5 ವರ್ಷದಿಂದ ಬತ್ತಿದ್ದ ಕೊಳವೆಬಾವಿಯಿಂದ 30 ಅಡಿ ಎತ್ತರಕ್ಕೆ ಚಿಮ್ಮುತ್ತಿದೆ ನೀರು | Janata news
569
ಬಾಗಲಕೋಟೆ : ಬಾದಾಮಿ ತಾಲೂಕಿ ನೀಲಗುಂದ ಗ್ರಾಮದ ಹೊಲದ ಕೊಳವೆ ಬಾವಿ 5 ವರ್ಷ ಹಿಂದೆ ಸಂಪೂರ್ಣವಾಗಿ ಬತ್ತಿ ಹೋಗಿತ್ತು. ಈಗ ಅಚ್ಚರಿ ಎನ್ನುವಂತೆ 20 ರಿಂದ 30 ಅಡಿ ಎತ್ತರಕ್ಕೆ ನೀರು ಚಿಮ್ಮುತ್ತಿರುವ ಘಟನೆ ಜಿಲ್ಲೆಯ ಬಾದಾಮಿ ತಾಲೂಕಿನ ನೀಲಗುಂದ ಗ್ರಾಮದಲ್ಲಿ ನಡೆದಿದೆ.
ಸಂಪೂರ್ಣವಾಗಿ ಬತ್ತಿದ್ದ ಕೊಳವೆ ಬಾವಿಯಲ್ಲಿ ನೀರು ಹೆಚ್ಚಾಗಿ ಆಕಾಶಕ್ಕೆ ಚಿಮ್ಮಿ ಗ್ರಾಮಸ್ಥರನ್ನು ಅಚ್ಚರಿಗೊಳಿಸಿದೆ. ಚಿಮ್ಮುತ್ತಿರುವ ನೀರು ನೋಡಲು ನೋಡಲು ಸುತ್ತಲಿನ ಗ್ರಾಮಸ್ಥರು ಆಗಮಿಸುತ್ತಿದ್ದಾರೆ.
ನೀಲಗುಂದ ಗ್ರಾಮದ ಗ್ರಾ.ಪಂ. ಸದಸ್ಯ ದ್ಯಾವಪ್ಪ ಕಾಟನಾಯಕ ಅವರ ಐದು ವರ್ಷದ ಹಿಂದೆ ಸುಮಾರು 170 ಅಡಿ ಆಳದ ಕೊಳವೆಬಾವಿ ಕೊರಿಸಿದ್ದರು. ಆರಂಭದಲ್ಲಿ ನೀರು ಬಂತಾದರೂ, ಕ್ರಮೇಣ ಕೊಳವೆ ಬಾವಿಯಲ್ಲಿನ ನೀರು ಇಂಗಿತ್ತು. ಹೀಗಾಗಿ ಕೊಳವೆ ಬಾವಿಯನ್ನು ಹಾಗೆಯೇ ಬಿಡಲಾಗಿತ್ತು. 5 ವರ್ಷಗಳಿಂದ ಬತ್ತಿದ್ದ ಕೊಳವೆ ಬಾವಿಯಲ್ಲಿ ಈಗ ಇದ್ದಕ್ಕಿದ್ದಂತೆ ನೀರು ಹರಿಯುತ್ತಿದೆ.
ಮೂರು ಬಾರಿ ಬಂದ ಪ್ರವಾಹ ಹಾಗೂ ಅತಿಯಾದ ಮಳೆಯಿಂದಾಗಿ ಬಾದಾಮಿ ತಾಲೂಕಿನಲ್ಲಿ ಇದೀಗ ಅಂತರ್ಜಲ ಮಟ್ಟ ದಿಢೀರ್ ಹೆಚ್ಚಳವಾಗಿದೆ.
