ಟೊಮೆಟೋ ಬೆಲೆ ಶತಕ, ಟೊಮೆಟೊ ತುಂಬಿದ್ದ ವಾಹನ ಕಳವು | JANATA NEWS
1661
ಬೆಂಗಳೂರು : ಬೆಲೆಯಂತೂ ಪೆಟ್ರೋಲ್ ದರಕ್ಕಿಂತಲೂ ದುಬಾರಿಯಾಗಿದೆ ಟೊಮೆಟೊ. ಬೆಂಗಳೂರಿನಲ್ಲಿ ಟೊಮೆಟೋ ತುಂಬಿದ್ದಂತ ರೈತರೊಬ್ಬರ ವಾಹನವನ್ನು ಕದ್ದು ಪರಾರಿಯಾಗಿರುವ ಘಟನೆ ನಡೆದಿದೆ.
ಪ್ರತಿ ಕೇಜಿಗೆ 110 ರೂ. ಆಗಿದೆ. ಸುಮಾರು 2 ಸಾವಿರ ಕೆಜಿಗೂ ಹೆಚ್ಚು ಟೊಮೆಟೊ ಇದ್ದ ಬೊಲೆರೋ ವಾಹನವನ್ನೇ ಖದೀಮರು ಕದ್ದಿದ್ದಾರೆ.
ಬೆಂಗಳೂರಿನ ಯಲಹಂಕ ಬಳಿಯ ಚಿಕ್ಕಜಾಲ ಗ್ರಾಮದ ಬಳಿ ಘಟನೆ ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ.
ಜುಲೈ.8ರಂದು ಹಿರಿಯೂರಿನಿಂದ ರೈತನೊಬ್ಬ ಕೋಲಾರಕ್ಕೆ ಟೊಮೆಟೋವನ್ನು ಬುಲೆರೋ ವಾಹನದಲ್ಲಿ ತುಂಬಿಕೊಂಡು ಬಂದಿದ್ದನು. ಈ ವಾಹನವನ್ನು ಹಿಂಬಾಲಿಸಿ ಕಾರಿನಲ್ಲಿ ಬಂದಿದ್ದಂತ ಮೂವರು, ಬುಲೆರೋ ವಾಹನ ಡಿಕ್ಕಿಯಾಗಿದೆ, ನಿಲ್ಲಿಸುವಂತೆ ಆರ್ ಎಂ ಸಿ ಯಾರ್ಡ್ ಬಳಿಯಲ್ಲಿ ತಡೆದು ನಿಲ್ಲಿಸಿದ್ದಾರೆ.
ನಿಮ್ಮ ವಾಹನ ನಮ್ಮ ಕಾರಿಗೆ ಡಿಕ್ಕಿಯಾಗಿದೆ. ಇದಕ್ಕೆ ಪರಿಹಾರವಾಗಿ ಹಣ ಕೊಡುವಂತೆ ಡ್ರೈವರ್, ರೈತನಿಗೆ ಅವಾಜ್ ಹಾಕಿದ್ದಾರೆ. ಅವರ ನಾಟಕದಿಂದ ಭಯಗೊಂಡಂತ ಇಬ್ಬರು ನಮ್ಮ ಬಳಿ ಹಣವಿಲ್ಲ ಎಂದಾಗ ಆನ್ ಲೈನ್ ನಲ್ಲಿ ಹಾಕುವಂತೆ ಹೇಳಿದ್ದಾರೆ.
ಹಣ ಇಲ್ಲ ಎಂದಾಗ ಮೊಬೈಲ್ನಲ್ಲಿದ್ದ ಹಣ ಟ್ರಾನ್ಸಫರ್ ಮಾಡಿ ಎಂದು ಹಣ ದೋಚಿದ್ದಾರೆ. ನಂತರ ಬೊಲೊರೋದಲ್ಲಿದ್ದ ಟೊಮೆಟೊ ನೋಡಿದ್ದಾರೆ. ನಂತರ ಬೊಲೊರೋ ಸಮೇತ ರೈತ ಮತ್ತು ಡ್ರೈವರ್ನನ್ನು ಕರೆದುಕೊಂಡು ಚಿಕ್ಕಜಾಲ ತನಕ ಹೋಗಿದ್ದಾರೆ. ಚಿಕ್ಕಜಾಲ ಬಳಿ ರೈತನನ್ನು ಬಿಟ್ಟು ಡ್ರೈವರ್ ಮತ್ತು ಟೊಮೆಟೊ ತುಂಬಿದ್ದ ವಾಹನ ಸಮೇತ ಎಸ್ಕೇಪ್ ಆಗಿದ್ದಾರೆ.
ಸದ್ಯ ಘಟನೆ ಸಂಬಂಧ ಆರ್ಎಮ್ಸಿ ಯಾರ್ಡ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
