ಹಣ ನೀಡಿದರೆ ಫೇಲ್ ಆದವರಿಗೂ ಸಿಗುತ್ತಿದೆ ಪಾಸಾದ ಮಾರ್ಕ್ಸ್ ಕಾರ್ಡ್ | JANATA NEWS
3163
ಕಲಬುರ್ಗಿ : ಗುಲಬರ್ಗಾ ವಿಶ್ವವಿದ್ಯಾಲಯದಲ್ಲಿ ನಡೆದ ಅಕ್ರಮ ಬಯಲಾಗಿದ್ದು, ಫೇಲ್ ಆದ ವಿದ್ಯಾರ್ಥಿಗಳಿಗೆ ಪಾಸ್ ಆಗಿರುವ ಅಂಕಪಟ್ಟಿ ನೀಡಿರುವುದು ಬೆಳಕಿಗೆ ಬಂದಿದೆ.
ವಿವಿಯ ಸಿಬ್ಬಂದಿಯೊಬ್ಬರು ಮಾರ್ಕ್ಸ್ ಕಾರ್ಡ್ ಫೇಲ್ ಆದಂತ ವಿದ್ಯಾರ್ಥಿಗಳಿಗೆ ನಕಲಿ ಪಾಸ್ ಅಂಕಪಟ್ಟಿಯನ್ನು ನೀಡಿರೋದು ಬೆಳಕಿಗೆ ಬಂದಿದೆ.
ವಿವಿಯ ನಾಗರಾಜ್ ಎಂಬ ವಿದ್ಯಾರ್ಥಿ ಪದವಿ ಪರೀಕ್ಷೆಯಲ್ಲಿ ಅನುತ್ತೀರ್ಣನಾಗಿದ್ದನು. ಮರು ಮೌಲ್ಯಮಾಪನಕ್ಕೆ ಅರ್ಜಿ ಹಾಕಿದ್ದರು. ಈ ವೇಳೆ ಅವರನ್ನು ಸಂಪರ್ಕಿಸಿದಂತ ವಿವಿಯ ಮೌಲ್ಯ ಮಾಪನ ವಿಭಾಗದ ಸಿಬ್ಬಂದಿ ಸಂಜೀವ್ ಎಂಬಾತ 30 ಸಾವಿರ ಹಣ ಪಡೆದು ಪಾಸ್ ನಕಲಿ ಅಂಕಪಟ್ಟಿ ನೀಡಿರೋದು ಗೊತ್ತಾಗಿದೆ.
ಮರು ಮೌಲ್ಯಮಾಪನದಲ್ಲಿ ತಾನು ಪಾಸಾಗಿದ್ದೇನೆ ಅಂತ ವಿದ್ಯಾರ್ಥಿ ಸಂತಸ ಪಟ್ಟಿದ್ದ. ಮುಂದೆ ವಿದ್ಯಾರ್ಥಿ ಎಮ್ಎಸ್ಡಬ್ಲೂ ಪದವಿ ಕೂಡ ಪಡೆದಿದ್ದಾನೆ. ಆದರೆ ವಿವಿಯ ಮೌಲ್ಯಮಾಪನ ವಿಭಾಗದಲ್ಲಿ 5, 6ನೇ ಸೆಮಿಸ್ಟರ್ನ ಅಂಕಪಟ್ಟಿ ನೀಡಲು ಕೇಳಿದಾಗ ಅಕ್ರಮ ಬಯಲಿಗೆ ಬಂದಿದೆ.
English summary :Those who fail to get pass marks card
