ಚಾರ್ಜ್ ಮಾಡುತ್ತಿದ್ದಾಗ ಹೊತ್ತಿ ಉರಿದು ಎಲೆಕ್ಟ್ರಿಕ್ ಕಾರು ಭಸ್ಮ! | Janata news
ಬಾಗಲಕೋಟೆ : ಎಲೆಕ್ಟ್ರಿಕ್ ಕಾರ್ ಚಾರ್ಜ್ ಮಾಡುತ್ತಿದ್ದ ಸಮಯದಲ್ಲಿ ಕಾರೊಂದಕ್ಕೆ ಬೆಂಕಿ ಹತ್ತಿ ಭಸ್ಮವಾದ ಘಟನೆ ಬಾಗಲಕೋಟೆ ನಗರದಲ್ಲಿ ನಡೆದಿದೆ.
ನವನಗರದ 38 ನೇ ಸೆಕ್ಟರ್ ನಲ್ಲಿ ಚಾರ್ಜ್ ಹಾಕಿದಾಗ ಶಾರ್ಟ್ ಸರ್ಕ್ಯೂಟ್ ನಿಂದ ಅವಘಡ ನಡೆದಿದ್ದು, ಎಲೆಕ್ಟ್ರಿಕ್ ಕಾರಿನ ಬೆಂಕಿಯಿಂದಾಗಿ ಪಕ್ಕದಲ್ಲಿ ನಿಲ್ಲಿಸಲಾಗಿದ್ದ ಮತ್ತೊಂದು ಕಾರು ಹೊತ್ತಿ ಉರಿದ ಘಟನೆ ನಡೆದಿದೆ.
ಇಸಾಕ್ ದಾಂಡಿಯಾ ಎಂಬುವವರ ಇಲೆಕ್ಟ್ರಿಕ್ ಕಾರ್ ಅನ್ನು ದಿನದಂತೆ ಚಾರ್ಜ್ ಮಾಡಲು ಪಿನ್ ಹಾಕಿದ್ದಾರೆ. ಆಗ ಶಾರ್ಟ್ ಸರ್ಕ್ಯೂಟ್ ಆಗಿ ಬೆಂಕಿ ಹೊತ್ತಿಕೊಂಡಿದೆ. ಅದರ ಪಕ್ಕದಲ್ಲಿಯೇ ಇನ್ನೊಂದು ಇಂಡಿಗೊ ಕಾರಿಗೂ ಸಹ ಬೆಂಕಿ ತಗುಲಿ ಅದು ಸಹ ಸುಟ್ಟು ಹೋಗಿದೆ. ಘಟನೆಯಲ್ಲಿ ಮನೆಯ ಗೇಟ್ ಕೂಡ ಬೆಂಕಿಗಾಹುತಿಯಾಗಿದೆ. ತಕ್ಷಣ ಸ್ಥಳೀಯರು ಬೆಂಕಿ ನಂದಿಸಲು ಪ್ರಯತ್ನಿಸಿದ್ದಾರೆ. ನಂತರ ಅಗ್ನಿಶಾಮದ ದಳದವರು ಬಂದು ಬೆಂಕಿಯನ್ನು ನಂದಿಸಿದ್ದಾರೆ.