ಇಬ್ಬರು ಸಲಿಂಗಕಾಮಿಗಳು, ಒಬ್ಬ ವ್ಯಕಿ ಬೇರೆ ಹುಡುಗಿ ಮದುವೆಯಾಗಿದ್ದಕ್ಕೆ ಕೊಲೆ! | JANATA NEWS
ಬೆಂಗಳೂರು : ಸಲಿಂಗಕಾಮಿಗಳ ನಡುವೆ ಗಲಾಟೆಯಾಗಿ ಒಬ್ಬನ ಕೊಲೆಯಲ್ಲಿ ಜಗಳ ಅಂತ್ಯವಾಗಿರುವ ಘಟನೆ ಬೆಂಗಳೂರಿನ ಚಂದ್ರಲೇಔಟ್ನಲ್ಲಿ ನಡೆದಿದೆ.
ಲಿಯಾಕತ್ ಅಲಿಖಾನ್ ಕೊಲೆಯಾದ ವ್ಯಕ್ತಿ. ಇಲಿಯಾಸ್ ಕೊಲೆ ಮಾಡಿದ ಆರೋಪಿ. ಕೊಲೆಗೆ ಹೋಮೋ ಸೆಕ್ಸ್ ಕಾರಣ ಎಂಬ ಅಂಶ ಪೊಲೀಸರ ತನಿಖೆಯಲ್ಲಿ ಬಯಲಾಗಿದೆ.
ಕಳೆದ ಎರಡು ವರ್ಷಗಳಿಂದ ಲಿಯಾಕತ್ ಮತ್ತು ಇಲಿಯಾಸ್ ಹೋಮೊ ಸೆಕ್ಸ್ ಸಂಬಂಧದಲ್ಲಿದ್ರು. ಕೊಲೆಯಾದ ಎರಡು ದಿನಗಳ ಹಿಂದಷ್ಟೆ ಯುವತಿಯೊಬ್ಬಳ ಜೊತೆ ಲಿಯಾಕತ್ ಎರಡನೇ ಮದುವೆಯಾಗಿದ್ದ. ಇದಕ್ಕೂ ಮೊದಲು ಲಿಯಾಕತ್ ಇಲಿಯಾಸ್ಗೆ ನಡೆದಿದ್ದ ಎಂಗೇಜ್ಮೆಂಟ್ ಕ್ಯಾನ್ಸಲ್ ಮಾಡಿಸಿದ್ದ.
ಇತ್ತೀಚೆಗೆ ಇಲಿಯಾಸ್ಗೆ ಮನೆಯಲ್ಲಿ ಹುಡುಗಿ ಹುಡುಕುತ್ತಿದ್ದರು. ತನ್ನ ಸಲಿಂಗಕಾಮದ ಬಗ್ಗೆ ಮನೆಯವರಿಗೆ ಗೊತ್ತಾದರೆ ಏನು ಗತಿ ಎಂದು ಇಲಿಯಾಸ್ ಚಿಂತೆಯಲ್ಲಿದ್ದ.
ಲಿಯಾಕತ್ಗೆ ಮದುವೆ ಬೇಡ ಅಂತ ಇಲಿಯಾಸ್ ಹೇಳಿದರೂ ಸಹ ಇಲಿಯಾಸ್ ಮಾತು ಕೇಳದೇ ಲಿಯಾಕತ್ ಮದುವೆಯಾಗಿದ್ದ. ಇದರಿಂದ ರೊಚ್ಚಿಗೆದ್ದಿದ್ದ ಇಲಿಯಾಸ್ ಮದುವೆಯಾದ ಎರಡೇ ದಿನಕ್ಕೆ ಲಿಯಾಕತ್ನನ್ನು ತನ್ನದೆ ಮನೆಯಲ್ಲಿ ಹೋಮೋಸೆಕ್ಸ್ ಗೆ ಆಹ್ವಾನಿಸಿದ್ದ.
ಕೊಲೆಯಾಗುವ ಸಮಯದಲ್ಲೂ ಇಬ್ಬರೂ ಹೋಮೋ ಸೆಕ್ಸ್ ನಡೆಸಿದ್ದರು. ಈ ವೇಳೆ ನನ್ನ ಭವಿಷ್ಯವೇನೂ ಎಂದು ಇಲಿಯಾಸ್ ಲಿಯಾಕತ್ ಬಳಿ ಗಲಾಟೆ ಶುರುಮಾಡಿದ್ದ. ಈ ಗಲಾಟೆ ವಿಕೋಪಕ್ಕೆ ತಿರುಗಿ ನನಗೆ ಮೋಸ ಮಾಡ್ತೀಯಾ ಎಂದು ಸುತ್ತಿಗೆಯಿಂದ ಲಿಯಾಕತ್ ತಲೆಗೆ ಹೊಡೆದು ಕತ್ತರಿಯಿಂದ ಚುಚ್ಚಿ ಕೊಲೆ ಮಾಡಿ ಇಲಿಯಾಸ್ ಎಸ್ಕೆಪ್ ಆಗಿದ್ದ. ಆರೋಪಿ ಇಲಿಯಾಸ್ನನ್ನು ಪೊಲೀಸರು ಬಂಧಿಸಿದ್ದಾರೆ.