45 ಗನ್‌ ಗಳೊಂದಿಗೆ ವಿಯೆಟ್ನಾಂನಿಂದ ಆಗಮಿಸಿದ ಭಾರತೀಯ ದಂಪತಿ | JANATA NEWS
2834
ನವದೆಹಲಿ : ವಿಯೆಟ್ನಾಂನಿಂದ ಆಗಮಿಸಿದ ಭಾರತೀಯ ದಂಪತಿಯನ್ನು ಬಂಧಿಸಲಾಗಿದೆ ಮತ್ತು ಎರಡು ಟ್ರಾಲಿ ಬ್ಯಾಗ್‌ಗಳಿಂದ ಸುಮಾರು 22 ಲಕ್ಷ ರೂಪಾಯಿ ಮೌಲ್ಯದ 45 ಗನ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇದು ದೆಹಲಿಯ ಇಂದಿರಾಗಾಂಧಿ ಅಂತರಾಷ್ಟ್ರೀಯ(ಐಜಿಐ) ವಿಮಾನ ನಿಲ್ದಾಣದಲ್ಲಿ ಇದುವರೆಗೆ ಸಂಭವಿಸಿದ ಅತ್ಯಂತ ಭಯಾನಕ ಪ್ರಕರಣಗಳಲ್ಲಿ ಒಂದಾಗಿದೆ.
ಇದಕ್ಕೂ ಮೊದಲು 12 ಲಕ್ಷಕ್ಕೂ ಹೆಚ್ಚು ಮೌಲ್ಯದ 25 ಗನ್‌ಗಳ ತಮ್ಮ ಕಳ್ಳಸಾಗಣೆಯನ್ನು ಸಹ ಅವರು ಒಪ್ಪಿಕೊಂಡಿದ್ದಾರೆ, ಎಂದು ಕಸ್ಟಮ್ಸ್ ಕಮಿಷನರ್, ಐಜಿಐ ಏರ್‌ಪೋರ್ಟ್ ಮತ್ತು ಜನರಲ್ ಹೇಳಿದ್ದಾರೆ.
ಜಗ್ಜೀತ್ ಸಿಂಗ್ ಮತ್ತು ಅವರ ಪತ್ನಿ ಜಸ್ವಿಂದರ್ ಕೌರ್ ಅವರನ್ನು ಆರೋಪಿಗಳೆಂದು ಹೆಸರಿಸಲಾಯಿತು. ಅಧಿಕಾರಿಗಳ ಪ್ರಕಾರ ರೂ.1.25 ಮಿಲಿಯನ್ ಮೌಲ್ಯದ 25 ಬಂದೂಕುಗಳನ್ನು ಟರ್ಕಿಯಿಂದ ಕಳ್ಳಸಾಗಣೆ ಮಾಡಿರುವುದಾಗಿ ದಂಪತಿಗಳು ಒಪ್ಪಿಕೊಂಡಿದ್ದಾರೆ. ಅವರು ತಮ್ಮ ಚಿಕ್ಕ ಮಗಳೊಂದಿಗೆ ಪ್ರಯಾಣಿಸುತ್ತಿದ್ದರು, ಸಧ್ಯಕ್ಕೆ ಮಗುವನ್ನು ಅಜ್ಜಿಗೆ ಹಸ್ತಾಂತರಿಸಲಾಗಿದೆ.
ಬಂದೂಕುಗಳು ನಿಜವೋ ಅಲ್ಲವೋ ಎಂಬುದನ್ನು ಬ್ಯಾಲಿಸ್ಟಿಕ್ಸ್ ವರದಿ ಖಚಿತಪಡಿಸುತ್ತದೆ. ಆದರೆ ಪ್ರಾಥಮಿಕ ವರದಿಯಲ್ಲಿ ಬಂದೂಕುಗಳು ಸಂಪೂರ್ಣವಾಗಿ ಕಾರ್ಯನಿರ್ವಹಿಸುತ್ತಿದ್ದು, ಅವುಗಳನ್ನು ಬಳಸಬಹುದು ಎಂದು ಎನ್ ಎಸ್ ಜಿ ದೃಢಪಡಿಸಿದೆ.
