ವರ್ಷಾಂತ್ಯದಲ್ಲಿ ರಾಹುಲ್ ಗಾಂಧಿ ವಿದೇಶ ಪ್ರವಾಸ : ಪಂಜಾಬ್ ಚುನಾವಣಾ ಕಾಂಗ್ರೆಸ್ ರ್ಯಾಲಿ ರದ್ದು | ಜನತಾ ನ್ಯೂಸ್
2269
ನವದೆಹಲಿ : ಹೊಸ ವರ್ಷ ಸಮೀಪಿಸುತ್ತಿದ್ದಂತೆ ಮತ್ತು ಇನ್ನೇನು ಐದು ರಾಜ್ಯಗಳ ವಿಧಾನಸಭಾ ಚುನಾವಣೆಗೆ ಕೆಲವು ತಿಂಗಳುಗಳಿರುವಾಗ, ಮಾಜಿ ಕಾಂಗ್ರೆಸ್ ರಾಷ್ತ್ರಿಯಾಧ್ಯಕ್ಷ ಮತ್ತು ವಯನಾಡು ಸಂಸದ ರಾಹುಲ್ ಗಾಂಧಿ ಬುಧವಾರ ಬೆಳಿಗ್ಗೆ "ವೈಯಕ್ತಿಕ ಭೇಟಿ" ಗಾಗಿ ವಿದೇಶಕ್ಕೆ ಹಾರಿದ್ದಾರೆ.
ಆದ್ದರಿಂದ, ಸಧ್ಯದಲ್ಲೇ ಅವರು ಭಾಗವಹಿಸಬೇಕಿದ್ದ ಪಂಜಾಬ್ ಚುನಾವಣಾ ರ್ಯಾಲಿ ಗಳನ್ನೂ ಮುಂದುಡುವ ಸಾದ್ಯತೆಗಳಿವೆ.
ವಿದೇಶದಿಂದ ಹಿಂತಿರುಗಿದ ಬಳಿಕ ರಾಹುಲ್ ಗಾಂಧಿ ಅವರು 2022 ರ ಜನವರಿ 15 ಮತ್ತು 16 ನೇ ಜನವರಿಯಲ್ಲಿ ಕ್ರಮವಾಗಿ ಪಂಜಾಬ್ ಮತ್ತು ಗೋವಾ ರಾಜ್ಯಗಳಲ್ಲಿ ಸಾರ್ವಜನಿಕ ರ್ಯಾಲಿಗಳನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ, ಎಂದು ಎಏನ್ಐ ಟ್ವೀಟ್ ಮಾಡಿದೆ.
ಇತ್ತೀಚೆಗಷ್ಟೇ ಸಂಸತ್ತಿನ ಚಳಿಗಾಲದ ಅಧಿವೇಶನಕ್ಕೂ ಮುನ್ನ ಸುಮಾರು ಒಂದು ತಿಂಗಳ ಕಾಲ ವಿದೇಶ ಪ್ರವಾಸ ಕೈಗೊಂಡಿದ್ದ ಅವರು ಅಧಿವೇಶನ ಆರಂಭಕ್ಕೂ ಒಂದು ದಿನ ಮುಂಚಿತವಾಗಿ ವಾಪಸ್ಸಾಗಿದ್ದರು.
"ರಾಹುಲ್ ಗಾಂಧಿ ಅವರು ಸಂಕ್ಷಿಪ್ತ ವೈಯಕ್ತಿಕ ಭೇಟಿಯಲ್ಲಿದ್ದಾರೆ. ಭಾರತೀಯ ಜನತಾ ಪಕ್ಷ(ಬಿಜೆಪಿ) ಮತ್ತು ಅದರ ಮಾಧ್ಯಮ ಸ್ನೇಹಿತರು ಅನಗತ್ಯವಾಗಿ ವದಂತಿಗಳನ್ನು ಹರಡಬಾರದು" ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರಣದೀಪ್ ಸುರ್ಜೇವಾಲಾ ಎಎನ್‌ಐಗೆ ತಿಳಿಸಿದ್ದಾರೆ.
ರಾಹುಲ್ ಗಾಂಧಿಯವರ ಗೌಪ್ಯ ವಿದೇಶ ಪ್ರವಾಸಗಳನ್ನು ವಿವರವನ್ನು ಬಹಿರಂಗ ಪಡಿಸುವಂತೆ ಬಿಜೆಪಿ ಯಾವಾಗಲೂ ಒತ್ತಾಯಿಸುತ್ತಿದೆ ಹಾಗೂ ಸಾಕಷ್ಟು ಬಾರಿಗೆ ರಾಹುಲ್ ಗಾಂಧಿ ಥೈಲ್ಯಾಂಡ್ ಪ್ರವಾಸಕ್ಕೆ ಹೋಗಿದ್ದರೆಂದು ಕಟುವಾಗಿ ಟೀಕಿಸಿದ್ದದು. ಆದರೂ, ರಾಹುಲ್ ಗಾಂಧಿ ಚುನಾವಣೆ ಹೊಸ್ತಿಲಲ್ಲಿ ಹಾಗೂ ಚುನಾವಣೆಯ ನಂತರದ ವಿದೇಶ ಪ್ರವಾಸಗಳ ವಿವರವನ್ನು ಬಹಿರಂಗ ಪಡಿಸಿಲ್ಲ.
ಈ ಬಾರಿಯೂ ಸಹ, ಅವರು ಭೇಟಿ ನೀಡಲಿರುವ ಸ್ಥಳ ಮತ್ತು ಹಿಂದಿರುಗುವ ದಿನಾಂಕವನ್ನು ಪಕ್ಷವು ಬಹಿರಂಗಪಡಿಸಿಲ್ಲ.
ರಾಷ್ಟೀಯ ರಾಜಕಾರಣದಲ್ಲಿ ಸಾಕಷ್ಟು ನಿರ್ಣಾಯಕ ಎನ್ನಲಾದ ಉತ್ತರ ಪ್ರದೇಶ ರಾಜ್ಯ ಸೇರಿದಂತೆ ಮುಂದಿನ ವರ್ಷ ನಡೆಯಲಿರುವ ಪಂಜಾಬ್, ಉತ್ತರಾಖಂಡ, ಗೋವಾ ಮತ್ತು ಮಣಿಪುರದಲ್ಲಿ ಮುಂಬರುವ ಚುನಾವಣೆಗಳಿಗೆ ರಾಜಕೀಯ ಪಕ್ಷಗಳು ತಮ್ಮ ಪ್ರಚಾರವನ್ನು ವೇಗಗೊಳಿಸುತ್ತಿರುವ ಸಮಯದಲ್ಲಿ ನಿಗದಿತ ರ್ಯಾಲಿ ರದ್ದುಗೊಳಿಸಿ, ರಾಹುಲ್ ಅವರ ವಿದೇಶ ಪ್ರವಾಸವು ಮತ್ತೊಮ್ಮೆ ಕಾಂಗ್ರೆಸ್ ಮುಖಂಡರ ನಿದ್ದೆಗೆಡೆಸಲಿದೆ.
