ರಂಜಾನ್ : ಇಂದು ನಡೆಯಬೇಕಿದ್ದ ಮೈಸೂರು ಕರಾಮುವಿಯ ಎಲ್ಲಾ ಪರೀಕ್ಷೆಗಳನ್ನೂ ಮುಂದೂಡಲಾಗಿದೆ | JANATA NEWS
2934
ತುಮಕೂರು : ಇಂದು 02-05-2022ರಂದು ನಡೆಯಬೇಕಿದ್ದಂತ ಮೈಸೂರು ಕರಾಮುವಿಯ ಸ್ನಾತಕ/ ಸ್ನಾತಕೋತ್ತರ ಪದವಿ ಮತ್ತು ಇನ್ನಿತರ ಡಿಪ್ಲೊಮಾ ಪರೀಕ್ಷೆಗಳನ್ನು ರಂಜಾನ್ ಪ್ರಯುಕ್ತ ಮುಂದೂಡಲಾಗಿ ಎಂದು ವಿಶ್ವವಿದ್ಯಾಲಯ ಪ್ರಕಟಿಸಿದೆ.
ರಾಜ್ಯ ಸರ್ಕಾರದಿಂದ ರಂಜಾನ್ ಹಬ್ಬದ ( Ramzan Festival ) ಪ್ರಯುಕ್ತ ಸಾರ್ವತ್ರಿಕ ರಜೆಯನ್ನು ದಿನಾಂಕ 03-05-2022ಗೆ ನಿಗದಿ ಪಡಿಸಿತ್ತು. ಆದರೆ.. ಮೂನ್ ಕಮಿಟಿಯ ನಿರ್ಧಾರದ ಕಾರಣ, ದಿನಾಂಕ 02-05-2022ಗೆ ಮತ್ತೆ ಬದಲಾವಣೆ ಮಾಡಿದೆ.
ಹೀಗಾಗಿ ದಿನಾಂಕ 02-05-2022ರಂದು ನಡೆಯಬೇಕಿದ್ದಂತ ಮೈಸೂರು ಕರಾಮುವಿಯ ಸ್ನಾತಕ/ ಸ್ನಾತಕೋತ್ತರ ಪದವಿ ಮತ್ತು ಇನ್ನಿತರ ಡಿಪ್ಲೊಮಾ ಪರೀಕ್ಷೆಗಳನ್ನು ಮುಂದೂಡಲಾಗಿದ್ದು, ದಿನಾಂಕ 02-05-2022ರ ಪರಿಷ್ಕೃತ ವೇಳಾಪಟ್ಟಿಯನ್ನು ಕರಾಮುವಿ ಅಧಿಕೃತ ವೆಬ್ಸೈಟ್ www.ksoumysuru.ac.in ನಲ್ಲಿ ಪ್ರಕಟಿಸಲಾಗಿದೆ. ಪರೀಕ್ಷೆ ತೆಗೆದುಕೊಂಡಿರುವ ವಿದ್ಯಾರ್ಥಿಗಳು ತಮ್ಮ ಪರೀಕ್ಷಾ ಕೇಂದ್ರವನ್ನು ಸಂಪರ್ಕಿಸಬಹುದು ಎಂದು ತುಮಕೂರು ಪ್ರಾದೇಶಿಕ ಕೇಂದ್ರದ ನಿರ್ದೇಶಕರಾದ ಡಾ. ಲೋಕೇಶ. ಆರ್ ರ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
