ಬಾಲಿವುಡ್ ತಾರೆಯರನ್ನು ಭೇಟಿಮಾಡಿದ ಪ್ರಧಾನಿ ಮೋದಿ | Janata news

ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿಯವರ ಆಹ್ವಾನದ ಮೇರೆಗೆ ಅನೇಕ ಬಾಲಿವುಡ್ ತಾರೆಯರು ರಾಷ್ಟ್ರ ರಾಜಧಾನಿಗೆ ತೆರೆಳಿದ ಕಾರಣ ಶನಿವಾರ ಹಿಂದಿ ಚಲನಚಿತ್ರೋದ್ಯಮದ ಒಂದು ದೊಡ್ಡ ತಾರೆಯರ ಸಮಾಗಮವಾಗಿದೆ.
ಮಹಾತ್ಮ ಗಾಂಧಿಯವರ 150 ನೇ ಜನ್ಮ ದಿನಾಚರಣೆಯ ನಿಮಿತ್ತ ಪಿಎಂ ಮೋದಿ ಆಯೋಜಿಸಿದ್ದ ಈ ಕಾರ್ಯಕ್ರಮವು ನವದೆಹಲಿಯ ಲೋಕ ಕಲ್ಯಾಣ್ ಮಾರ್ಗದಲ್ಲಿರುವ ಅವರ ನಿವಾಸದಲ್ಲಿ ನಡೆಯಿತು. ಈ ಸಂದರ್ಭದಲ್ಲಿ ಪ್ರಧಾನಿ ಅವರು ಗಾಂಧಿಯವರ ಆದರ್ಶಗಳನ್ನು ಮಾಧ್ಯಮದ ಮೂಲಕ ಜನಪ್ರಿಯಗೊಳಿಸುವ ಕುರಿತು ಸಾಂಸೃತಿಕ ಮತ್ತು ಮನರಂಜನಾ ಜಗತ್ತಿನ ಸದಸ್ಯರೊಂದಿಗೆ ಸಂವಹನ ನಡೆಸಿದರು.

ಜನಪ್ರಿಯ ಬಾಲಿವುಡ್ ತಾರೆಯರಾದ ಜಾಕಿ ಶ್ರಾಫ್, ಶಾರುಖ್ ಖಾನ್, ಅಮೀರ್ ಖಾನ್, ಕಂಗನಾ ರನೌತ್, ಸೋನಮ್ ಕಪೂರ್, ರಕುಲ್ ಪ್ರೀತ್ ಸಿಂಗ್, ಜಾಕ್ವೆಲಿನ್ ಫರ್ನಾಂಡೀಸ್, ಕಪಿಲ್ ಶರ್ಮಾ ಮುಂತಾದ ನಟರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಚಿತ್ರ ನಿರ್ಮಾಪಕರಾದ ಏಕ್ತಾ ಕಪೂರ್, ರಾಜ್‌ಕುಮಾರ್ ಹಿರಾನಿ, ಇಮ್ತಿಯಾಜ್ ಅಲಿ, ಬೋನಿ ಕಪೂರ್ ಮತ್ತು ಅನುರಾಗ್ ಬಸು ಉಪಸ್ಥಿತರಿದ್ದರು.