ಬಿಹಾರ ತೂಗು ಸೇತುವೆ ನೀರುಪಾಲು : ಸೇತುವೆಯನ್ನು ಬಿಜೆಪಿಯವರು ಕೆಡವಿದ್ದಾರೆ - ಸಚಿವ ತೇಜ್ ಪ್ರತಾಪ್ ಯಾದವ್ | JANATA NEWS
1394
ಪಾಟ್ನಾ : ಸೇತುವೆಯನ್ನು ಬಿಜೆಪಿಯವರು ಕೆಡವಿದ್ದಾರೆ. ನಾವು ಸೇತುವೆಯನ್ನು ನಿರ್ಮಿಸುತ್ತಿದ್ದೇವೆ ಮತ್ತು ಅವರು ಅದನ್ನು ಕೆಡವುತ್ತಿದ್ದಾರೆ" ಎಂದು ಬಿಹಾರದ ಭಾಗಲ್ಪುರದಲ್ಲಿ ಆಗುವನಿ-ಸುಲ್ತಂಗಂಜ್ ಸೇತುವೆಯ ಕುಸಿತದ ಬಗ್ಗೆ ಬಿಹಾರ ಸಚಿವ ತೇಜ್ ಪ್ರತಾಪ್ ಯಾದವ್ ಹೇಳಿದ್ದಾರೆ.
ಬಿಹಾರದ ಭಾಗಲ್ಪುರದಲ್ಲಿ ಆಗುವನಿ-ಸುಲ್ತಂಗಂಜ್ ಸೇತುವೆ ಕುಸಿತಕ್ಕೆ ಜೆಡಿಯು-ಆರ್‌ಜೆಡಿ ಸರ್ಕಾರವನ್ನು ನಿನ್ನೆ ಬಿಜೆಪಿ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲಾ ದೂಷಿಸಿದ್ದಾರೆ, "ನಿತೀಶ್ ಕುಮಾರ್ 'ಸುಶಾಸನ್ ಬಾಬು'ನಿಂದ 'ಭ್ರಷ್ಟಾಚಾರಿ ಮತ್ತು ಕುಶಾಶನ್'ಗೆ ಹೇಗೆ ಪರಿವರ್ತನೆಯಾಗಿದ್ದಾರೆ ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ.
ಮಾಧ್ಯಮಗಳಿಗೆ ಉತ್ತರಿಸಿದ ಬಿಹಾರ ಉಪ ಮುಖ್ಯಮಂತ್ರಿ ತೇಜಸ್ವಿ ಯಾದವ್, "ತನಿಖೆ ನಡೆಯಬೇಕು, ಸೇತುವೆಗೆ ಏನಾಯಿತು ಎಂದು ತಿಳಿದಿಲ್ಲ, ಯಾರದೋ ಕೆಟ್ಟ ಕಣ್ಣು ಸೇತುವೆಯ ಮೇಲೆ ಪರಿಣಾಮ ಬೀರಿದೆ" ಎಂದು ಹೇಳಿದರು.
ನಂತರ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ತೇಜಸ್ವಿ ಯಾದವ್, "ರಚನಾತ್ಮಕ ಸಮಸ್ಯೆಗಳ ವರದಿಯಿಂದಾಗಿ ಸೇತುವೆಯನ್ನು ಕೆಡವಲು ಸರ್ಕಾರ ಈಗಾಗಲೇ ಯೋಜಿಸುತ್ತಿದೆ" ಎಂದು ಹೇಳಿದರು.
