ಹುಡುಗಿಯ ಜೊತೆಗೆ ಪಾರ್ಟಿ ಮಾಡಲು ಬಾರ್ನಲ್ಲಿ ಲಾಂಗ್ ಬೀಸಿದ ರೌಡಿಶೀಟರ್ಗಳು, ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆ | JANATA NEWS
ಬೆಂಗಳೂರು : ಹುಡುಗಿಯ ಜೊತೆಗೆ ಪಾರ್ಟಿ ಮಾಡಲು ಬಾರ್ಗೆ ಬಂದು ಬಳಿಕ ಲಾಂಗ್ ಬೀಸಿ ಸಿಬ್ಬಂದಿ ಮೇಲೆ ಹಲ್ಲೆ ಮಾಡಿರುವ ಘಟನೆ ಆಡುಗೋಡಿಯಲ್ಲಿ ನಡೆದಿದೆ.
ಬೇರೆಡೆ ಪಾರ್ಟಿ ಮಾಡಿ ಮದ್ಯ ಖಾಲಿ ಎಂದು ಎಂಆರ್ಪಿ ಬಾರ್ಗೆ ಬಂದಿದ್ದವರಿಂದ ಗ್ಯಾಂಗ್ ವಾರ್ ನಡೆಸಿದ್ದಾರೆ.
ಯುವತಿ ಸ್ಪಾನಲ್ಲಿ ಕೆಲಸ ಮಾಡುತ್ತಿದ್ದು, ಗ್ಯಾಂಗ್ ಯುವತಿಯನ್ನ ಕರೆದುಕೊಂಡು ಪಾರ್ಟಿ ಮಾಡಲೆಂದು ಬಾರ್ಗೆ ಬಂದಿದ್ದಾರೆ. ಈ ವೇಳೆ ಕಿರಿಕ್ ನಡೆದಿದ್ದು, ಲಾಂಗ್ ಬೀಸಿ ರೌಡಿಶೀಟರ್ ಬೆದರಿಸಿದ್ದಾನೆ.
ಲಾಂಗ್ ಬೀಸಿರುವ ಅಸ್ಥಾಬ್ ಮತ್ತು ಯುವತಿ ಮೀಷೋ ಇಬ್ಬರೂ ಪ್ರೇಮಿಗಳಾಗಿದ್ದು ಇಬ್ಬರೂ ಉತ್ತರ ಪ್ರದೇಶದ ಮೂಲದವರು ಎಂದು ತಿಳಿದುಬಂದಿದೆ. ಯುವತಿ ಮೀಷೋ ಬರ್ತ್ ಡೇ ಹಿನ್ನಲೆ ಕೋರಮಂಗಲ ಬಳಿ ಪಾರ್ಟಿ ಮಾಡಿದ್ದರು. ಇವರ ಜತೆ ರೌಡಿಶೀಟರ್ಗಳೂ ಪಾರ್ಟಿಗೆ ಹೋಗಿದ್ದರು.
ಬಾರ್ನಲ್ಲಿ ದಾಂಧಲೆ ಮಾಡಿದ್ದ ಗ್ಯಾಂಗ್ನಲ್ಲಿ ರೌಡಿ ಶೀಟರ್ ಸಂತೋಷ್@ ರೋಸಿ, ರಾಮಾಂಜಿ ಮುಂತಾದವರು ಇದ್ದರು. ಪ್ರೇಮಿಗಳಿಬ್ಬರ ಬರ್ತ್ ಡೇ ಪಾರ್ಟಿಯಲ್ಲಿ ಎಣ್ಣೆ ಖಾಲಿಯಾಗಿತ್ತು. ಹೀಗಾಗಿ ನೀಲಾ ಬಾರ್ಗೆ ಆರೋಪಿಗಳು ಬಂದಿದ್ದರು ಎನ್ನಲಾಗಿದೆ. ಈ ಸಂದರ್ಭ ಅವರು ಒಂದು ಕೇಸ್ ಬಿಯರ್ ಆರ್ಡರ್ ಮಾಡಿದ್ದು ಈ ವೇಳೆ ಯುವತಿ ಮಿಷೋ ಅಡ್ಡ ನಿಂತಿದ್ದಳು.
ಆಗ 'ಸ್ವಲ್ಪ ಸೈಡ್ಗೆ ಬನ್ನಿ' ಅಂದಿದಕ್ಕೆ ಕಿರಿಕ್ ಶುರುವಾಗಿದೆ. ಇದನ್ನು ತಪ್ಪಾಗಿ ಅರ್ಥಸಿಕೊಂಡ ಯುವತಿ ಬಾರ್ ನೌಕರರ ಮೇಲೆ ಗರಂ ಆಗಿದ್ದಾಳೆ. ಈ ವೇಳೆ ಬಾರ್ನ ನೌಕರರು ಹಾಗೂ ಗ್ಯಾಂಗ್ನ ನಡುವೆ ಜಗಳ ಉಂಟಾಗಿದ್ದು ಅಷ್ಟಕ್ಕೇ ನಶೆಯಲ್ಲಿದ್ದ ರೌಡಿಶೀಟರ್ ಸಂತೋಷ್ ಲಾಂಗ್ ತಂದು ಬಾರ್ ಸಿಬ್ಬಂದಿ ಮೇಲೆ ದರ್ಪ ತೋರಿಸಿದ್ದಾನೆ.
ಲಾಂಗ್ ಬೀಸಿ ಬಾರಿನಲ್ಲಿದ್ದ ವಸ್ತುಗಳನ್ನ ಸಂತೋಷ್ ಪುಡಿ ಮಾಡಿದ್ದಾನೆ. ಅಲ್ಲಿದ್ದ ಯಶ್ವಂತ್, ಪ್ರಸನ್ನ, ಮಂಜುನಾಥ್ ಎಂಬುವರ ಮೇಲೆ ಇ ರೌಡಿಶೀಟರ್ ಹಲ್ಲೆ ನಡೆಸಿದ್ದಾನೆ. ಸದ್ಯಕ್ಕೆ ರೌಡಿಶೀಟರ್ಗಳನ್ನ ಪೊಲೀಸರು ಬಂಧಿಸಿದ್ದಾರೆ.