ರಫ್ತು ಹೆಚ್ಚುತ್ತಿದೆ, ಮೇಕ್ ಇನ್ ಇಂಡಿಯಾ, ಯೋಗ, ಆಯುರ್ವೇದ - ಪ್ರಧಾನಿ ಮೋದಿ : ಮನ್ ಕೀ ಬಾತ್ | JANATA NEWS
2244
ನವದೆಹಲಿ : ಇಂದು ತಿಂಗಳ ಕೊನೆಯ ರವಿವಾರದಂದು ತಮ್ಮ ಮಾಸಿಕ "ಮನ್ ಕಿ ಬಾತ್" ನಲ್ಲಿ ಸ್ವಾವಲಂಬಿ ಭಾರತದ ಬೆಳವಣಿಗೆಯ ಹೆಜ್ಜೆ ಕುರಿತು ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ, ದೇಶದಲ್ಲಿ ರಫ್ತು ನಿರಂತರವಾಗಿ ಹೆಚ್ಚುತ್ತಿದೆ, ಎಂದು ಹೇಳಿದರು.
ಇಂದು ಮೇಕ್ ಇನ್ ಇಂಡಿಯಾ ಅಡಿಯಲ್ಲಿ ದೇಶದ ಮೂಲೆ ಮೂಲೆಯಿಂದ ವಿದೇಶಕ್ಕೆ ಹಲವು ಹೊಸ ಉತ್ಪನ್ನಗಳನ್ನು ರವಾನೆ ಮಾಡಲಾಗುತ್ತಿದೆ, ಎಂದು ಮನ್ ಕಿ ಬಾತ್ ನಲ್ಲಿ ಪ್ರಧಾನಿ ಮೋದಿ ಹೇಳಿದ್ದಾರೆ. ಈ ಸಮಯದಲ್ಲಿ, ಅವರು ಅನೇಕ ರಾಜ್ಯಗಳಲ್ಲಿ ತಯಾರಾಗುತ್ತಿರುವ ಸ್ಥಳೀಯ ಉತ್ಪನ್ನಗಳ ಹೆಸರನ್ನು ಸಹ ತೆಗೆದುಕೊಂಡರು. ಕಾರ್ಯಕ್ರಮದಲ್ಲಿ ಪ್ರಧಾನಿಯವರು ಮತ್ತೊಮ್ಮೆ "ಸ್ಥಳೀಯಕ್ಕಾಗಿ ಧ್ವನಿ"(ವೋಕಲ್ ಫಾರ್ ಲೋಕಲ್) ಎಂಬ ಘೋಷಣೆಗೆ ಒತ್ತು ನೀಡಿದರು.
ಇಂದು ದೇಶದ ಚಿಕ್ಕ ಅಂಗಡಿಯವರು ಕೂಡ ಸರ್ಕಾರಕ್ಕೆ ಸರಕುಗಳನ್ನು ಮಾರಾಟ ಮಾಡಬಹುದು, ಅದಕ್ಕಿಂತ ಮೊದಲು ದೊಡ್ಡ ಕಂಪನಿಗಳು ಮಾತ್ರ ಸರ್ಕಾರಗಳಿಗೆ ಮಾರಾಟ ಮಾಡಬಹುದಾಗಿತ್ತು, ಎಂದು ಪ್ರಧಾನಿ ಹೇಳಿದರು. ದೇಶ ಬದಲಾಗುತ್ತಿದೆ, ಹಳೆಯ ವ್ಯವಸ್ಥೆಗಳೂ ಬದಲಾಗುತ್ತಿವೆ ಎಂದು ಪ್ರಧಾನಿ ಹೇಳಿದರು. ಪ್ರಧಾನಿಯವರು ನೀರಿನ ಸಂರಕ್ಷಣೆಯ ಬಗ್ಗೆಯೂ ಮಾತನಾಡಿದರು.
ಭಾರತ ಇಂದು $400 ಬಿಲಿಯನ್ ರಫ್ತು ಗುರಿಯನ್ನು ತಲುಪಿದೆ. ಕನಸುಗಳಿಗಿಂತ ದೊಡ್ಡ ನಿರ್ಣಯಗಳು ಇದ್ದಾಗ ದೇಶವು ಮಹತ್ತರವಾದ ಹೆಜ್ಜೆಗಳನ್ನು ಇಡುತ್ತದೆ, ಎಂದು ಪ್ರಧಾನಿ ಹೇಳಿದರು. ನಿರ್ಣಯಗಳಿಗಾಗಿ ಹಗಲಿರುಳು ಪ್ರಾಮಾಣಿಕ ಪ್ರಯತ್ನಗಳನ್ನು ಮಾಡಲಾಗುತ್ತದೆ, ಆಗ ಆ ನಿರ್ಣಯಗಳು ಖಂಡಿತವಾಗಿಯೂ ಸಾಬೀತಾಗುತ್ತವೆ. ದೇಶದ ಜೊತೆಗೆ ವ್ಯಕ್ತಿಯ ಜೀವನದಲ್ಲಿ ಇದು ಸಂಭವಿಸುತ್ತದೆ, ಎಂದು ಹೇಳಿದರು.
ಇಂದು ಇಡೀ ಜಗತ್ತು ಭಾರತದತ್ತ ಸಾಗುತ್ತಿದೆ. ಇಡೀ ಜಗತ್ತು ಆರೋಗ್ಯಕ್ಕೆ ಸಂಬಂಧಿಸಿದಂತೆ ಭಾರತದ ಯೋಗ ಮತ್ತು ಆಯುರ್ವೇದದತ್ತ ಒಲವು ಹೆಚ್ಚುತ್ತಿದೆ, ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.
126 ವರ್ಷದ ಬಾಬಾ ಶಿವಾನಂದ್ ಅವರ ಸ್ಥೈರ್ಯವನ್ನು ಪ್ರಧಾನಿ ಮೋದಿ ಪ್ರಸ್ತಾಪಿಸಿದರು. ಈ ವಯಸ್ಸಿನಲ್ಲಿ ತುಂಬಾ ಚುರುಕುತನ ನೋಡಿ ಆಶ್ಚರ್ಯವಾಗುತ್ತಿದೆ, ಎಂದು ಪ್ರಧಾನಿ ಹೇಳಿದರು. ಬಾಬಾ ಶಿವಾನಂದರ ಫಿಟ್ನೆಸ್ ಮತ್ತು ಚುರುಕುತನ ಎರಡೂ ಇಂದು ದೇಶದಲ್ಲಿ ಚರ್ಚೆಯ ವಿಷಯವಾಗಿದೆ. ಇದರ ಬೆನ್ನಲ್ಲೇ ಬಾಬಾ ಅವರ ಯೋಗಾಭ್ಯಾಸದ ತಿಳಿಸಿದ ಪ್ರಧಾನಿ ಮೋದಿ ಅವರು, ಬಾಬಾ ಅವರಿಗೆ ದೀರ್ಘಾಯುಷ್ಯ ಸಿಗಲಿ, ಎಂದು ಕೋರಿದರು.
