ಮೈ ನೇಮ್ ಈಸ್ ಕಿರಾತಕ - ಯಶ್ | Janata news
ಬೆಂಗಳೂರು : ವರಮಹಾಲಕ್ಷ್ಮೀ ಹಬ್ಬ ಅಂದರೆ ಆಗಸ್ಟ್ 24ಕ್ಕೆ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಮುಂದಿನ ಚಿತ್ರ ಕಿರಾತಕ 2 ಸೆಟ್ಟೇರುತ್ತೆ ಅನ್ನೋದು ಸುದ್ದಿಯಾಗಿತ್ತು. 2011 ರಲ್ಲಿ ಬಿಡುಗಡೆಯಾಗಿದ್ದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕಿರಾತಕ ಸಿನಿಮಾವನ್ನು ಪ್ರದೀಪ್ ರಾಜ್ ನಿರ್ದೇಶಿಸಿದ್ದರು. ಈ ಸಿನಿಮಾವನ್ನು ರ್ಯಾಂಬೋ 2 ಸಿನಿಮಾ ನಿರ್ದೇಶಿಸಿದ್ದ ಅನಿಲ್ ಕುಮಾರ್ ನಿರ್ದೇಶಿಸಲು ಹೊರಟಿದ್ದರು, ಆದರೆ ಟೈಟಲ್ ಹಕ್ಕು ನನ್ನ ಬಳಿ ಇದೆ. ಮತ್ತೊಬ್ಬರು ನಿರ್ದೇಶಕರು ಈ ಟೈಟಲ್ ಬಳಸಿಕೊಳ್ಳಲು ನನ್ನ ಅನುಮತಿ ಇಲ್ಲ ಎಂದು ಪ್ರದೀಪ್ ರಾಜ್ ಹೇಳಿದ್ದರು.
ಈ ವಿವಾದಕ್ಕೆ ಈಗ ಫುಲ್ಸ್ಟಾಪ್ ಬಿದ್ದಿದೆ. ಆಗಸ್ಟ್ 27 ಕ್ಕೆ ಯಶ್ ಮುಂದಿನ ಚಿತ್ರ ಸೆಟ್ಟೇರೋಕೆ ವೇಳೆ ನಿಗದಿಯಾಗಿದ್ದು, ಚಿತ್ರದ ಶೀರ್ಷಿಕೆ ಮೈ ನೇಮ್ ಈಸ್ ಕಿರಾತಕ ಎಂಬುದಾಗಿದೆ. ಮೈಸೂರಿನಲ್ಲಿ ಶೂಟಿಂಗ್ ನಡೆಯುಲಿದ್ದು, ಅಲ್ಲೇ ಸರಳವಾಗಿ ಮುಹೂರ್ತ ನೆರವೇರಿಸಿ ಚಿತ್ರೀಕರಣಕ್ಕೆ ಚಿತ್ರತಂಡ ಚಾಲನೆ ಕೊಡಲಿದೆ ಎನ್ನಲಾಗಿದೆ. ಮೈ ನೇಮ್ ಈಸ್ ಕಿರಾತಕ ಚಿತ್ರ ಜಯಣ್ಣ ಫಿಲಂಸ್ ನಲ್ಲಿ ನಿರ್ಮಾಣವಾಗುತ್ತಿದೆ.
ಸೂಚನೆ : ಮೇಲಿನ ಮಾಹಿತಿಗಳನ್ನು ನಮ್ಮ ಅನುಮೋದನೆ ಇಲ್ಲದೆ ಕಾಪಿ ಮಾಡುವುದು ಅಥವಾ ಮರುಪ್ರಕಟಣೆ ಮಾಡುವುದು ಕ್ರಿಮಿನಲ್ ಅಪರಾಧವಾಗಿದ್ದು, ಬೆಂಗಳೂರು ಕೋರ್ಟನಲ್ಲಿ ತಕ್ಕ ಕಾನೂನು ಕ್ರಮ ಕೈಗೊಳ್ಳಲಾಗುವುದು.