ಅಮ್ಮನಾಗುತ್ತಿದ್ದಾರಂತೆ ಅನು ಪ್ರಭಾಕರ್ | Janata news
ಬೆಂಗಳೂರು : ಕಳೆದ ವಾರ ಏಪ್ರಿಲ್ 25 ಎರಡನೇ ವರ್ಷದ ವಿವಾಹ ವಾರ್ಷಿಕೋತ್ಸವ ಸಂಭ್ರಮವನ್ನು ಆಚರಿಸಿದ ಸ್ಯಾಂಡಲ್ವುಡ್ ನ ಅಂದದ ಚೆಲುವೆ ನಟಿ ಅನು ಪ್ರಭಾಕರ್ ಮತ್ತು ನಟ ಹಾಗು ಮಾಡೆಲ್ ರಘು ಮುಖರ್ಜಿ 2016ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಈಗ ಅನು ಪ್ರಭಾಕರ್ ಮತ್ತು ರಘು ಮುಖರ್ಜಿ ದಂಪತಿ ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಈ ಸಿಹಿ ಸುದ್ದಿಯನ್ನು ರಘು ಮುಖರ್ಜಿ ಸಂತೋಷ ಹಂಚಿಕೊಂಡಿದ್ದಾರೆ. ಅನು ಮತ್ತು ರಘು ಅವರ ಮನೆಗೆ ಮೂರನೇ ವ್ಯಕ್ತಿ ಮುದ್ದು ಕಂದಮ್ಮನ ಆಗಮನವಾಗುತ್ತಿದೆ.
ಚೊಚ್ಚಲ ಮಗುವನ್ನ ಬರಮಾಡಿಕೊಳ್ಳಲು ತಾರಾ ದಂಪತಿ ಭರದಿಂದ ಸಿದ್ಧತೆ ನಡೆಸಿದ್ದಾರೆ. ಈಗಾಗಲೇ ನಟಿಯಾಗಿ ಪತ್ನಿಯಾಗಿ ವಿವಿಧ ಹೊಣೆಗಳನ್ನು ಸಮರ್ಥವಾಗಿ ನಿರ್ವಹಿಸಿದ ಪತ್ನಿ ಅನು, ಈಗ ಮತ್ತೊಂದು ಹಂತಕ್ಕೆ ಕಾಲಿಡುತ್ತಿದ್ದು ಅದ್ಭುತ ತಾಯಿಯಾಗಲು ಸಿದ್ಧವಾಗುತ್ತಿದ್ದಾರೆ ಎಂದು ಪತ್ನಿಯ ಫೋಟೋ ಹಂಚಿಕೊಂಡು, ಮನಸಾರೆ ಪತ್ನಿಯನ್ನು ಕೊಂಡಾಡಿದ್ದಾರೆ ಪತಿ ರಘು.