ಎಲೆಕ್ಟ್ರಿಕ್ ವಾಹನಗಳ ಬೆಲೆಯು ಪೆಟ್ರೋಲ್ ವಾಹನಗಳಿಗೆ ಸರಿಸಮಾನವಾಗಲಿದೆ - ಕೇಂದ್ರ ರಸ್ತೆ ಮತ್ತು ಸಾರಿಗೆ ಸಚಿವ | JANATA NEWS
2003
ನವದೆಹಲಿ : 2024 ರ ವೇಳೆಗೆ ಭಾರತವು ಯುಎಸ್ ಮಾದರಿಯ ರಸ್ತೆಗಳನ್ನು ಹೊಂದಲಿದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಮಂಗಳವಾರ ಹೇಳಿದ್ದಾರೆ. ಅಷ್ಟೇ ಅಲ್ಲ, ದೇಶದಲ್ಲಿ 60 ಕಿ.ಮೀ.ನಲ್ಲಿ ಒಂದೇ ಟೋಲ್ ಪ್ಲಾಜಾ ಇರಲಿದ್ದು, ಮಧ್ಯದಲ್ಲಿ ಇದ್ದರೆ ಮೂರು ತಿಂಗಳೊಳಗೆ ಮುಚ್ಚಲಾಗುವುದು ಎಂದರು.
ಕೇಂದ್ರ ರಸ್ತೆ ಮತ್ತು ಸಾರಿಗೆ ಸಚಿವ ನಿತಿನ್ ಗಡ್ಕರಿ ಲೋಕಸಭೆಯಲ್ಲಿ, "ಆಧಾರ್ ಕಾರ್ಡ್ ಹೊಂದಿರುವ ಮತ್ತು ಟೋಲ್ ಪ್ಲಾಜಾಗಳ ಬಳಿ ವಾಸಿಸುವ ಸ್ಥಳೀಯ ಜನರಿಗೆ ನಾವು ಪಾಸ್‌ಗಳನ್ನು ಒದಗಿಸುತ್ತೇವೆ. ಅಲ್ಲದೆ, 60 ಕಿಮೀ ಒಳಗೆ ಕೇವಲ ಒಂದು ಪಾಸ್ ಇರುವಂತೆ ನಾನು ಖಚಿತಪಡಿಸುತ್ತೇನೆ" ಎಂದು ಹೇಳಿದರು.
ನಿತಿನ್ ಗಡ್ಕರಿ ಅವರು, ಡಿಸೆಂಬರ್ 2024 ರ ವೇಳೆಗೆ ದೇಶವು ಅಮೆರಿಕದಂತಹ ರಸ್ತೆಗಳನ್ನು ಹೊಂದಲಿದೆ ಎಂದು ಹೇಳಿದರು. ವಾಸ್ತವವಾಗಿ, ಗಡ್ಕರಿ ಅವರು ಲೋಕಸಭೆಯಲ್ಲಿ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯದ 2022-23ರ ಅನುದಾನದ ಬೇಡಿಕೆಗಳ ಕುರಿತು ಉತ್ತರಿಸುತ್ತಿದ್ದರು.
ಕೇಂದ್ರ ರಸ್ತೆ ಮತ್ತು ಸಾರಿಗೆ ಸಚಿವರು, “8 ಪ್ರಯಾಣಿಕರನ್ನು ಹೊತ್ತೊಯ್ಯುವ ಪ್ರತಿ ಕಾರು 6 ಏರ್‌ಬ್ಯಾಗ್‌ಗಳನ್ನು ಹೊಂದಿರಬೇಕು ಎಂದು ನಾವು ಕಡ್ಡಾಯಗೊಳಿಸಿದ್ದೇವೆ", ಎಂದಿದ್ದಾರೆ.
ಸಚಿವ ನಿತಿನ್ ಗಡ್ಕರಿ ಅವರು, ಮುಂದಿನ ಎರಡು ವರ್ಷಗಳಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬೆಲೆಯು ಪೆಟ್ರೋಲ್ ವಾಹನಗಳಿಗೆ ಸರಿಸಮಾನವಾಗಲಿದೆ, ಎಂದು ಮಂಗಳವಾರ ಹೇಳಿದ್ದಾರೆ. ಈ ಸುದ್ದಿ ಕಾರು, ಬೈಕ್ ಸವಾರರಿಗೆ ನೆಮ್ಮದಿ ತಂದಿದೆ.
