ಹೊಸ ವರ್ಷದ ಪಾರ್ಟಿ ವೇಳೆ 3ನೇ ಮಹಡಿಯಿಂದ ಬಿದ್ದು ಯುವಕ ಸಾವು | JANATA NEWS
ಬೆಂಗಳೂರು : ಕುಡಿದ ಅಮಲಿನಲ್ಲಿ 3ನೇ ಮಹಡಿಯಿಂದ ಬಿದ್ದು ಯುವಕ ಮೃತಪಟ್ಟ ಘಟನೆ ಬೆಂಗಳೂರಿನ ಕೊಟ್ಟಿಗೆಪಾಳ್ಯದಲ್ಲಿ ನಡೆದಿದೆ.
ಒಡಿಶಾ ಮೂಲದ ಬಾಪಿ ಮೃತ ಯುವಕ. ಬಾಪಿ ಎಂಬ ಯುವಕ ಒಂದು ಕಟ್ಟಡದಿಂದ ಮತ್ತೊಂದು ಕಟ್ಟಡಕ್ಕೆ ದಾಟಲು ಯತ್ನಿಸಿ ಕಟ್ಟಡದ 3ನೇ ಫ್ಲೋರ್ನಿಂದ ಕೆಳಗೆ ಬಿದ್ದು ಸಾವನ್ನಪ್ಪಿದ್ದಾನೆ.
ಬಾಪಿ ಕಾಟನ್ಬಾಕ್ಸ್ ಸಿದ್ಧಪಡಿಸುವ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದರು. ರಾತ್ರಿ ನ್ಯೂ ಇಯರ್ ಸಂಭ್ರಮಾಚರಣೆ ಹಿನ್ನೆಲೆಯಲ್ಲಿ ಮದ್ಯಪಾನ ಸೇವನೆ ಮಾಡಿದ್ದ. ವರ್ಷದ ಪಾರ್ಟಿ ಮಾಡಿದ ಯುವಕರು ಎರಡು ಕಟ್ಟಡಗಳ ನಡುವೆ ಹೋಗಿ ಬರಲು ಕಿಟಕಿ ಹೊಡೆದು ದಾರಿ ಮಾಡಿಕೊಂಡು, ಆ ಕಿಟಕಿಯ ಮೂಲಕವೇ ನಿನ್ನೆ ಕಟ್ಟಡದ ಟೆರೇಸ್ ಮೇಲೆ ಕೇಕ್ ಕತ್ತರಿಸಲು ಹೋಗಿದ್ದರು.
ಮಲಿನಲ್ಲಿಯೇ ಒಂದು ಕಟ್ಟಡದಿಂದ ಮತ್ತೊಂದು ಕಟ್ಟಡಕ್ಕೆ ಜಂಪ್ ಮಾಡಲು ಯತ್ನಿಸಿದ್ದಾನೆ. ಜಂಪ್ ಮಾಡುವಾಗ ಯುವಕ ಬಾಪಿ ಆಯತಪ್ಪಿ 3ನೇ ಮಹಡಿಯಿಂದ ಕೆಳಗೆ ಬಿದ್ದು, ಮೃತಪಟ್ಟಿದ್ದಾನೆ.
ಕಾಮಾಕ್ಷಿಪಾಳ್ಯ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.