ರಧಾನಿ ಮೋದಿ ಸರ್ಕಾರದ ತೀವ್ರ ರಾಜತಾಂತ್ರಿಕತೆಯ ಪರಾಕಾಷ್ಠೆ ಎಂಬಂತೆ, 72 ಗಂಟೆಗಳಲ್ಲಿ ನಿಷೇಧಿತ ಸಿಖ್ಸ್ ಫಾರ್ ಜಸ್ಟಿಸ್(ಎಸ್.ಎಫ್.ಜೆ) ಉಗ್ರಗಾಮಿ ಜಸ್ವಿಂದರ್ ಸಿಂಗ್ ಮುಲ್ತಾನಿ ಯನ್ನು ಜರ್ಮನ್ ಪೊಲೀಸರು ಬಂಧಿಸಿದ್ದಾರೆ. ಮುಲ್ತಾನಿ ಲೂಧಿಯಾನ ಬಾಂಬ್ ಸ್ಫೋಟದ ಪ್ರಮುಖ ಆರೋಪಿಯಾಗಿದ್ದು, ಅವನು ಇನ್ನೊಂದು ಸ್ಫೋಟಕ್ಕೆ ಯೋಜಿಸುತ್ತಿದ್ದನು ಎನ್ನಲಾಗಿದೆ.
ಈ ಮೂಲಕ, ಇತ್ತೀಚೆಗಿನ ಲುಧಿಯಾನ ಕೋರ್ಟ್ ಸ್ಫೋಟ ಪ್ರಕರಣದಲ್ಲಿ ಭಾರತಕ್ಕೆ ಭಾರಿ ಯಶಸ್ಸು ದೊರತಿದ್ದು, ಜರ್ಮನಿಯ ಬಾನ್ ನಗರದಲ್ಲಿ ಎಸ್.ಎಫ್.ಜೆ ಭಯೋತ್ಪಾದಕ ಜಸ್ವಿಂದರ್ ಸಿಂಗ್ ಮುಲ್ತಾನಿ ಬಂಧನ ಮಾಡಲಾಗಿದೆ. ಈ ಖಾಲಿಸ್ತಾನಿ ಉಗ್ರ ದೆಹಲಿ ಹಾಗೂ ಮುಂಬೈನಲ್ಲಿಯೂ ಸ್ಫೋಟ ನಡೆಸುವ ಸಂಚು ರೂಪಿಸಿದ್ದ ಎನ್ನಲಾಗಿದೆ.
ಎಸ್.ಎಫ್.ಜೆ ಎಂಬ ಭಯೋತ್ಪಾದಕ ಗುಂಪಿನ ಖಾಲಿಸ್ತಾನಿ ಉಗ್ರ ಜಸ್ವಿಂದರ್ ಸಿಂಗ್ ಮುಲ್ತಾನಿ ಬಂಧನವು ಉಗ್ರನಿಗ್ರಹ ನಿಟ್ಟಿನಲ್ಲಿ ದೊಡ್ಡ ಸಕಾರಾತ್ಮಕ ಬೆಳವಣಿಗೆಯಾಗಿದೆ. ಮತ್ತು ಭಾರತ ಮತ್ತು ಜರ್ಮನಿ ನಡುವಿನ ಆಳವಾದ ಕಾರ್ಯತಂತ್ರ ಮತ್ತು ಭದ್ರತಾ ಸಹಕಾರವನ್ನು ಎತ್ತಿ ತೋರಿಸುತ್ತದೆ.
ಮುಂಬೈ ಅಥವಾ ದೆಹಲಿಯಲ್ಲಿ ಯಾವುದೇ ಬಾಂಬ್ ಸ್ಫೋಟ ಸಂಭವಿಸಿದರೂ ಜರ್ಮನಿಯನ್ನು ಹೊಣೆಗಾರರನ್ನಾಗಿ ಮಾಡುತ್ತದೆ, ಎಂದು ದೆಹಲಿಯು ಜರ್ಮನಿಗೆ ಸ್ಪಷ್ಟ ಸಂದೇಶದ ಬೆನ್ನಲ್ಲೇ ಜರ್ಮನಿ ಪೋಲಿಸರಿಂದ ಕಾರ್ಯಾಚರಣೆ ನಡೆಸಲಾಗಿದೆ ಎನ್ನಲಾಗಿದೆ.
ಮುಂಬೈ ಮೇಲೆ ನಡೆಯಲಿರುವ ಭಯೋತ್ಪಾದಕ ದಾಳಿಯ ಬಗ್ಗೆ ಜರ್ಮನಿಯ ಅಧಿಕಾರಿಗಳು ವಿಷಯದ ಗಂಭೀರತೆಯನ್ನು ಅರ್ಥಮಾಡಿಕೊಳ್ಳುತ್ತಾರೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು, ವಿದೇಶಾಂಗ ವ್ಯವಹಾರಗಳ ಉನ್ನತ ಅಧಿಕಾರಿಗಳು ಜರ್ಮನಿಯ ಭಾರತೀಯ ರಾಯಭಾರಿ ಕಚೇರಿಯ ಅಧಿಕಾರಿಗಳ ಕ್ರಿಸ್ಮಸ್ ರಜಾದಿನಗಳಿಂದ ಹಿಂಪಡೆದಿದ್ದಾರೆ.
ಜರ್ಮನ್ ಅಧಿಕಾರಿಗಳು ಮುಲ್ತಾನಿಯನ್ನು ಬಂಧಿಸಿರುವುದು ದ್ವಿಪಕ್ಷೀಯ ಸಂಬಂಧಗಳಲ್ಲಿ ಒಂದು ದೊಡ್ಡ ಹೆಜ್ಜೆಯಾಗಿದೆ ಏಕೆಂದರೆ ಇದು ಪಾಕಿಸ್ತಾನದ ಆಳವಾದ ರಾಜ್ಯದಿಂದ ಬೆಂಬಲಿತವಾಗಿರುವ ಸಿಖ್ ಪ್ರತ್ಯೇಕತಾವಾದಿಗಳ ವಿರುದ್ಧ ಕ್ರಮ ಕೈಗೊಳ್ಳಲು ಯುಕೆ ಮತ್ತು ಕೆನಡಾದಂತಹ ದೇಶಗಳ ಮೇಲೆ ಒತ್ತಡ ಹೆಚ್ಚಿಸಿದಂತಾಗಿದೆ.
