ವಂಡರ್ ಲಾನಲ್ಲಿ ಮಗುಚಿದ ಯಂತ್ರ : ಅವಘಡದ ವೀಡಿಯೊ ವೈರಲ್ | Janata news
ಬೆಂಗಳೂರು : ಅಮುಸೆಮೆಂಟ್ ಪಾರ್ಕ್ ನಲ್ಲಿ ಆಟವಾಡುವಾಗ ಆಟದ ಯಂತ್ರವೊಂದು ಮುಗುಚಿ ಬಿದ್ದು ಹಲವರಿಗೆ ಗಾಯವಾದ ಘಟನೆ ಬೆಂಗಳೂರುರಿನ ಬಿಡದಿ ಸಮೀಪ ವಿರುವ ವಂಡರ್ಲಾನಲ್ಲಿ ನಡೆದಿದೆ ಎನ್ನಲಾಗಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಯುವಕರ ನರಳಾಟದ ವೀಡಿಯೊ ಸಾಕಷ್ಟು ವೈರಲ್ ಆಗಿದೆ. ಅವಘಡಕ್ಕೆ ನಿರ್ವಹಣೆಯಲ್ಲಿನ ಲೋಪದೋಷ ಕಾರಣ ಇರಬಹುದೆಂದು ಮೇಲ್ನೋಟಕ್ಕೆ ತಿಳಿದುಬಂದಿದೆ.
ಹೆಚ್ಚಾಗಿ ಯುವ ಜನತೆ ಇಷ್ಟ ಪಡುವ ಅಮುಸೆಮೆಂಟ್ ಪಾರ್ಕ್ ಗಳಲ್ಲಿ ಒಂದಾಗಿರುವ ವಂಡರ್ ಲಾ ನಲ್ಲಿ ಅವಘಡ ಸಂಭವಿಸಿದೆ ಎಂದು ಹೇಳಲಾಗಿದ್ದು, ರೋಲರ್ನಲ್ಲಿ ಆಟವಾಡುತ್ತಿರುವಾಗ, ಯಂತ್ರ ತಿರುಗುವ ವೇಳೆ ರೋಲರ್ ಮಗುಚಿದೆ. ಈ ವೇಳೆ ಐವರು ಯುವಕರ ಕಾಲು ರೋಲರ್ನಡಿ ಸಿಲುಕಿದ್ದು, ಕೆಲವು ನಿಮಿಷಗಳ ಕಾಲ ಯುವಕರು ನರಳಾಡುವಂತಾಗಿದ್ದು ವೀಡಿಯೊದಲ್ಲಿ ಕಂಡುಬಂದಿದೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.