ದೇಶದ ಪ್ರಧಾನಿ ಪಂಜಾಬ್ ಫ್ಲೈಓವರ್ ಮೇಲೆ 20ನಿಮಿಷ ಪಾಕಿಸ್ತಾನದ ಪಿರಂಗಿಗಳ ವ್ಯಾಪಿಯಲ್ಲಿದ್ದರು - ಕಾಂಗ್ರೆಸ್ ನಾಯಕ ತಿವಾರಿ | ಜನತಾ ನ್ಯೂಸ್
ನವದೆಹಲಿ : ದೇಶದ ಪ್ರಧಾನಿ ಅವರು ಪಂಜಾಬ್ ಫ್ಲೈಓವರ್ ಮೇಲೆ 20ನಿಮಿಷಗಳ ಕಾಲ ಪಾಕಿಸ್ತಾನದ ಸೇನೆಯ ಪಿರಂಗಿಗಳ ವ್ಯಾಪಿಯಲ್ಲಿದ್ದರು, ಎಂದು ವಿಷಯದ ಗಂಭೀರತೆಯನ್ನು ವ್ಯಕ್ತಪಡಿಸಿರುವ ಕಾಂಗ್ರೆಸ್ ಹಿರಿಯ ನಾಯಕ ಮನೀಶ್ ತಿವಾರಿಯವರು, ದೇಶದ ಪ್ರಧಾನ ಮಂತ್ರಿಯವರ ಸುರಕ್ಷತೆಯನ್ನು ಬೇರೆಯಾರದೋ ಸುರಕ್ಷತೆಯೊಂದಿಗೆ ಹೋಲಿಕೆ ಮಾಡುವುದು ನನ್ನ ವಿವೇಕದ ಪ್ರಕಾರ ಉಚಿತವಲ್ಲ, ಎಂದು ಹೇಳಿದ್ದಾರೆ.
ಈ ಕುರಿತು ಅವರು ಖಾಸಗಿ ಮಾಧ್ಯಮದೊಂದಿಗೆ ಮಾತನಾಡುತ್ತ, "ದೇಶದ ಪ್ರಧಾನ ಮಂತ್ರಿಯವರ ಸುರಕ್ಷತೆ ವಿಷಯ ಬಂದಾಗ ವಿಷಯದ ಮಹತ್ವವೇ ಬೇರೆಯಾಗುತ್ತದೆ. ನೋಡಿ... ಯಾವ ಸ್ಥಳದಲ್ಲಿ ಅವರ(ಪ್ರಧಾನಿ) ಬೆಂಬಲ ಪಡೆಯನ್ನು ನಿಲ್ಲಿಸಲಾಗಿತ್ತು, ಆ ಸ್ಥಳ ಅಂತರಾಷ್ಟ್ರೀಯ ಗಡಿಯಿಂದ ಕೇವಲ ಹತ್ತು ಕಿಲೋಮೀಟರ್ ದೂರದಲ್ಲಿದೆ. ಮತ್ತು ಪಾಕಿಸ್ತಾನದ ಬಳಿಯಿರುವ ಭಾರಿ ಫಿರಂಗಿಗಳು, ಯಾವುದನ್ನು ಭಾರತ-ಪಾಕಿಸ್ತಾನದ ಗಡಿ ಗಳಲ್ಲಿ ನಿಯೋಜಿಸಲಾಗುತ್ತದೆ, ನಮ್ಮ ಫಿರಂಗಿಗಳನ್ನೂ ನಿಯೋಜಿಸಲಾಗುತ್ತದೆ, ಅವುಗಳ ಸಾಮರ್ಥ್ಯ 35-36 ಕಿಲೋಮೀಟರ್ ದೂರದವರೆಗೂ ಇರುತ್ತದೆ. ಅದಕ್ಕಾಗಿ ದೇಶದ ಪ್ರಧಾನಮಂತ್ರಿಯವರ ಸುರಕ್ಷತೆಯನ್ನು ಬೇರೆಯಾರದೋ ಸುರಕ್ಷತೆಯೊಂದಿಗೆ ಹೋಲಿಕೆ ಮಾಡುವುದು ನನ್ನ ವಿವೇಕದ ಪ್ರಕಾರ ಇದು ಉಚಿತವಲ್ಲ", ಎಂದು ಖಡಾಖಂಡಿತವಾಗಿ ಹೇಳಿದ್ದಾರೆ.
ಈ ವೀಡಿಯೊ ಶೇರ್ ಮಾಡಿರುವ ಬಿಜೆಪಿ ಮುಖಂಡ ಅಮಿತ್ ಮಲ್ವಿಯಾ ಅವರು, "ಕಾಂಗ್ರೆಸ್ ನಾಯಕ ಮನೀಶ್ ತಿವಾರಿ ಅವರು ಫ್ಲೈಓವರ್ ಮೇಲೆ ಸಿಲುಕಿಕೊಂಡಾಗ ಪ್ರಧಾನಿ ಪಾಕಿಸ್ತಾನದ ಫಿರಂಗಿದಳದ ವ್ಯಾಪ್ತಿಯಲ್ಲಿದ್ದರು ಎಂದು ವಿವರಿಸಿದರು. ಯಾವುದೇ ಬೆದರಿಕೆ ಇಲ್ಲ ಎಂಬ ಪಂಜಾಬ್ ಸಿಎಂ ಚನ್ನಿ ಅವರ ಹೇಳಿಕೆಯನ್ನು ಇದು ಸಂಪೂರ್ಣವಾಗಿ ತಳ್ಳಿಹಾಕುತ್ತದೆ. ಗಾಂಧಿಯವರ ಕಾಂಗ್ರೆಸ್ ಪ್ರಧಾನಿ ಮೋದಿಯವರನ್ನು ಅಪಾಯ ಮಾರ್ಗದಲ್ಲಿ ಸಿಲುಕಿಸಿತ್ತು ಎಂಬುದು ಸ್ಪಷ್ಟವಾಗಿದೆ, ಎಂದು ಟ್ವೀಟ್ ಮಾಡಿದ್ದಾರೆ.