ಸರ್ಜಿಕಲ್ ಸ್ಟ್ರೈಕ್ : ನಾನೂ ಪುರಾವೆಯನ್ನು ಕೇಳುತ್ತಿದ್ದೇನೆ. ಭಾರತ ಸರ್ಕಾರ ಪುರಾವೆ ತೋರಿಸಲಿ - ಕೆಸಿಆರ್ | ಜನತಾ ನ್ಯೂಸ್
2665
ಹೈದರಾಬಾದ್ : ಪಾಕಿಸ್ತಾನದ ಭಯೋತ್ಪಾದಕರ ನೆಲೆಗಳ ಮೇಲೆ ಭಾರತ ನಡೆಸಿದ ಸರ್ಜಿಕಲ್ ಸ್ಟ್ರೈಕ್ ಮೇಲೆ ಸಂಶಯ ವ್ಯಕ್ತಪಡಿಸಿದ ತೆಲಂಗಾಣ ಮುಖ್ಯಮಂತ್ರಿ ಕೆ.ಚಂದ್ರಶೇಖರ ರಾವ್ ಅವರು, "ಇಂದಿಗೂ, ನಾನು ಪುರಾವೆಯನ್ನು ಕೇಳುತ್ತಿದ್ದೇನೆ. ಭಾರತ ಸರ್ಕಾರ (ಪುರಾವೆ) ತೋರಿಸಲಿ", ಎಂದು ಸವಾಲು ಹಾಕಿದ್ದಾರೆ.
ತೆಲಂಗಾಣ ಮುಖ್ಯಮಂತ್ರಿ ಕೆ.ಚಂದ್ರಶೇಖರ ರಾವ್ ಅವರು ಸೆಪ್ಟೆಂಬರ್ 2019 ರಲ್ಲಿ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ (ಪಿಒಕೆ) ನಡೆಸಿದ ಸರ್ಜಿಕಲ್ ಸ್ಟ್ರೈಕ್ ಕುರಿತು ಕೇಂದ್ರ ಸರ್ಕಾರದಿಂದ ಮತ್ತೆ ಪುರಾವೆ ಕೇಳಿದ್ದಾರೆ. "ಇಂದಿಗೂ, ನಾನು ಪುರಾವೆಯನ್ನು ಕೇಳುತ್ತಿದ್ದೇನೆ. ಭಾರತ ಸರ್ಕಾರ (ಪುರಾವೆ) ತೋರಿಸಲಿ. ಬಿಜೆಪಿ ಸುಳ್ಳು ಪ್ರಚಾರ ಮಾಡುತ್ತದೆ ಅದಕ್ಕಾಗಿಯೇ ಜನರು ಅದನ್ನು ಕೇಳುತ್ತಿದ್ದಾರೆ" ಎಂದು ರಾವ್ ಹೇಳಿದರು.
ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರು ಸರ್ಜಿಕಲ್ ಸ್ಟ್ರೈಕ್ ಕುರಿತು ಸಂಶಯ ವ್ಯಕ್ತ ಪಡಿಸಿದ್ದ ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿ, "ಭಾರತೀಯ ಸೇನೆ ಮುಖ್ಯಸ್ಥ ಬಿಪಿನ್ ರಾವತ್ ಅವರು ನೇತ್ರತ್ವದಲ್ಲಿ ನಡೆದ ಸರ್ಜಿಕಲ್ ಸ್ಟ್ರೈಕ್ ಕುರಿತು ಪುರಾವೆ ಕೇಳುತ್ತಾರೆ ರಾಹುಲ್ ಗಾಂಧಿ. ಅವರು ರಾಜೀವ್ ಗಾಂಧಿ ಅವರ ಮಗ ಅನ್ನುವುದಕ್ಕೆ ನಾವು ಪುರಾವೆ ಕೇಳಿದ್ದೆವೆನು? ಈ ರೀತಿ ಪ್ರಶ್ನೆ ಭಾರತೀಯ ಸೈನ್ಯಕ್ಕೆ ಮಡಿದ ಅಪಮಾನ", ಎಂದು ಶರ್ಮಾ ಚುನಾವಣಾ ರ್ಯಾಲಿಯಲ್ಲಿ ಹೇಳಿದ್ದರು.
ಶರ್ಮಾ ಅವರ ಕಾಮೆಂಟ್‌ಗಳ ನಂತರ, ತೆಲಂಗಾಣ ಮುಖ್ಯಮಂತ್ರಿ ಅವರು ರಾಹುಲ್ ಗಾಂಧಿ ಅವರ ಟೀಕೆಗಳ ಕುರಿತು ಅಸ್ಸಾಂ ಸಿಎಂ ಅನ್ನು ವಜಾಗೊಳಿಸುವಂತೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಬಿಜೆಪಿ ಮುಖ್ಯಸ್ಥ ಜಗತ್ ಪ್ರಕಾಶ್ ನಡ್ಡಾ ಅವರನ್ನು ಒತ್ತಾಯಿಸಿದರು.
ಕೆಸಿಆರ್‌ಗೆ ತಿರುಗೇಟು ನೀಡಿದ ಶರ್ಮಾ, ಇದು ಅವರ ಮನಸ್ಥಿತಿಯನ್ನು ತೋರಿಸುತ್ತದೆ ಎಂದು ಹೇಳುವ ಮೂಲಕ ರಾವ್ ಅವರನ್ನು ತರಾಟೆಗೆ ತೆಗೆದುಕೊಂಡರು. "ಸರ್ಜಿಕಲ್ ಸ್ಟ್ರೈಕ್ ನಡೆಸಿದ್ದೀರಾ ಅಥವಾ ಇಲ್ಲವೇ ಎಂದು ಸೇನೆಯನ್ನು ಪ್ರಶ್ನಿಸುವುದು ದೊಡ್ಡ ಅಪರಾಧ ಎಂದು ನಾನು ನಂಬುತ್ತೇನೆ. ಅವರು (ತೆಲಂಗಾಣ ಸಿಎಂ ಕೆಸಿಆರ್) ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರ ಮೇಲಿನ ನನ್ನ ಹೇಳಿಕೆಯಿಂದ ಕೆರಳಿದರು ಆದರೆ ನಮ್ಮ ಸೇನೆಯ ಬಗ್ಗೆ ರಾಹುಲ್ ಗಾಂಧಿಯವರ ಹೇಳಿಕೆಯಿಂದ ಅಲ್ಲ. "ಶರ್ಮಾ ಹೇಳಿದರು.
"ನಮ್ಮ ಸೈನಿಕರನ್ನು ಪ್ರಶ್ನೆ ಮಾಡಿದಾಗ, ನಮ್ಮ ಮಿಲಿಟರಿಯನ್ನು ಶಂಕಿಸಿದಾಗ ಯಾರು ಯಾಕೆ ರಾಹುಲ್ ಗಾಂಧಿಯನ್ನು ಪ್ರಶ್ನಿಸಲಿಲ್ಲ? ಯಾಕೆ ಟ್ವೀಟ್ ಮಾಡಲಿಲ್ಲ? ...ನಮ್ಮ ದೇಶವನ್ನು ಕಾಯುವ ಸೈನಿಕರನ್ನು ಅಪಮಾನ ಮಾಡುವುದಕ್ಕಿಂತ ದೊಡ್ಡ ತಪ್ಪು ಇನ್ನೇನಿದೆ? ....ಗಾಂಧಿ ಪರಿವಾರವನ್ನು ಪ್ರಶ್ನಿಸುವುದೇ ತಪ್ಪು ಎನ್ನುವ ಮನಸ್ಥಿತಿ ಬದಲಾಗಬೇಕಾಗಿದೆ. ಭಾರತ ಬದಲಾಗುತ್ತಿದೆ..." ಎಂದು ಅಸ್ಸಾಂ ಮುಖ್ಯಮಂತ್ರಿ ಶರ್ಮಾ ಹೇಳಿದ್ದಾರೆ.
ಗಮನಾರ್ಹವೆಂದರೆ, ಉರಿಯ ಮೂಲ ಶಿಬಿರದಲ್ಲಿ 20 ಸೈನಿಕರು ಹತರಾದ ನಂತರ ಭಾರತೀಯ ಸೇನೆಯು ಸೆಪ್ಟೆಂಬರ್ 2016 ರಲ್ಲಿ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ (ಪಿಒಕೆ) ಸರ್ಜಿಕಲ್ ಸ್ಟ್ರೈಕ್ ನಡೆಸಿತ್ತು.
